إقتباس في البداية قلوبنا معكم يا أهلنا في سوريا صارت اللقمة غصة وصارت الضحكة بالحسرة .. خذلناكم وتخلينا عنكم .. لكن ولا يهمكم ما دامكم تقولون ( يا الله يا الله مالنا غيرك يا الله ) ومن توكل على الله فهو حسبة .

والله لم ولن أرتجي من حكامنا العرب خيرا مثقال ذرة !!

لك الله يا شام رسول الله صلى الله عليه وسلم ..

إقتباس شاب مقبل على الزواج وراتبه على قد حاله ويشكي ويبكي من أن عينه بصيرة ويده قصيرة ولما جا وقت العرس راح يجب له شوية شعراء وكم شاب يشكله صفين ويدفع لهم على الأقل حول 60 ألف ريال .. يا أخي أذا ما أنت قد الزواج من أصله ليش تكلف على نفسك زيادة وتهايط .

آآه بس يالزواج .. بيني وبينك الشاب وقت الزواج يتعرض لضغوطات داخلية وخارجية كثيييرة سواء من أهله وأهل زوجته ومن زوجته نفسها .. وبصراحة قل ما نشاهد بنت قنووعة ه الاياام وتخفف ع زوجها أعباء الزواج الا من رحم الله !!
بالنسبة للمهايطين .. فخلهم يموتوا حسره بعد هياطهم .. !!

إقتباس وبنت حلال عرسها قرب كل شوي وهي جالسة مع ( خبيرة في شؤون الرجال ) وخذ نصايح واستفسارات وكلها تدور حول : ( لا تعطينه وجه لا تخلينه يسيطر عليك لا تعطينه كل ما عندك ... ) هذي وصايا قائد جيش لجنوده مو وحده بتتزوج .. هل الزواج اصبح صراع أو مودة ورحمة .

هنا المصيبة العظمى .. البنت تجيك يوم العرس مشحووونة فل .. كلام ونصائح وكأنها جندي من جنوود هتلر .. ولذلك تكثر حالات الطلاق في أول سنة .. وتفشل الكثير من الزواجات .. وهنا ياتي دور البنت العاقلة .. وأيضا يجب على الزوج أن يتكلم بصراحة مع زوجته ويحاول قدر المستطاع أن يفهم منها ما سمعته من كلام ويتناقشوا على الخطوط الاساسية في حياتهم ..


مووضوع جميل يا ربيعه .. ذكرت فيه الكثير من همووم المجتمع .. اسأل الله أن يفرجها عنا وعن المسلمين ..

لك ودي

اهلا صديقي ربيعة

هذي للاسف ثقافة مجتمعنا وواقعنا المرير
بالاضافه الى كمية "حسد" لاي شي تكون مميز فيه

يبدوا باننا سنسقط في الهاويه ونصبح مجتمع رجعي ,

موضوعك جميل بامكانك ان تتطرق الى مواضيع كثيره منها ما ذكرتها انا
الا انني لم افهم من المقصود باخر نقطه وماذا كنت ستكتب بدل النقط
ارجوا التوضيح ...

شكرا لك

أهلا وسهلا ربيعة

كل فقرة في حاجة الى موضوع مستقل .. وان راقت لي فكرة أخس يا ريتشارد قلب الأسد

يعطيك العافية ،،،

ياخي شبابنا فيه فضاوة لدرجة انهم يبون يطلعون الجن من مستشفى عرقة .. وابصم لك بالعشرة لو طلع جني واحد تلاقي نصهم مغمي عليه والنص الثاني ماتشوف الا غبرتهم ..

بارك الله فيك وانا لدي تحفظ على بعض ماقرأت

/

شاب ما يذاكر ومهمل اختباراته .. تقول له ليش ما تذاكر ؟ يرد ويقول : واذا نجحت وين بروح يعني !؟ بتوظف مثلاً !؟ ... طيب يا أخي هل تعلم الغيب .. يمكن ربك يفرجها لما تتخرج وتتوفر الوظايف .. خذ شهادة بيدك أحسن لا تتحسر بعدين وتعظ أصابع الندم .

حتى الجامعه صارت حلم يجتهد ويتعب بعدين القدرات والتحصيلي تنزل النسبه
ويرجع للعسكريه والبنات حالهم نفس الشباب يضمنون النسبه
بس ما يضمنون القدرات والتحصيلي
وكثير اعرفهم علمي نسبتها 99 بس القدرات خلتها تدخل جغرافيا

شاب متبطح بملحقهم بالفنيلة والسروال بيده اليمين ريموت الدش وباليسار لي الشيشة وخذ حش : الشعب الفلاني ما عنده سالفة الشعب العلاني عندهم بلاوي وناس كذا وبشر كذا .. وخذ حش وسب وشتم ومو عاجبه أحد .. وآخر شي يقول : آآآآخ لو الأمر بيدي .. أخس يا ريتشرد قلب الأسد .

في الصميم

وعليكم السلام ورحمه الله وبركاته روعه الله يعطيك الف عافيه