- من باب من ترك شيئاً لله عوضه الله خيراً منه تركتو القياده ي نساء المملكه وحطوكم في مجلس الشورى وأنا أضمن لكم بكره ومع دخول أول وحده ل مجلس الشورى بتطرح فكرة أنا من يجيبني للمجلس م أبغى أركب مع سايق أجنبي غريب مستحيل زين إذا ما بكت عندهم وإلا تجيهم بتصريفه آسف على التأخير السواق كان يودي العيال للمدرسه ورآح يتم التصويت لها وطرح الفكره على [ عبودي ] وبيوافق لإن فيه مصلحه وبينحرمون من مزه في المجلس وأتمنى مايقودون النساء لإني أفكر أصير سواق عضوات الملجس منها نكسب علاقه ومنها يضبطون أمورنا من شرهات ووظايف راقيه لإنهم أقرب ناس للحاكم أو ربان السفينه أبتكلم عن القرار وخلوني أخذ راحتي وأتمنى عدم التدقيق فيما قلت لإني ضد هالقرار اللحين من يوم عرفت العلم أو من العهد اللي كانو يكذبون علينا أجددانا فيه ( عهد الحصا تمر ) ههههههه كيف تجي الحصا تمر نسمع بالحديث اللي قال في معناه " الحرمه ناقصة عقل ودين " اللهم صلي وسلم على رسولنا وغير ذلك فيه إختلاط وزد عليها إن هم طول ه السنين رياجيل وماهو ذاك الفايده الملموسه اللي قامو فيها أجل مره يتهاوشون أو بمعنى أرقى يتناقشون بحده على العلم اللي يحطونه على ما أعتقد في سفن الجمارك وين يكون في :

- مقدمة السفينه
- وسط السفينه
- مؤخرة السفينه

ههههههههههههههههههههههههههههههههههههههههههههههه

اللحين وش الفائده بالضبط أنا لو إني عندهم مسكة المايك قلت أعتذر للأخوه الموجودين عن الألفاظ اللي بتخرج وعلى تراب لكل السامعين وأطالب بإن يكون العلم تحت مرتبة السواق بطريقه مرتبه ومحببه إجلالاً ل كلمة التوحيد أو تدرون ألفو لنا شعار وحطوه على أطراف السفينه أو رشوها خضراء بلآش عباطه ي أعضاء المجلس نقطه لاتستحق الوقوف والنقاش فيها لساعات والله قرار مدري وش يبي ي أبو متعب وبعدياً أشوف لو يكون أعضاء مجلس الشورى بالإنتخاب أفضل من إنهم ب تعيين ملكي وفيها رسميه شوي ولهم عدد معين من السنوات وإنتخابات 4 سنوات أو ياليت سته شهور ي أخي التغيير زين وبعدياً قرارتنا ملكيه مافيها ل تصويتي ولاتصويتك تكفون ثقفوني شوي يمكن أجهل هالأمر فيه قرار طلع من الشورى قد فاد المواطن - كل اللي أسمعه تمت المناقشه وتم التصويت ومافيه شي على أرض الواقع وجهة نظري إن كل اللي في مجلس الشورى طبقه أصحاب مناصب أنتهو عمرياً وك تكريم حطوه في ه المجلس ولا يفك ولا يربط فقط عمل قروشه وضجه إعلاميه وتطبيقاً للأيه الكريمه " امرهم شورى بينهم " مالقيت تطبقها الا في ه المجلس أمرهم شورى لو إنك جايني وتقول ساهر بنبدأ فيه بالشكل ذا وبالمخالفات الفلانيه وش رايكم وتقبل النقاش اما تفجعني فيه حتى نظام ساهر في إعتقادي ما طرُح ونوقش في مجلس الشورى أقولكم هالمجلس مدري وش يبي تدرون إن قبل سنوات تم طرح فكرة رواتب للعاطلين ورفضوها أصحاب البشوت جوابي على سوألك لبى قلبك وأسمح لي على التمغيط والإطاله أشوف إن المرأه قلبها أكثر طيبه من الرجل وهذا محد يختلف عليه يعني راح تطلع مواضيع يخفونها أعضاء المجلس الأكثر غناءً في مجتمعنا وزد عليها أمور المطلقات اللي وضعه(ن) أكثر تدهوراً وحقوقهـ(ن) شبه ضايعه !