|
لمآذا الجمآهير لاتحظر لمباريآت الهلال ! الجواب بالداخل >> السلام عليكم ورحمة الله وبركاته طبعا دائما مانتكلم عن الحظور الجماهيري في اي مبآرة من مبارة الهلال وخاصة في الرياض .. وليه الجماهير ماتحظر .. رغم ان جمآهير الهلال ( امة ) يعني لو يحظرون ربعهم ملو استاذ الملك فهد .. انا بالنسبة لي مشجع واعرف كثير مثلي مايحظرون عشان الاسباب الموجودة : - 1- اذا خشيت معاملة العسكر لك معاملة ( سجن ) موب ( ملعب ) مثال : مرة حظرت الغرافة والهلال 3-0 ربع النهائي في الرياض .. طبعا حظرتها وانا مامعي سيارة وشاب ومن مصروفي الخاص ( التذاكر + لومزين + كل شي ) ماعلينا .. الزبدة جايين من العصر وبين الشوطين كل الشباب اللي معي عطشو ..حنا 4 .. قلنا نروح 2 - 2 .. واللي بيشرب ويروح الحمام وزي كذا .. رحت انا الاول وخذت مويتين .. شربت الاولى وماتوقعت اني بشبع .. قلت بخلي معي الثانية فمخباتي ان شاء الله موب قايل شي او اذا لقاها بيقولي ممنوعة وزي كذا .. اقسمبالله مريت من عندة الا يمسك يدي ويدفني اقسمبالله ( معاملة حيوانات ) .. وانا محتار الموية جديدة مستحيل برميها ومستحيل بشربها لاني شبعان مررة قلت خلاص انا مابيها خذها > والله موب عن قصد او اني استهين فيه الزبدة قعد يقول انا طرار عندك ومادري ايش .. وبصوت عآلي وكني اصغر عيآلة .. 2- خاصة استاذ الملك فهد اذا جيت يبيلك تجي وتجيب معك مكبرات للعيون مايمديك تشوف المبارة زين .. وخاصة اذا كان الملعب مليان .. يعني ملعب حاطين 10 امتار بينك وبين الملعب ..وهذي سلبية كبيرة انك ماتقدر تشوف المبارة زي الناس .. ويبيلك تركز عشان تعرف من اللاعب اللي معه الكورة .. ( الملعب بعييد عن المدرجات ) .. 3- بتحظر مبارة مهمة يبيلك تجي من العصر .. وهذي صراحة متعبة وصعبة .. عشان كذا بعض الجمهور يقول .. ريح نفسك يابن الحلال اجي من العصر واحجز وحالتي حالة اتابعها في التلفزيون احسن ( وهو صادق ) .. ياعالم كم مرة قلنا نبي كراسي مرقمة .. تضمن مكانك لو تجي وقت المبارة تلقى مكان .. وبعض الناس الله يهديهم منسدح على 7 كراسي يقول لاخوياي وهو تلقاه نصاب مايبي احد يجلس جمبة .. ( والله كثير تحصل ) 4- للمرة المليون قلنا الاغاني + التدخين مانبغاها لاكن الاتحاد السعودي واللي مسؤول عن استاذ الملك فهد ( ناسي اسمه ) يسمعون من الاذن الاولى ويطلعون من الاذن الثانية .. ياخي غير ان الاغاني حرام + مزعجة لبعض الشياب او الشباب ياخي الناس ماتبي تسمع اغاني غصب ؟ الثاني التدخين وهذا اللي عنده ربو بعد الملعب لازم يخش المستشفى على طول يجيك واحد وراك يخلص 4 بكتات .. واللي وراه المساكين كلهم من مبزره وصغار وشباب كلهم يتضررون من هالانسان .. قلنا كم مرة امننعو الدخان مثل ماتمنعون الاقلام والسبحات والى اخرة امنعو الدخان احترام للي بيجي للملعب 5- اخر شي زحمة اللي بعد الملعب تطلع من الملعب 11 توصل للبيت 2 .. ولى 1 في الليل .. مافي شرطة العالم توقف في نص الشارع وترقص .. المفروض هذا مسؤولية الشرطة .. انها تمشي السيارات .. ولاكن عكس اللي نشوف تطلع تققعد تدور سيارتك سنة بعد ماتلقاها يبيلك في الشارع 2 ساعتين بس عشان تطلع من طريق الملعب وساعة فيما توصل بيتكم .. طبعا وفي اسباب كثيرة لاكن هذا اللي اتذكرة .. اتوقع اللي كتبت له حل وببساطة بعد .. فاتمنى ادارة الهلال ترفع هالمشاكل اللي يواجها الجمهور .. في النهاية سأحظر للهلال لو في المريخ لاكن اتمنى ان نتطور ونتحترم المشجع .. |
تدري وش المشكله ان اهل الرياض تقام عندهك 30 مباراة بالموسم للهلال على مستوى جميع البطولات ودائمآ يحضرون ...! وان ما حضروا مباراة وحده ازعجونا المناطق الثانيه ان اهل الرياض مو وفيين مو حقين حضور مع انه من الصعب انك تحضر 30 مباراة موسم و الشرقيه ما يقام الا مباراتين بالموسم للهلال ويوم جاهم الهلال قبل امس اتحفونا بحضور مخجل 4000 مشجع فقط ......!! |
: بعض النقآط الي ذكرتها صحيح وبخصوص الاغاني كلن عقله معه والصلاة قدآمه ..!! : <!-- / message --> |
جمهور الهلال في كل مكان يريد التجديد وعدم التكرار ولو طبق الالتراس ستجد الجمهور مكتمل |
والله انك صادق كل الي ذكرته يخليك تقول يازين المباراة في البيت جنبك زمزمية شاهي ومروق تروح للملعب العسكر مشاكل والدخان اعوذ بالله ماتقدر تتنفس اتمنى يشوفون لنا صرفه |
من وجهة نظري ان الجمهور مايحضر الا اذا كان واثق من اللعب واتوقع الخروج من الاسيويه والمستوى المخجل في نهاية الموسم الماضي سبب في عدم الحضور الجيد في بداية الموسم هذا والى الان بعض المشجعين لم يقتنع بمستوى الفريق ولم يثق في مستواه لكن باعتقادي لو انسجم اللاعبين وتطور المستوى راح يكون الحضور كثيف وجهة نظر تحتمل الصواب والخطأ ! |
كلاَم منطقي بس آختلف معآك بقطة جمآهير الريآض:ranting: حنآ نحظر دآيمَ لاكن كم مبآرآهـ تقوم على ارضنآ؟ وصرآحـه ازعجتونا بجمهور الشرقيهَ:s3s: اللي مرهـ فآجئني انه مليآن:s3s: وشكَرآ لك :rose: |
النقطة الاولى صحيح تعامل رجال الامن سيء جدا" وياليت يكوون للادارة الهلالية كلمه في هذا الامر وخصوصا" منع دخول بالمياه وهذا سبب في عدم حضور بعض الجماهير مع الاسباب الاخرى . . السؤال كيف يريد الاتحاد السعودي تطوير مسابقاته وحث الجمهور ع الحضور وهو يمنعه من ابسط حقوقه !! |
متى ما تم تعديل اوقات المباريات الى شوط قبل المغرب و شوط بعد العشاء سيأتي الجمهور و بكثره و أهم أسباب عزوف الجمهور عن الحضور هو عدم وجود خدمات بالملاعب و كذلك المعامله السيئه من رجال الشرطه مع المشجعين |
إقتباس:
|
والله انك صادق وانا من اول ابغى اعرف وشو المشاكل الي ما تخلي الجمهور يحضر وانت بينتها لنا الله يعطيك العافيه المفروض ان الموضوع يتثبت لين ما يلقون له حل |
منورين .. فاتحين الموضوع للنقاش اتوقع الجميع اتفق معي اننا نواجه نفس المشاكل .. اذا حظرنا |
________________________________________________ |
معك حق بكل الي قلته .. الكوره اولا واخيرا متعه .. بعدين في حاجات ترفع الظغط من .. مثلااا .. تجي العصر تبي مكان حلوو .. وتتفاجأ ان في واحد حاجز نص المدرج .. يعني انا اتبهذل وااجي من العصر .. وحضرته يجي قبل المباراه بـ5 دقايق .. ويلقا مكانه محجووز له .؟؟ مره في مباراة المنتخب الاخيره مع استراليا .. طلعنا بين الشوطين .. وفي عسسكري يتطنز يقوول احسسن من قالكم تحضرون :ranting::mad: بسس مع كل هذاا حاضرين حاضرين .. لعيوون ابن مساعد .. ونجووم الهلال .. |
أتفق معاك بكل شي قلته لكن استاد الملك فهد مو لازم يمتلي الملعب يكفينا الواجهه لأنه انا اشوف قريبه وواضحه وتقدر تشوف وغير كذا الملز عندك مانشوفه ممتلي ابد وهو اصغر من الاستاد والباقي اللي ذكرته معاناه من قلب حضور من العصر وتعب حتى المويه ممنوع ليه مادري حتى لو كان الفريق مو سعودي وهذي صارت معاي بمباراة الغرافه !!! مشكور على الموضوع وإن شاء الله نلقى حل للمشكله هذي ويتحرك الأتحاد السعودي سوري على الإطاله |
| الوقت المعتمد في المنتدى بتوقيت جرينتش +3.
الوقت الان » 09:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd