11/09/2011, 07:41 AM
|
| زعيــم فعــال | | تاريخ التسجيل: 25/05/2011
مشاركات: 339
| |
|
الهلال ,, ودوري زين
صبحكم الله بالخييير ومساءكم الله بالخير
كلن على حسب وقته 
هذا اول موضوع لي بالمنتدى الغالي علينا كلنا وابي اتكلم بكم نقطه بخصوص المواضيع الي لنا فتره نطلع عليها
باحكامها على المدرب والاعبين الاجانب والاداره وغيره خصوصا بعد مباراه اليوم مع الصاعد للدوري ( هجــــر)
الي بيقولوون لا تحكم من اول مبارررره بعد كلامي الي فوق اركدوو 
بعد معسكرنا ومبارياتنا الوديه والاستعداديه بالاخص مبارتنا مع الاهلي الاماراتي شنـــــت الحملات والمواضيع
والردود ضد المدرب بالاخص وضد الاداره بسوء اختيارها للمدرب او المحترفين الاجانب والكل جلس يبدئ رايه
ويتهم المدرب بضعف تخطيطه وانه مافيه أي لمسات تذكر له وغيره وغيره ومافكرنا بنقاط كثير قبل مانكتب
لا تاكلوني إبدا الرأي ابد مو عيب ولا حرام وكل انسان له الحق يقول الي يبي لاكن مفروض مفروض يعني 
نفكر قبل ما نكتب ومانحكم كلنا هدفنا واحد وهو الزعيم والزعامه ومصلحته طيب بنقول ليش
1 متى تعاقدنا مع المدرب واستلم مهمته !
2 هل كان معه جميع اللاعبين وجميع الامكانيات بالمعسكر الخارجي !
3 البطوله الوديه نفس الشي هل كانت صفوفنا مكتمله والمهم هل طموحنا بطوله وديه والأهم وش كانت الفايده منها !
4 نفس الشي لرقم 3 مباراه الاهلي الي كثير شنو الهجمات بعدها وش فايدتها بالظبط ومن كان متواجد من الاعبين ؟
النقاط كثير جدا لاكن ابي اعلق وأبي تعليقاتكم على هالنقاط بالأول مستحيل تقدر تحكم على مدرب مهما كان اسمه او
سمعته الا بعد المباريات الرسميه وبعد توفر جميع الامكانيات المطلوبه له وهالشي هذا ماتوفر لتوماس دول لحد اليوم
حتى بعد مبارتنا مع هجر لعبها وفيه نقص ومافيه انسجام والسبب الجميع يعرفه ماصار تجمع كامل لجميع الاعبين
لضروف الاصابات والمنتخبات من أول يوم استلم فيه المدرب لهذا اليوم مع ذلك مع كل الظروف قدم الهلال مستوى
يعتبر اكثر من جيد بهالمباراه خصوصا مع فريق صاعد ولديه طموح كبير بأن يكون الحصان الاسود بالدوري ومع
كل التكتلات الدفاعيه طوال المباراه كان فيه لمسات جدا جميله من الموج الازرق
اعجبني اليوم ,,, تفاهم اكثر من رائع بين الشلهوب وايمانا ومستوى جدا مميز من ايمانا مع انه مالعب مع الهلال
الا مباراه وحده والشلهوب لم يكن فيها
اعجبني ظهور الاعبين الحارثي والبيشي بهذا المستوى
اعجبني حماس العربي الكبير ولمساته مع اضاعته لعده فرص لاكن نلتمس له العذر مع الايام والانسجام سيتغير الحال
باذن الله
اعجبني الكوري ايضا بلمساته وارتقائه وتهدبفه بالرأس
بالاخير اعجبني كثيرا قراءه توماس دول للمباره وادخاله للفريدي وارجاع البيشي ظهير
كلمه أو همسه أخيره ,,, لا مستوى ولا نتيجه ترضينا اليوم كزعماء تعودنا على الذهب والمنصات ولاكن كلمه الحق يجب
ان تقال مباراه اليوم اكثر من مرضيه لنا مع كل مامررنا به والاستعداد الضعيف والنقص العددي بفترات الاستعداد
ولاننسى ان اليوم هو اول يوم حقيقي لتوماس دول ومحترفينا فليس الحكم عليهم به أي صواب وايضا لدينا قوه ضاربه
قادمه ( هرماش وعزوز وشافي )
بالاخير اسمحولي لو غلطت بكتابتي أو نظرتي
بعيد .,, |
الوضع العادي
