سوف يطبق نظام ساهر المطور على طرق السفر - نادي الهلال السعودي - شبكة الزعيم

هلالـــ موت ـــي · #1 15/09/2011, 05:13 PM

العميد عبدالرحمن المقبل يصرح فـي برنامج الدكتور داوود الشريان على الـ fm ويقول :

سوف يطبق نظام ساهر المطور على طرق السفر .

طريقة النظام :

توضع كاميرا على مخرج كل مدينه وكاميرا توضع فـي منتصف الطريق وكاميرا توضع فـي مدخل كل مدينة.

مثال :

شخص متجه من الرياض للدمام والمسافة 400 كم والمده 4 ساعات ، وأنت خارج ‏مـن الرياض الكاميرا تصور جميع ارقام اللوحات الخارجه ‏مـن الرياض وتدخل لوحتك فـي النظام ولما توصل الدمام تصورك الكاميرا ويبدأ يحسبلك الوقت إذا وصلت الدمام فـي ساعتين ونصف أو 3 ساعات فهذا دليل انك مسرع ويبدأ النظام يحسب ويضرب ويقسم المسافه فـي الوقت ويطلع سرعتك وأحلى مخالفه تنزل على حسابك

jnon ro7y · #2 15/09/2011, 05:43 PM

الله يعين المسافرين

ع كذا بياخذ يوم كامل وهو ما وصل منطقته
وخصوصا اللي بيسافر مسافة طويلة

رنو

الزعيييييييييييييييم · #3 15/09/2011, 05:57 PM

اذا تبي تشوف آخر التكنلوجيا في عقاب المواطنين تعال للسعودية ..

أنواع التفنن ..

الله يعين قلوبنا ..

هو صح انه افضل للمواطن ..

لكن يعني المفروض الموضوع يتم دراسته بشكل اكبر ..

داق لطمة · #4 15/09/2011, 07:04 PM

أحسن ..

......................

مسّتريح البال · #5 15/09/2011, 07:21 PM

بما أن ساهر نظام وضعي بالأمكان الألتفاف عليه

اذا جيت مثلا طالع من الرياض للمنطقة الشرقية حاول تطلع وإنت جويع

وسوق براحتك بس بالشي المعقول يعني أقصى حد 150 أو 160 كيلو متر في الساعة , تقريبا بتقطع المسافة في حدود الثلاث ساعات

وقبل الدخول للدمام شف لك مطعم تاكل فيه وتعين من الله خير وسولف مع ربعك وبعدين ادخل الدمام , بيكون تقريبا الوقت اللي قضيته بين ممشى وأكل 4 ساعات .

وبهذي الطريقة نكون تغلبنا على التكنلوجيا ونظام ساهر الجشع

THE-SMART · #6 15/09/2011, 11:37 PM

^^^
^^
^

فييييه طررريقة أطللق من طريقتك ^^ .

قبل لا تتمسسسك طريق الشرقية طال عمرك , أرسل أخوك الصغير ولا أي نفر قلّه يمسسك الطريق ثم يطلع مع أقرب مخرج و يرجع للبيت , على ماتجهزون العفش ولا هو واصل أركبوا معه وأمشششوا : ).

شرايك !! ذكي ^^.

sugarfall · #7 16/09/2011, 12:11 AM

أحسن واللي يقول غير كذا متخلف
شكرا لك
أتمنى ل التوفيق
تحيتي قبل مودتي

مـٍلآمـح شمـآلـيّ · #8 16/09/2011, 12:23 AM

طريق سفر ياربي وش هالخبال؟؟؟

نضل ايام ما وصلنا الديرة اللي نبيها يعني؟؟؟

ديل بييرو الملك · #9 16/09/2011, 03:54 AM

يستهبلووووووووووووووووووووووون

وين يبو انا طيب اذا بروح الديره

تخيلوا من الجبيل

الى الباحه

وبدون ساهر قرف فما بالكم بساهر

وربي اكلت فهالصيفيه 4 مخالفات

وربي حرام الى متى الاستغلال قهر وربي

Al Suwalih 9 · #10 16/09/2011, 05:55 PM

ههههههههه

كل واحد يفكر بطريقة يللا ياشباب

ỳάṡṣẻя · #11 16/09/2011, 06:10 PM

,,,

في طريقة اسهل بكثير التزم بالسرعة القانونية وآرتاح

,,,

ابوريناد · #12 17/09/2011, 05:41 AM

اختلفنا من يسرق الثاني أكثر

الله الله

هلالي سديراوي1 · #13 17/09/2011, 11:20 AM

والله انه سااااارق ..
بتقنعوني اني مثلا با مسك خط الرياض - مكه وامشي فيه اقل من 150 !!!!

الطرق السريعة مفروض ترفع فيها السرعة 120 متى توصل !!

الله يصبرنا عليه ...

t.14 · #14 17/09/2011, 11:50 AM

انا مع الانظمة ...

بس عندي تساؤل اتمنى القى له اجابة , ليش الأنظمة ماتجي الا بنهب المواطن ؟!!!!!!!!!!!