$$ طهور ان شاء الله يازعماء الارض&& - نادي الهلال السعودي - شبكة الزعيم

جمجمة الهلال · #1 26/02/2003, 05:14 PM

السلام عليكم .

كيف حالكم وش اخباركم ؟

مشتاق لكم ولمنتداكم الرائع

والله ياشباب أنا جيت على ملا وشي على قولت المصاريا

جيت امشي مليووون عقب ماسمعت عن اختراق الموقع .

على العموم الحمدلله على سلامتكم وفك الله عيونكم

حبيت اسلم عليكم وأتأكد ان مافيه أحد تعور عقب اللي صار .

وعلشان مايصير موضوعي بلا فائدة ابعطيكم هالسؤال الخفيف ؟

س/ كم عدد آيات سورة الفاتحة ؟

طبعا الجواب بسيط وهو سبع آيات .

طيب خلونا نقرأ سورة الفاتحة :

الحمدلله رب العالمين (1) الرحمن الرحيم (2) ملك يوم الدين (3)
اياك نعبد وإياك نستعين (4) إهدنا الصراط المستقيم (5)
صراط الذين انعمت عليهم غير المغضوب عليهم ولا الضالين (6)

أنتم تشوفون انها ست آيات كيف ؟؟؟

وجزاكم الله خيرا

والسلام

المملكة · #2 26/02/2003, 05:26 PM

جمممممممممممممممممممممجمة الهلال ( حتة وحده ) ؟؟؟؟

:p

أحلى شي في هالمشكله .. إنك طلعت من قبرك ؟؟؟؟؟؟؟؟؟؟؟؟؟؟؟؟؟؟

الحمد لله على السلامه .....

هلالي فخور · #3 26/02/2003, 05:34 PM

:O:O

جمجوم بيك مرة وحدة ما اصدق

يا جماعة احد بقبصني عشان اصحى

سهل · #4 26/02/2003, 05:36 PM

هلا وغلا جمجوم بك ;) ;) وين الغيبات والا سمعت عن الحرب وجيت تركض

وعلى فكره ترى ايميلك مهوب حار

الا بارد ومثلج بعد

وابشرك المنتدى صارفين لنا نظارات لحااااااااام

والاصابات طفيفه
ما خسرنا الا الاعداء

الله يرجعهم بالسلامه

الا ماودك نمسكك كتيبه ( اذا تبي الجهاد )

تحياتي لك وللاخوان المناضلين <<< وش السالفه :sad:

الوليد · #5 26/02/2003, 05:37 PM

ياهلا فيك والحمد لله على السلامه

ومن طول الغيبات جاب الغنايم

وأما مايخص سورة الفاتحة
[c]

[/c]
فقد تم ذكر

بسم الله الرحمن الرحيم
الآية رقم ( 1 )

بحكم أنها هي فاتحة القرآن الكريم

والله اعلم وصلى الله على نبينا محمد.

الفيروسه الزرقاء · #6 26/02/2003, 05:56 PM

ياهلا والله وغلا فيك يالغالي

حمد لله على رجوعك لنا

حبيت اسلم عليكم وأتأكد ان مافيه أحد تعور عقب اللي صار .
ابشرك في احد تعور

كيفي كويتيه ، اما غروده فهربناها من سجن سهلووووووووووه

وكذلك ماجد الهلالي وصدى الحرمان اللي اعدمناهم من الحياة ردا لما فعلوه سهل888 في الجندية كيفي كويتيه ومساعدتي غروده

ســـــ SMN2002 ـليمان · #7 26/02/2003, 06:16 PM

هلا وغلا والله بجمجوم بيك
والذيب على طاريه
والله اني كنت ابي اكتب موضوع عن الغااااااااايبين عن المنتدى ولهم فتره
وطبعا انت اولهم
مشتاااااقين لعدناااااان ولينا
واسلئتك السته
ومن طول الغيبات جاب الغنااااااايم

البارق · #8 26/02/2003, 07:03 PM

يا جماعة وش هالغبار اللي مالي المنتدى.؟؟؟

تصدقون كنت بروح أطرد العامل اللي حنا جايبينه ( قطية

) عشان هالغبار .. عاد هو قال لي : هازا فيه همهمة جلال فيه يزي اليوم .. وعسان هازا كتير قديم مرتن بالحيل

هو فيه يزيب قوبار..

----- انتهى كلام العامل

===============

هلا وغلا بك يا جمجوم .. ووشلونك عساك بخير .. وعسى هالرجعة نهايئة ;) بس خوفي تصير مثل سابقاتها..

..

على العموم الحمد لله إنك بخير وصحة .. وترى من جد والله مشتاقين لك مرررررة..

وكانك تقوى على فراقنا فحنا والله ما نقوى ..

أما بخصوص الفائدة من الموضوع

فرد عليها الوليد .. وهو إن البسملة تعتبر آية في سورة الفاتحة ..

من ضمن تفاسير هذه الآية أن آيات سورة الفاتحة عددها سبع.. وهذا ما ذكره ابن كثير..

على العموم الحمد لله على السلامة وفك الله عيوننا

ننتظر مشاركاتك أكثر من موضوع كل سنة

تقبل خالص تحياتي الحارة مثل حرارة بريدك..

ولك خالص تحياتي ،،،

أخوك / البارق

ابو روان · #9 26/02/2003, 07:27 PM

[c]سبحان من يحيي العظام وهي رميم.....

مومعقولة جمجومة باشا للحين حي؟؟؟

يالله انك تحييه ..عاش من شافك...وين هالغيبات

لو اننادارين انك بتطل علينا اذصار اختراق للمنتدى ....كان دعينا انه يخترق من زمان

[/c]

الإعصار · #10 27/02/2003, 04:20 AM

لا لا لا ...

جمجوم باشا .. عندنا .. مرة وحدة !!

لا لا لا !!!!

وش هالغيبة يخوي .. مالك حق والله .. لو اننا دارين انك بتجي عشان اختراق الموقع .. كان ياخي خليناهم يخترقونه من سنة جدي ..

حياك الله ومرحب والله فيك .. ولا عاد تغيب أكثر

مدمي الشباك سام6 · #11 27/02/2003, 04:27 AM

يامرحبا جمجوم نورتنا

من طول الغيبات جاب الغنايم

جمجمة الهلال · #12 27/02/2003, 07:15 AM

الله مير يسلمكم ويبارك فيكم

ردود سريعة :

الأخت المملكة
الله ينجينا من عذاب القبر قولي آمين

------------
الاخ هلالي فخور

لا صدق جمجوم بيك بعظامته وكانك ماصدقت بعد دور احد يخقلك

---------------
الأخ سهل ابو ثمنيات

هلا وغلا

اكيد ابرجع يوم سمعت عن الحرب والتحرش بالمنتدى انت نسيت ان نظام الجماجم نظام عسكري دكتاتوري

وكانك تقصد حرب العراق فاقول الله ينصر الاسلام والمسلمين .

الحمدلله على سلامتكم

___________
الأخ الوليد
الله يخليك لعين ترجيك

وجزاك الله خير على التوضيح بالنسبة لسورة الفاتحة

------------------
الأخت الفيروسه الزرقاء
الله يسلمك
وشكرا على الترحيب المزركش بالورود اللي يذكرني بليموزين افغاني

لالا أمزح معك

ماقصرتي وشكرا لك

__________

الاخ ســـــ SMN2002 ـليمان

شكرا على اهتمامك

وماقصرت
---------------
بارقووووووووووووف

كيف حالك يامشرف الدجة

افا ياذا العلم وشلون يخترقون الموقع وانت موجود

وين قوات حفظ السلام اللي سلمتك اياها قبل ما امشي ؟؟
لاتصير حرجت عليهم بس

حبيبي بروق باشا انا صراحة قليل اخش النت لان عندي ارتباطات اخرى تمنعني

قل ان شاء الله اني ابتل معكم هالمرة .

تحياتي لك المعطرة بورد جمجومي فاخر نخب أول

-------------------
الاخ ابو روان

يخليك ربي تسلم لي

على فكرة وش صار على شريط الثنيان ؟

شكرا
---------------
سعادة البية المدير اعصار باشا

كيفك وش اخبار الموقع عقب الاختراق؟

لالا مايصير بسم الله عليكم وعلى الموقع جعل الله خرق الموقع يخرقون راسه بدريل خط 220

تحياتي لك يا احلى مدير

------------
الاخ مدمي الشباك سام6

الله ينور ايامك

والله من ناحية الغنايم مهنا غنايم تبي دجة انا حاضر
شكرا

فارس الوميض · #13 27/02/2003, 06:57 PM

أهلين جمجوم أفندي...
أجل ما صدقت تشري جهاز علشان تسنتر هنا...
خلاص يا بابا... راحت عليك... أخوياك صاروا في لجنة الإستشارات و انت تبدأ من جديد...
أقول جزا الله خير هاللي أخترق الموقع... {جعت أسمائنا

نشوفك ان شاء الله.....

نجمة الإبداع · #14 27/02/2003, 07:54 PM

الحمد لله على السلامة والعودة للشبكة ،،

ويا هلا بك