إقتباس ونطلق صافرآت الاستهجان ضد عزيز وبقية لاعبي الشباب مثلما فعلنا مع الدوخي في أول مباراة له ضد الهلال التي كان ضائعاً فيها وقد فاز فيها الهلال على الاتحاد ..

جمهور الهلال الغالي: يعني اذا غيرنا يصفر ويقول خاين والكلمة تجر الكلمه ونطلع في الاخير بمظهر لايليق بجمهور الزعيم
انا مالوم غيرنا كثر ملامتي على جمهور الزعيم
نادي كل سنه ولله الحمد يصارع على كل البطولات بعكس الاندية الاخرى
ليه نسوي استهجان ليه مانكون أرقى جمهور على وجه الأرض ليه مانهتم بلاعبينا
ونشجعهم مو نتشمت بخلق الله
بعدين عزيز يومه بالهلال ماسلم ويوم طلع من الهلال وراه وراه
خلو الناس تعيش
وبعدين مو عزيز الي يوقف الهلال
ولا الاستهجان يجيب الفوز
حنا مانلعب قدام فريق صهيوني او لاعبين بوذيين كلنا اخوان وكلنا مسلمين
والمسلم من سلم الناس من لسانه ويده
يا فوز يرفع الراس او هزيمه بشرف وهذه الحياة لازم نتقبلها بحسن نيه
عشان نحصل الخير من عند رب العالمين

نناشد الجميع للحضور الى الملعب

وبالتوفيق للهلال ..

عزيز راحت عليك ههههههههههههههه

متحمسه أشوف لعبه مع الشباب ..^^


بالتــوفيق للزعيــم ..

الله الله بالحضور ,,, لازم كلنا نحضر ونساند الفريق ونضغط على عزيز

شباب لاتخلوه
كل مالمس كوره صيحات ضده لاتخلوه يظهر
والنهايه زيه زي العويران والدوخي

لبى ايمانا بعد

عزيز يبي يصير مسخره قدام
الشلهووب الفريدي ايمانا
بالتوفيق للملكي

لآهنت وآلله يوفقَنآ إمآمَ إلشبآب وبَ نشوف من آلي يمصخر إلثآني يَ عزيزَ ,
- لآهنت ,

اقوى صافرات استهجان على عزيز مثله مثل الدوخي ومن طلع من دراه قل مقدراه
والله يوفق الهلال ويفوز ان شاءالله

إقتباس الرسالة الأصلية كتبت بواسطة بلا ملامح جمهور الهلال الغالي: يعني اذا غيرنا يصفر ويقول خاين والكلمة تجر الكلمه ونطلع في الاخير بمظهر لايليق بجمهور الزعيم انا مالوم غيرنا كثر ملامتي على جمهور الزعيم نادي كل سنه ولله الحمد يصارع على كل البطولات بعكس الاندية الاخرى ليه نسوي استهجان ليه مانكون أرقى جمهور على وجه الأرض ليه مانهتم بلاعبينا ونشجعهم مو نتشمت بخلق الله بعدين عزيز يومه بالهلال ماسلم ويوم طلع من الهلال وراه وراه خلو الناس تعيش وبعدين مو عزيز الي يوقف الهلال ولا الاستهجان يجيب الفوز حنا مانلعب قدام فريق صهيوني او لاعبين بوذيين كلنا اخوان وكلنا مسلمين والمسلم من سلم الناس من لسانه ويده يا فوز يرفع الراس او هزيمه بشرف وهذه الحياة لازم نتقبلها بحسن نيه عشان نحصل الخير من عند رب العالمين

اخوي الاستهجان مو حرام ماقالو بنسبه قالو استهجان يضيع تركيزه بالمباراه لااقل ولااكثر وعزيز لاعب هلالي سابق زيه زي الدوخي وغيره برا الملعب لهم احترامهم وتقديرهم بس داخل الملعب اهم شي الهلال