|
اوافقك الرأي اخوي، اي نادي اداره احترافيه لما تعاقب لاعب فعاقبه يكون بالخصم وليس بالابعاد عن الفريق انا اعطيه مرتبات وابعده عن الفريق انا عاقبت الفريق كله مع جمهور بالقرارات الارتجاليه نتمنى نشوف القرني وشافي باسرع وقت وياليت يكون فيه مرونه وعدم تطفيش اللاعبين الخاسر الاول الهلال اذا اللاعبين هبط مستواهم من كثر العقوبات وبالاخير نشوفهم بانديه ثانيه في قمة المستوى، بالنسبه لايمانا الظاهر شايف نفسه انه اغلى صفقه وانه جاي من الدوري الاسباني بيلعب بتكابر ياليت نشوف تعاون بين اللاعبين ولعب الانانيه مانتمنى نشوفه بين اللاعبين |
هذا سام 6 سامي احببناك لاعب وكرهناك اداريا امل ترك المجال لمن هو احن منك على الهلال فا انت تريد مجدا شخصيا وغيرك يريد مجد الهلال |
احسنت ورؤيا فنية تلامس الصواب والواقع اعتقد اللاعبين يحتاجون لانسجام وتفاهم اكثر وهذا ماسيتطور خلال الايام والمباريات القادمة بالتوفيق للزعيم |
من زمان وانا اقول وجود الشلهوب من بداية المباراة غلط غلط لانه له طريقة لعب معقده لاهي دفاعيه ولا هجوميه مجرد عك في منتصف الملعب يعني حوري دوري من غير فايده مرجوه والقهر ان طريقته هذي معديه بقوه لبقية الاعبين وتنفرض بقدرة قادر على اسلوب الفريق ككل مهما كان به من نجوم فالافضل الاحتفاظ به للشوط الثاني كورقه رابحه لانه ينزل ويأقلم نفسه مع رتم الفريق ويجي منه كور حلوه |
انا بصراحه معك 200% بنقطه العقوبات قسم بالله بتروح مننا نقاط ثمينه بسبب العقوبات اللي يسوونها على حساب الفريق ياسامي تأخرو اللاعبين بس تأخرو كل هالعقوبات ياخي ارحمونا البيشي محور والقرني عندنا ثم ينتقل ظهير ايسر وشافي موجود بتدمرون الفريق بعقوباتكم اللي مضراتها على الفريق اكثر من نفعها،، اما نجوم المباراه اليوم ايمانا والفريدي وهوساوي |
إقتباس:
ياااخي بوووسه وربي على راااسك .. والله اني تحطمت قلت شكلي مافهم في الكوره ابد اشوف العالم يردون في كل المواضيع الشلهوب فديت قلبه نجم المباراة الشلهوب احسن لاعب الشلهوب وايمانا احسن اثنين لعبوا ياخي مادري احنا مانعرف للكوره ولا هم مايشوفون .. والله العظيم ان مستواه سيئ واذا المدرب بيجبر ع الشلهوب فوالله بتضيع مننا نقاط كثيره باقي النقاط اايدك فيها بس احس حسام الحارثي ادى ولعب . صدق مو نجم بس كان مستواه حلو على اول مباراه رسميه ولاعب صغير بالسن |
من جد انا استغرب ان اخطا اللاعب نزلوه مع ان في يدينهم اكثر اخصمو واستفيدو من الجهتين خصم راتب اللاعب والاستفاده منه ياجماعه احترفو الاداء والاداره |
يعطيك الف عافيه على التقرير |
اخالفك الرأي هالمرة ,’ معليش بس اللاعبين وقعوا عقود احترافيه عشان يصير عندهم رواتب ؟ يخصمون منها ؟ بعدين حرام الشلهوب مرر كورتين هدف للعربي بس ضيعها العربي , كل هذا وما صلح شي , العربي ماتوفق اليوم و الا الشلهوب الافضل مع ايمانا , الفريدي لما دخل سوا فارق بعد , لك :rose: |
الحمدلله على ال3 نقاط المستوى صعب من اول مبارة والكل عارف كيف المدرب يعاني ودايم يكرر الفريق لم يكتمل,,,,,, اخوي انت ذكرت تعالي ايمانا على الكوري قصدك يوم يقولة speak!!!!!!!!! اذا ما تكلمو مع بعض وش الفايدة لازم يكون بينهم انسجام وتفاهم . |
[QUOTE=الناقد الصريح;18830002][SIZE="6"]بسم الله الرحمن الرحيم السلام عليكم ورحمه الله وبركاته التقرير الاول والتي ربما تعجب البعض وتغضب البعض ولكن في الاخير ما يهمنى غير الهلال فقط هذا التقديم والا فلا يوسف العربي خذها من عندي ستكون ان شاءالله هداف الدوري السعودي واخ لو يتعاونون معك طول المباراه ماذا ستفعل بالخصوم فلله درك واصل على طموحك ونشاطك واصرارك على تقديم نفسك فأنت مشروع مهاجم كبير وهداف وقناص لا يرحم ابدا بأذن الله العربي مشروع هداف قوي....واتمنى استمراره مع الهلال اذا وفق في مستواه واتمنى الا يعيد لنا ذاكرة 15 سنه سابقه ولا يكون بهجا اخر!!! |
للمعلومية ,, سلطان البيشي من يومه في درجة الناشئين و الشباب و هو يلعب محور لكن يبدو أنك ما تتابع الفئات السنية ,, و على فكرة ترى حتى الظهير الأيسر ما هي أول مرة يلعب فيه لأنه في المباراة الودية الأخيرة لعب في هذا المركز مباراة كاملة .. أما موضوع أن المرشدي ما له بديل ,, فما أدري يعني خيرات و عبد الله الدوسري و رضوان الموسى جدران و لا لوحات فنية و لا ايش ؟! أما باقي الموضوع فـ فيه شي أئيدك فيها و فيه أشياء أخالفك فيها بـ عـنـف !! عموما مشكور |
بــث تجريبي كلام جميل وتحليل أكثر من رائع والف شكر لشبكتنا الغالية على تفعيل العضوية |
الف شكر لك يالغالي واختلف معك في بعض النقاط صحيح إيمانا فيه تعالي ع الكرة لاكن يبقى نجم المبارة وينقصه الانسجام وفهم طريقه الاعبين الكوري لعب في غير مركزه الاصلي مما ساعد في تقليل من خطورته الشلهوب صحيح ان مستواه مو مثل اول لاكنه متعاون مع الفريق وصنع فرصتين او ثلاث اهداف اما العقوبات ع الاعبين شافي وسالم فانا معها ولابد اي الاعب انه في نادي كبير وان خانته ليست مضمونه والا سوف يخرج لنا عزيز اخر تحياتي لك |
. . عليكم السلام ورحمه الله وبركاته نتفق ونختلف لمصلحة الهلال 1-فيما يتعلق بـ العقوبات عـ اللاعب محمد القرني و اللاعب شافي الدوسري من أتخذ القرار هو الجهاز الأداري وهو أقرب للفريق وتختلف وجهات النظر بين مؤيد ومعارض لهذه القرارات فـ لو شارك اللاعبان محمد القرني و شافي الدوسري في المباراة وظهر عليهم عدم الجدية في المباراة سنرى من يلوم الجهاز الأداري ويطالب بـ عدم مشاركتهم بسبب عدم الأنضباط وهذه أحدى مسؤوليات الجهاز الأداري ( تحقيق الأنضباط لدى اللاعبين ) لذلك لن يستطيع أحد أن يجزم عن عدم صحة أتخاذ مثل هذه القرارات من صحتها ..! ليكون الفيصل في هذا الأمر هوه ما أتخذه الجهاز الأداري الأقرب للفريق . 2-فيما يتعلق بالجهاز الفني فـ المشاركة في المباريات الوديات الهدف منه يتلخص فـ التالي ( رؤية المدرب وتقييمة لأداء كل لاعب في المباريات الودية مما يساعدهـ على إيجاد التوليفة المناسبة للمشاركة في المباريات الرسمية ) فـ ليس شرطاً أن كل لاعب لعب في مباراة ودية ينبغي من المدرب أن يشركة فـ المباريات الرسمية ..! . 3-فيما يتعلق بتقييمك للاعبين تذكر أخي بـ أنها أول مباراة رسمية للفريق في الدوري فـ تقييم لاعب والحكم على مستواهـ يكون من بعد 5 إلى 6 مباريات رسمية . , , الفريق هذا الموسم مقبل على مرحلة تجديد الدماء في الفريق الأول وضح ذلك من خلال أستبدال 4 محترفين أجانب الى جانب الأستغناء عن بعض اللاعبين المحليين مجرد (مزيد من الوقت / الصبر / إعطاء الثقة) كفيلة بـ أن يعود الفريق متألقاً في المستوى كما عهدناهـ ودي . . |
| الوقت المعتمد في المنتدى بتوقيت جرينتش +3.
الوقت الان » 09:16 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd