|
السلام عليكم ورحمة الله وبركاته بالنسبه اخوي للعربي ...راح يكون بأذن الله من هدافين الموسم... خيرات اشوف انه بديل جيد للمرشدي وشافي الدوسري لا بد يطقها اساسي...افضل من المتراجع الزوري اما بانسبه لنامي.... بالله دبرونا بديل بأسرع وقت |
آنـآ من وجهت نظري آلزووري و نآمي طآيحه مستويآتهم مرره آلمفروض يحطون بدآلهم شآفي آلدووسري و آلبيشي وآمآ آلعربي يبغآله وقت بسس لآنه آليوم مآشفت حمآآسه ولآ يو بيونغ قليل مآنشوفه وهذي وجهة نظري تحيآآتي ,, |
فيه خيرات افضل من المرشدي بكثير اتمنى ان يعطى خيرات فرصة |
المرشدي جيد ولا كن اخطائه تذبح |
والله صادق انا من زمااان وانا اشتكي منه بس مافي فايده ما عنده كنترول لاعب يرتبك اذا جاات معه الكووره وناادر ما يناول قدام كل تمريراته لهوساوي كنه يقول خذهاا وفكني والناس اللي تقول بدايه دوري وفايزين معليش اذا هذا اول ينعاف تاليه |
العربي صحيح ماكان مقنع لاكن لانحكم عليه في مباراة ان شاءالله يتحسن للافضل مع الكوري :smilie47: اممممما المرشدي ماهي غريبه عليه لاعب مهزوز ماعنده ثقه بنفسه اتمنى يطلعون لنا من شباب النادي ولا كالعاده موسم ككككامل وحننا نبكي منه ومن سئ الذكر نامي :ranting:تعبنا وحنا نبي حل للخانتين بس لاحياة لمن تنادي :cry: والزوري قسسم بالله انه يجيب السككر ويرفع الضغط ياليت يجلسونه على الدكه ويلعبو شااافي :smilie47: ايممممانآآآ نجم المباراة لبااه ننتظر الافضل ي ايمانا:s5s::smilie47: كل التوفيق للزعيم يوم الخميس اممام الشباب |
كلكم ارائكم مميزة وعلى عيني وراسي لكن بقولها لكم بصراحة فيه مقولة تقول اذا اردت ان تبني فريقا قويا فابدأ من الخلف يعني نقاط ضعف واضحة في خط الظهر المرشدي ونامي والزوري ما فيه اي تطور في المستوى اخطاء بدائية جدا مافي تركيز احبائي الهلالييين السنتين الاخيرة الهلال قوي جدا على مستوى الهجوم وخلق الفرص حتى ياسر لما نزل مستواه كان ويلي صانع وهداف ونيفيز والشلهوب والعابد والدوسري والفريدي اذا كان في يومه كلهم نفس الميزة لكن مشكلتنا خط الدفاع وعندي ادلة كثيرة عموما الحمدلله على الفوز وعادة البداية تكون صعبة |
المرشدي لا يستحق انه يلبس شعار الهلال اللاعب فاشل وعندنا بدلاء احسن منه حسن خيرات و رضوان الموسى و عبدالله الدوسري |
الله يسعدك يأبو نايف على هالموضوع بصراحة موضوع في الصميم وأنا أقول إن في ناس عقلاء تقراء بجد وضع الزعيم وأنا يعلم الله إني من زمان وأنا ودي أكتب موضوع عن النكبة والطامة الكبرى في دفاع الهلال ماجد المرشدي بس مايستحق هاللاعب إن أعطية من وقتي الثمين لان بصراحة مايستاهل,, بصراحة صدقت يبونايف هالاعب هذا ما تطور مستواه ولا في أمل يتطور مستواه وأكبر مصيبة أن مأخذ أفضل لاعب في خليجي عمان وأنا أقول أن هذه الجائزة مجاملة بمنعى الكلمة لان هذا الاعب يمشي ياناس بالبركة لاعب يهتم بشكلة كثير وهذا حق خاص فية بس ماتوصل أن الاهتمام المظهر يطغي على مستواه الفاشل في دفاع الهلال لاعب يحب التميلح كثير صاحب إبتسامة مستصنعة وبقوة ولاعب مستحيل يلعب وما يكون في ربطة على يده آسف على يداه الثنتين وأحس إذا لاعب بربطة واحدة راح يفقد توازنة وماأدري وش قصة هالربطة هذي أشوفة معه في كل شي حتى تاكدت من نفسي ودخلت على موقعة الرسمي الي والله العظيم إن مايشرفني إني أطلع على على موقعة بس عشان ما أعطية أكبر من حجمة ولا تزعلون علي أقسم بالله العظيم إني أحترق في كل مبارة مع وجود هالاعب الي ماأدري وش يحس فية وهو يلعب والوم بعض الجماهير الي مسجلين في موقع الفلتة هذا وهم يمدحون هالغشيم ويكبرون رأسة وللاسف في واحد مفهي معه الي هو الزوري تجي كورة وتمر من عندة مرور الكرام ويمشي عادي ولاكان في ناس قاعدة تحترق خلف الشاشات وفي الملعب أخرتها اليوم في مبارة هجر وقبلة بكم:ranting: ساعة في مبارة المنتخب السعودي مع أسترليا حصلت نفس الحركة أتمنى يكون شافي الدوسري موجود في المبارة القادمة وبصراحة أعتب على الحراس الكبير حسن العتيبي في الخطائين الي في مبارة السعودية ضد أسترليا وفي مبارة الهلال وهجر بس أنا ماأخاف على حسن لانه لاعب قاعد يطور مستواه رغم كبر سنة ومالوم حسن حتى لو حصل منة هذي الغلطة لاني أشوف إن الاعبين الي عنده في الدفاع بأختصار نكبة نكبة نكبة وأنا أقول وأصر إن آسيا بعيده عن الزعيم بوجود أمثال المرشدي والزوري في الدفاع الهلالي وأنا ماأقول الى الله يرحم أيام اليجا ليتانا هذا الوحش الافريقي مو صاحب فرد الشعر والربطات المرشدي أتمنى ماحد يزعل مني بس أقسم بالله إني أتكلم بحرقة على الزعيم وعمر الهلال ما وقف على لاعب معين نحن مع الكيان الهلالي الله يوفقه ويحقق بطولة آسيا التي غابت عنه كثيرآ وهذه ليست عادة الزعيم ....سامحوني ياجمهور الهلال بس أقسم بالله أقسم بالله أقسم بالله إنه الحقيقة التي لايعرفها كثير من الزعماء وبالتوفيق لكم يارب ..مع السلامة |
الزوري والمرشدي بدلاهم موجودين شافي وخيرات وريح بالك شكرا نامي ويكفي حماسك رغم هفواتك وليتك تعلم الزوري النايم |
يعطيك الف عافية ومبروك الفوز والثلاث نقاط في البداية وبالتوفيق للهلال |
العتيبي ابو النكباااااااااات معروف عنه هالشي وشكله نفس الطريق ( البطل الصامت ) لايتعلم من اخطائه نفس الخطأ امام المنتخب قبل اسبوع ويتكرر بنفس الدلاخه |
إقتباس:
وش اللي من مباراه وحده حكمنا ! المرشدي مبطي وهو على هالحال وكل مره نقول يتعدل واثاريه من جرف لدحديره !:s5s: خلاص طفح الكيـل !! يعني ما في هالبلد الا هالولـــد !؟ :mad: ولا يهون الزوري ونــامـي ( الله يقوي قلوبنا بس على الغثاء منهم ) |
انا عن نفسي تعبت وانا ادافع عنه لكن بصراحه زودها باخطاءه البدائية لازم ينركن بالاحتياط حتى يتعلم ويتأدب |
وش دخل المرشدي العتيبي هو مسبب الخطأ لكن المشكلة قبل اسبوع نفس الخطأ من العتيبي |
| الوقت المعتمد في المنتدى بتوقيت جرينتش +3.
الوقت الان » 09:54 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd