جمهور الهلال جمهور كلام فقط
 

الكل فيكم طبعا متوقع يدخل ويلقى كلام عكس الموضوع لاكن أنا أعني كل كلمة قلتها في الموضوع أيه جمهور الهلال فاشل ونا متأكد مليون بالمية أن الجمهور في مباراة الشباب مستحيل يغطي الواجهه كاملة لأنكم جمهور كلام وجمهور منتديات مانتم جمهور مشجع للنادي الي يشوف المنتدى قبل المباريات يقول الملعب بيمتلي عن بكرة ابيه لكن للأسف لمى يجي وقت المباراة نلقى الحضور ضعيف وهذا شي تعودنا عليه وأقربها مباراة هجر ومافعلوه جمهور الاحساء في المنتدى التذاكر خلصت ومدري أيش وآخرتها الحضور متوسط وفي أول مبارة في الموسم وهالشي راح يحرجنا ويحرج الامير عبدالرحمن بن مساعد قدام الجهاز الفني واللاعبين الي جو وتوقعوا أن الهلال ذو شعبية كبيرة هو فعلا ذو شعبية بس جمهوره جمهور مقاهي وأستراحات وتكية على الشاهي في البيت ومن زين هالوجه تلقاه أول ماتخلص المبارة بنتيجة سلبية يسب الاعب الفلاني أو ينتقد الاعب الفلاني وحيانا المدرب وحيانا الفريق بكبره طيب والمشكلة لو أنهزم الهلال مباراة وحدة مايحضر المباراة الي بعدها ألا 25 واحد ماعندكم أي قناعة بأن الكورة فوز وخسارة بعكس جماهير بعض الأندية اللي واقفين مع فريقهم وهو حتى في أسوأ حالاته ينهزم تلقى المباراة الي بعدها الجمهورمتواجد جمهور مايستسلم ,
,السؤال الي يطرح نفسه على النقد الي دايم نشوفه من ناس مالهم حق ينتقدون , اللعيبة والجهاز الفني حاولوا وشتغلوا لاكن أنت وش سويت أنت ماكلفت نفسك تحضر المباراة حتى, والي يؤسف كثير كثرة الناس الي مايفهمون كورة في المنتدى مثل بعد آخر مبارة البعض أنتقد نامي مع أن مستواه كان ممتاز في تلك المباراة والبعض أنتقد ماجد وقال أن دفاع الهلال على كف عفريت من غلطة ماكانت منه أصلا وأي مدافع كان مكانه شي طبيعي تنقطع منه الكورة لأن الغلطة من الحارس 100% أنا مابي حد يقول كلامك صحيح أنا أبي الفعل وحضور مباريات ومساندة الفريق وفي الاخير تذكر أن كونك هلالي بدون ماتحضر مباريات الهلال فأنك ماتضيف للهلال شي ومالك أي حق أنك تنتقد عمل النادي وأتمنى جهور الهلال يثبت أني غلطان ونشوف جمهور كبير في مباراة الخميس لكن مثل ماقلت أنا أتمنى بس ماتوقع

انا اعارض التمييز والتفرقة بين جمهور الهلال,,ورغم الاسائات التي طالت جمهور الرياض الا اني لن انتهز هذه الفرصة للرد عليهم رغم الحضور المتواضع لجمهور الاحساء.

تيب انا بطرح فكره عليكم اوك ما دام تقولون جمهور الرياض

وش رايكم نصوت لا افضل جمهور

شفنا جمهور الاحساء كيف كان

والان جاء دور اهل الرياض ان نشاء الله متفائلين بالخير والجمهور راح يكون 30 الف ونتمنى المزيد

+1

وبكذآ بيصير فيه تنآفس بين جماهير الملكي في المناطق :)

يعطيك العافيه

بأذن الله الخميس الملعب فل

ازيدك بعد ترا اللي يحظر مو من اعضاء المنتديات، مايعرف الا الملعب ولا ينتظر من احد يحمسه عشان يحظر لكن اللي قهرني الحمله اللي شابينها على الرابطه واعتقد انك سمعت ان امس في الالتراس ماحظر الا ٢٠ شخص وراح يبان الليله عدد الجماهير الحاظره في مباراه الشباب في حفل الالتراس.

قال ايش يبوووون تشجيع اوربي ههههههههههههههههههههه.

أتمنى من اللي بيتقد ينتقد بـ إحترآم } , ,

اتمنى بدل مآنشوف هـ الكلآم

نشوف كلآم مشجع


/

للأسف جمهور دخيل

جمهور الرياض يفقع مرارة السبد

إنشاء يبيضونها الخميس ويملون الملعب.

اقول يرحم امكم يامشرفين لاترفعون المواضيع اللي فيها تفرقه

وجمهور الشرقيه وجمهور الرياض ياناس كلنا جمهور الهلال

والحضور مسؤولية اي هلالي يقدر يحضر حتى وان كان خارج السعوديه

اتمنى لانصير مثل النصر نص مع ممدوح وشلة ونصف مع فيصل بن تركي

اذا بتكتب اكتب كامشجع واطلب منهم الحضور بطريقه سهله

ايه جمهور فـآشل
كلام بس الفعل مآفيه أبدآ
اتمنى تعكسون الصورهـ

كلامك صحيح 100% كلام بدون فعل

ياخي بدال ماتحمس وتشجع الناس ع الحضور وتشكرهم على حضورهم طيلة السنوات الماضيه جاي تقول هالكلام ؟؟؟
انا مادري كيف المشرفين مخلين ا لموضوع كذا ؟؟
جمهور الرياض جمهور وفي وجمهور حماسي وجمهور راح يحضر وتشوف الخميس واتمنى يحذف هالموضوع نهائيا ؟؟