السلام عليكم ورحمة الله وبركاته ,,,
صبحكم ومساكم الله بالخير ,,,
قبل كم يوم كنت بالعليا العصرية والا اشوف قدامي واحد لابس جريدة
طبعا انا قلت شايف ها التي شيرت بس مدري وين
عاد يوم قربت اكثر واكثر الا طلع خوينا ايمانا
جالس يهجول في شارع العليا
طبعا ابو الشباب شكله يقدر التكعيب
المهم سلمت عليه وقلت له ويلكم
آي لاف يو
واخذت له صورة وسألني وين مطعم دايت سنتر
طبعا عن طريق المترجم اللي معه
واعتقد انه مغربي قلت والله مدري بس اذا تبون اوصلكم ما عندي مشكلة قالي لا شكراً
عندنا سيارة بس حابين نمشي رجل ... طبعاً المترجم واضح انه خايف عليه
وشايل همه والخال ما عنده مشكلة الا يبي يهجول
عاد انا مشيت وبعد العشاء يدق علي واحد من العيال .. يقول انه توه لاقي ايمانا بالتحلية
ومصور معه وانه يدور على دايت سنتر
وكل ها الوقت يمشي رجليه !!
الرجال ماشاء الله عليه فيه نشاط زايد
واقترح على الادراة انه يضاعفون التدريب عليه
والا يكشتون فيه لاني بصراحه خفت على اللاعب يجي واحد مريض
يسوي فيه شي والا يضيق صدره والا الهيئة تشقله في الجمس على لابسه البايخ
وخذ يا اشاعات
المهم هذي الصورة وواضح انه بنص الشارع
والمعذرة على الاطالة
الوضع العادي
