|
لكل واحد جرَّب الجامعة السلام عليكم و رحمة الله و بركاته .. كيف حالكم ؟ :smilie47: طبعاً تعرفون أنا انتقلت إلى الجامعة حاليَّاً >> إن شاء الله تعرفون :d و تعرفون إن الجامعة نظام جديد مو مثل نظام التعليم العادي و حركات أمسك فصلك و المدرِّس يجيك و كذا .. و تعرفون إن طُلَّاب الثانوي يوم يدخلون الجامعة مثل اللاعب الناشئ اللِّي يحتاج نصائح المُخضرمين امثالكم :d المهم .. نحن نبي نصائح و توجيهات لنا .. الطلاب المستجدِّين .. نبي نستفيد من خبراتكم .. و نَنهل من مناهلكم :razz: |
خلك ساكت ولا تناقش الدكتور نصيييييييييحه مجرب حتى لو كان كلامه خطأ تحمل واسكت علشان ما ينقص عليك درجات او حتى يرسبك |
أولاً الله يوفقك في حياتك الجامعية ثانياً شد حيلك في الترم الأول قدر المستطاع وحاول تجيب أعلى معدل ممكن توصل له لأن إرتفاع المعدل وخصوصاً في المستويات المتقدمة صعب جداً ويكون بنقاط قليلة أما النزول ممكن مادتين أو ثلاث تخسف بالمعدل ------- طبعاً محدثك طالب في جامعة الامام :d وكان للأسف بداية دخولي للجامعة قبل أربع سنوات مافيه أي إهتمام من ناحية تعليم الطلاب بحقوقهم ومالهم وماعليهم وأيضاً ضعف شديد في تثقيفهم في أمور المعدل وطريقة التعامل مع الحذف والاضافة وأيضاً المواد المتطلبة !! والمرشد الاكاديمي اللي كان دوره مغيب تماماً والطلاب حالتهم حاله المهم كان أول فصل بالجامعة شتاء وكل ماشفت الجو مغيم تواعدت مع الشباب وتوجهنا شمال شوي باتجاه الثمامة :s2: وسحبنا على المحاضرات وفي الأخير طلع معدلي 2,15 :s5s: مع الحرمان من كم مادة والرسوب من كم مادة أخرى هو صحيح الخطأ أتحمله لكن فيه نسبة معينة تتحملها الكلية :mad: لكن في السنتين الأخيرة الحمدلله انتبهوا لهالنقطة وصار في لقاءات ومحاضرات للطلاب وخصوصاً على كيفية الاهتمام بالمعدل وطريقة رفعه واهتموا بالمرشدين الأكاديميين ووضعوا لكل 30 طالب مرشد أكاديمي خاص فيهم الخلاصة من كلامي وهو المطلوب منك الإستفادة منه - شد حيلك في البداية - نادراً ماتلقى أحد يساعدك في الجامعة بعكس الدراسة المدرسية - عند بداية كل فصل وعند حذف وإضافة المواد إحرص على إستشارة مرشدك الأكاديمي عشان يفيدك في طريقة إختيارك للمواد وخصوصاً عند التعثر |
الله يوفقك يالغالي اذا تبي تفلح في الجامعه اسمع هالكلام :) اول ترمين او اول سنة هي الي تأسسك في الجامعه :yes: يعني لو اخذت معدل مرتفع راح ترتاح في باقي سنينك الجامعيه:ba: ثانيا اهم شي انك تحضر المحاظره وتفهم من الدكتور على حسب المادة الي تحتاج الى فهم وعلى حسب تخصصك ثالثا لا تاخذ الجامعه هم وغم خذها حب في تخصصك عشاان تهوون عليك الدراسه فيها:d رابعا اغلب من تخرج قاال احلى حيااتي الحياة الجامعية عسااك مثلهم:ap: خامسا المعذره على كثر الكلام << احم احم اعجبته كلمة مخضرم :s2: |
إذا قال لك شخص من الأشخاص: "الدكتور الفلاني صعب ومعقد ومايخاف ربه ...إلخ.." لاتسمع رأيه وكن دائماً حذر في تعاملك مع أعضاء هيئة التدريس. وطبعاً لاتنسى أن الحياة الجامعية جميلة جداً ولكنها أيضاً تتطلب الجد والاجتهاد. تذكر أيضاً أنك سوف تمر بمطبات كثيرة, ولكن توكلك على الله ثم عملك الجاد يذيبان تلك المطبات, وأن الشخص يأخذ بقدر مايعطي. وفقك الله في رحلتك القادمة. bon voyage:rose: |
اخونا فهد اسال الله انه يوفقك في المرحلة الجامعية ولك عندي بعض النصائح اولا : السنة الاولى هي الركزة الاولى للمعدل حتى ترتاح في المراحل التالية وحتى وان كنت في السنة الاول معدلك نازل يمديك تلحق لكن بذل جهد كبير جدا ثانيا : انتبه ممن تزامل في الجامعة وكن حاضر ذهنيا في المحاضرات ولاتناقش الاساتذة في كل صغيرة وكبيرة ثالثا : لابد انت تكون لك زيارة ولو اسبوعيا للمكتبة المركزية والاستفادة منها رابعا:افضل مرحلة هي المرحلة الجامعية فصب جهدك كله فيها فمستقبلك فيها والله يوفقك |
تـوكـل عـلـى الـلـه وشـد حـيـلـك مـن الـبـداايـة .. الـرمـح مـن أول ركـزة :yes: يـعـنـي أول تـرمـيـن شـد حيـلـك تـجـيـب مـعـدل عـاالـي ومـهـوب مـعـنـااتـه تتـكـااسـل فـي بـااقـي الأتـراام لأنـك بـمـجـرد ضـغـطـك عـلـى نـفـسـك فـي الـبـداايـة رااح تـكـون مـتـمـرس وتـتـعـود عـلـى الـجـاامـعـة .. احـضـر الـمـحـااضـرات وذااكـر أول بـأول وفـالـك الـ A+ |
إقتباس:
حتى لو الدكتور مصري ؟ :d دايم اسمع اللي يقولونه النَّاس عن الدكتور إنه ما يرحم و إن المفروض ما تسأله و ما تستفر منه و إنَّه يظلمك على أقل شيء .. و أنا حلَلت و فسَّرت هذا الشيء إن الدكتور غالباً السعودي هو اللِّي يسوي كذا لأنه ابن البلد فما يخاف من شيء .. عكس المصري الجديد اللِّي ذي أوَّل سنة له .. << خايف :cry: أنا من النوع اللِّي في المدرسة ما أقدر أفوِّت معلومة في أي مادَّة إلا اسأل عنها المدرِّس و أطلب شرحها :cry: الله يعين .. يعطيك العافية يا لطيِّب .. نطمع بمرورك أكثر من مرَّة و بنصايحك :rose: |
إقتباس:
إقتباس:
الله يعينكم .. حقيقة أنا أستغرب يوم واحد يقول لي .. لازم تخلِّي أولادك يعيشون الحياة مثل ما تعيشها ..و ياخذون خبرة في الحياة .. لا تقول لهم شيء خلَّهم يجرِّبون كل شيء و هم بعدين يختارون طريقهم ! إذا طبَّقت هذا الكلام وش فايدة خبراتي أنا في الحياة ؟! يعني هل خبراتي في الحياة أمسكها لنفسي و ما أقولها لعيالي ! << طبعاً المثال ينطبق على اللِّي يقول لك لا تسمع كلام طلاب الجامعة اللي قبلك .. أدخل الجامعة و جرِّب كل شيء و بتعرف الطريق الصح .. يعطيك العافية حبيب على النصائح .. ما قصَّرت .. :smilie47: و الله لا يحرمنا منكم :rose: |
إقتباس:
أي مثل العمارة لازم يكون الأساس في البداية قوي >> دايم اسمع هالمثال :d يعطيك العافية يا منصور مفتاح >> على شان مخضرم بس :s2: و منوِّر الموضوع يالغالي .. تشّرَّفنا .. :rose: |
إقتباس:
مشكور يالطيِّب على النصائح اللي عن تجربة .. نحتاج النصائح اللِّي كذا .. تمثِّل لنا حياة ثانية و تجربة ثانية .. و يمكن ما يفهم كلامي إلا اللِّي يجرِّب .. منوِّر يالغالي ..:rose: |
إقتباس:
إقتباس:
يا هلا بمهنَّا الغالي .. و الله يعطيك العافية على النصائح .. ما تقصر يالطيِّب .. :smilie47::smilie47: |
إقتباس:
الله يعين يا بعدي .. لازم نشد من البداية .. آمين إن شاء الله .. منوِّر يالغالي .. و فالك الجنَّة إن شاء الله :smilie47: |
,,, شد حيلك واجتهد مع الاجتهاد كل صعب يهون ..!! وحافظ على نفس المستوى طوول الترم وفالك التوفيق :smilie47: ,,, |
صباح الخير ,, ألف مبروك القبول بالجامعة وعقبال التخرج يارب ,, من أجمل السنوات الحياة الجامعية :ba1: اللي عندي : 1- المعدل : * بما إن المعدل تراكمي مهم يكون من البداية كويس , وسهل تجيب معدل عالي بـ اول سنة لان المواد عامة لسى ماتعمقت بـ التخصص ولا البحوث والمشاريع . * حتى لو جبت معدل مش ولابد حبتين تقدر ترفعه بس للامانة مو بسهولة فـ من البداية اشتري دماغك واهتم بـ أول سنة , 2- الجدول والحذف والإضافة : * الأفضل يكون في توازن بين الحفظ والفهم والسهل والصعب , بتقول اش دراني اش السهل والصعب ؟ الإجابة من خبرت اللي سبقوك ومن المواد المتشابهه * انتبه تجلس تحذف تحذف بالمواد وبكره تلاقي نفسك مضطر تزود كم ترم بالجامعة لازم كل ترم تحط ببالك كم مادة تاخذ , يعني تعمل توازن لـ كل الأترام , * اهتم بـ الدرجات اللي بيدك ( واجبات + اختبار دوري ) عشان تدخل الاختبار النهائي وإنت مجمع درجات ومرتاااح من هم المعدل والنجاح , 3- الأصحاب والقيل والقال : * الصاحب ساحب فـ اهتم يكون اصحابك فيهم الخير وناس طموحة :ba1: تشجعك , مايهم معدل الشخص اللي قدامك لان بعضهم معدل عالي واخلاق عدم :s3s: وبعضهم طموحين بس معدلهم على حسب قدراتهم ومستواهم :yes: * بتلاقي ناس نفسية :mad:وبتسمع كثير جمل : اووف باقي لك هالمادة صعبة / اسحب عالمحاضرة / احذف المادة زيي واضيف المادة حطها قاعدة ببالك : لاتسوي شي يضر مستقبلك عشان ترضي الغير :yes: , لان هالغير ماتعرف كل واحد واش ظروفه تلاقي اللي وظيفته تستناه واسطة واللي أبوه غني يصرف عليه واللي كل مره يصيف بديره من فلوس أمه :d ووو واللي أصلاً فاشل وماله هدف , اهتم بـ مستقبلك ولا تفضل أحد عليه , وتذكر : ظروف اللي حولك مو مثلك لك حياتك الخاصة ولك أهدافك اسعى لتحقيقها والله يوفقك :rose:, 4- أنشطة الجامعة : كثير نشوف انشطة بالجامعة من محاضرات تثقيفية او دورات بـ اسعار رمزية جداً او حفلات , انصحك تستغل أغلب بريكاتك بـ التسجيل فيها وحضورها منها تقوي C.V لـ المستقبل بـ الدورات ومنها تستغل الأسعار الرمزية ومنها تثقيف لـ ذاتك ,وزيادة الخبره والتعارف وترفيه لـ نفسك . والله كثير في انشطة حلوة وماتتفوت ويكون متعوووب عليها , تقدر تعرف من نفس مراكز الانشطة + مواقع الجامعة + او منتداهم . 5- الصعوبات وتغير النفسية : راح تمر عليك أوقات تعيش ضغط نفسي بسبب تكاليف واختبارات وفي اختبارات يكون وقتها تعارض يعني اختبارين بيوم واحد :cry: وهم المعدل وو من هالامور تذكر إن مثل مامرت عليك أيام كنت فاضي لدرجة ودك تتمحرش بـ احد من قوة الفضاوة :s2: راح يكون العكس شي طبيعي هذه الحياة مو على رتم واحد , وكلنا مرينا بـ هالظروف مافي شي يجي بالساهل , لازم منا شويه تحمل واهتمام لـ تعدي هالأيام وحلات النجاح يجي بعد تعب وجهد منك :ba1:, 6- موظفي الجامعة : * الدكاترة حاول تسأل عن الدكتور اللي بتدرس معاه + وشوف شكله يبان بالغالب إذا كويس ولا s121s وإذا لقيت احد سبه اسأل السبب؟ لأن بعضهم اسباب سبهم شي سخيف :razz: تلاقيه يقولك الدكتور سيء لان يهتم بالتحضير وينقص اللي يغيب ذذ أفضل اهتم بـ كيف شرحه وكيف أسئلته هذا المهم , * ضد اللي قالوا ماتناقشه إذا الدكتور محترم وإنت معاك الحق عادي ناقشه اهم شي بـ اسلوب وتكون مرن بـ التعامل :rose:, * مو كل من طلع موظف يعني كل كلامه صح s121s ترى بعضهم يحب يفتي من راسه :s3s: بمعنى : إذا عندك مشكلة بالجامعة مو اي موظف تسأل , بصراحه انا آيد تروح لـ الراس الكبير والمختص , 7- الاهتمام بـ البشرة والشعر:d: بما إن جامعاتنا يحبون يشمسونا :razz: فـ انصحك بـ نظاره شمسية محترمه وكريم حماية وشوشتك بلاش تشمسها دوم ترى يروح فيها شعرك :s5s: مو لانك ولد تقول هذه سواليف بنات :s2: ترى بعد كم سنة بـ تنصدم يوم تشوف نفسك سمرت وجاك مشاكل بالبشرة بسبب الشمس من : رؤوس سودا وبقع :s3s: 8 - المكافأة > أهم شي :d إذا زودت اترام او موادك مره قليلة بالترم الواحد ماتاخذ مكافأة فـ انتبه . 9- الخصومات : كثير اسمع اماكن تسوي تخفيض وخصم لـ الطالب الجامعي فـ استغلها s121s الله يوفقك وييسر لك يارب ولكل مسلم شكر لكم لـ حسن استماعكم :s2: احترمكم بطلة |
| الوقت المعتمد في المنتدى بتوقيت جرينتش +3.
الوقت الان » 10:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd