بسم الله الرحمن الرحيم


وكل المجلس خيآله وعليهم رزه الرايه ويآزين مآجد بينهم ورىآ رىآ
نبيَ نحرضَك يآبو مقبل شف كميه المشاهدات بس
طبعا هذا الحاصل بكل قاعات الزواج كل العوايل صارت خياله وهم حتى السيسي ماعمرهم ركبوه طبعا السيسي ولد الحصان او شي زي كذا او ولده بالرضاعه
الزواجات يعني بالفصحى ,, طبعا العطله جايه ومبروك للناجحين مقدما والراسبين مقدما هارد لك وزين انك عديت
وقلنا عساك تعدي في ماده وحده وزين عديتها ,, <~ ابو متعب خخ
طبعا الزواجات تكثر في العطله من بدايه العطله لاخرها كل القاعات مشغوله والقصور والاستراحات وفرق السامي لازم تاخذ
حجز ومواعيد حتى موضي والطقاقه الاسلاميه ام محمد يقولون صار لها وكيل اعمال فالرياض وصارت تنافس بنت امرشا اللحين الشي الغريب ان العطله تجي وكل يوم 100.000 زواج نشوفه في اليوم ومع هذا يقولون نسبه الزواج تقل سنه بعد سنه, اجل هاللي نشوفه في القصورتمثيل
بعدين حتى الشوارع طريق الملك فهد وخريص والدايري غربي وشرقي وكل حاقه زحمه كله من سبب هالمواكب اللي تصير للمعرس تجي مقلع ماسك الدايري
شوي فجأه العالم فليشرات تقول الله يستر تحسبه حادث والنهايه تصوير وخرابيط ورايقين كم يوم يقولون مطلق !!
مالومهم كلن درى ان الرجال اعرس ,, بعدين زواجات من تآلي تحوم التسبد وآلله تجي للعرس انواع النفاق وين الناس مانشوفك وهيك ومن هالحتسي
مير مره حضرت زواج لواحد من العيالر وتوهقت مالقيت احد اعرفه وحتى زواجهم ميت مافي الا انا و9 انفارر والبافي الظاهر سواويق
وجنبي واحد كان جالس ,, شوي غير جلسته شوي انسدح وفتح رجوله احسبه بيولد ولا شي قلت يمكن قيصري الرجال مسيكين ,,
ومن زين الطبايع جلست في العشا واحصله قدامي ماشاءالله الرجال يذكرني بـ البلوي متين ماشاءالله وعنده صحنين جريش بعدين انا اول مره اشوف رجال عنده سنام في بطنه
وحاطين بعرسهم مشروبات بي كولا ومشروب اخضر يشبه سفن اب خخخ ارخص
والرجال حاط من كل شي نوعين ويجلس يقول انا اسوي رجيم واني رايح لدكتور :: والدكتور نصحهه بأنه ياكل الرز واللحم
ابي اعرف هالدكتور المحشش اللي قالك كذا ,, ويقطع لي لحم يقول كل لاتستحي ماشاءالله يديه كأنها مطبق موز ,,
بعدين وش لون بآكل من يدك الله يسلمك ,,
يازين زواجات اول الواحد يسنتر عند باب الحريم ويحتري الفرصه عشان يدخل المشكله اني ادخل مع العيال اول وهم ياخذون اشواط ورقص وانا جالس
مع الحريم اتابع كآني وحده تبي احد يخطبها سم الله علي استحي ,,
حتى زواجات الحريم من اول اذكر لاتكلف ولامكياج ولاهم يحزنون وش حليلهم هالعجزان يحطون هالديرم وريحتهم كمبودي ومعمول ولافين الشيله
ويرقصون فيها ودراعه كأنها خيمه ومشجره والروج العنابي ولا الاحمر اللي يعور العين ,,
اما من تالي الوحده ماعاد تحط مكياج صارت تحط الوان مائيه ولون بردقاني مطفي على وجهه ناقص تكتب على ضهرها
قروب سعودي درفت خخخخ
انا ودي احضر زواج اهل الغربيه والله يقولون فله وعصيان وتنكس وزيران حجازي وساعه صدر
مب اهل الرياض يالله الواحد يالله يلتفت يخاف تخرب الشخصيه
ونفسيات وحالتهم صعبه كأن الواحد مجبور علىَ آلزوآج
وشسمه ومع السلامه ,, اعرفت اختم

هل وغلا فيك،، انا جاي وكلي ثقه ان الموضوع مجرد اشاعه
لانه سبق واكلتها اكثر من مره ،واحد المرات انا العريس,,
جاتني اتصالات ورسايل قبل يدخلون يقرون،،

المهم وين زواج ابو مقبل فيه الله يوفقه ويفرحنا فيه،،
اما الزواجات حدث ولا حرج،عني اتعب نفسبا ان تزوج احد
خاصه ان صار مقرب لي..يعني مشاوير واسواق وبلاوي متلتله..

ومع هذا اقول لا يوقف وكلهم خياله ،، الله يزوج كل العزاب والعازبات
قولوا امين عادي

شكرا ع الطرح،ولك ودي واحترامي

إقتباس ولذلك أطالب بانزال أشد العقوبة على الشخص الماثل أمامكم لمخالفته قوانين المجلس , يا إدراة الاشراف

ارحمنا ياخالد راشد ذاك القانوني العلّه حق الاهلي مدري وش وضعه ابو سداريه بيضاء مدري قاضي ولا دكتور بيطري

إقتباس قضيت الفيسآآت الا مو جوده ,, بالله كم فيسس موجود بموضضوعك خخخخ

قبل السؤال ولا بعد السؤال ,,

إقتباس بس لحظظه اهل الرياض ما يحطون موكب الصصرآحه ما قد شفت يمكن اهل ججده بسس

بَ العكس احس حقين جده مافي مواكب يمشي العريس وقدامه كم شخص يرقص عنده ويهزون بالعصا ويرمون عليه ورد
اهل الرياض يحبون الفشخره على ايش مدري

إقتباس واتفق معك ان زواجات اهل الغربيه أفضل من زواجات نجد بس مو بقوآآ ينبعااوي وخبيتي وبدواني وحركات توسع الصدر >>>هذا عندنا بالمدينه لكن ترآآ الافراح عند الحريم حال الوسطى من حال الحجااز مظاهر

احسن شي في بعض زواجات الحجاز يجيبون شيشه يخلون العالم تكّيف

إقتباس اما الزواجات حدث ولا حرج،عني اتعب نفسبا ان تزوج احد خاصه ان صار مقرب لي..يعني مشاوير واسواق وبلاوي متلتله

الله يَ الدنيا صرنآ رسميين وشكرآ عَ الطرح وتحياتي شوي بتختم وبتقول يعتمد
يارجآل انا مايقهرني الا الي بالعرس يجيب مصور من صحيفه والنهايه صور الزواج تطلع بعد شهر من الزواج ولا وحاطين صورتين بس افراح الفلان والفلاني وهذا المعرس وهذا ابو العروس وكلهم مكشرين

اول ما قريت العنوان قلت جايز لكن من شفت الكاتب قلت نصصصصاب
و لا بعدين مسوي حركة ابو تولين ذي الأقواس يعني بنصدقك مثلا

و الله انا إنسانه اعششششق الزواجات ياخي وناسه و فلة حجاج و دندسه <~ شكشكه
بسس لا صار الزواج في الرياض اتكدر حييييل مع احترامي الشديد لكل ربوع بلادي لكن احسهم منافقيين و حقين مظاهر
لكن تعال عندنا في جده شششششششي طررررررب و فله و تقديم و استقبال و لا اروع ياخي حتى المشاغل في جده التسريحة و الميك اب ب ٣٥٠ اما في الرياض التسريحة ب ٣٠٠ !! و المشكله كل مشاغل الرياض نص كم !!
<~ هم اي فتاه
اممما زواجات الرجال انواع الكئابه ياخي !! طففففففش احس عندكم لو الواحد يعطس القاعه كلها تسمعه !!
اما في جده الوضع ثاني ينطرون الشياب لين يسرون و يشتغل السامري و الخبيتي و ينبعاوي و تسذا و بعض الناس من البدايه و الفرقه شغاله
ا
الله يزوجك و يفكنا من شرك ياخي انت و كل الشباب و الشابات

نتمنى ان يصبح الحلم حقيقة ويتزوج ماجد مقبل حسه متردد من كم سنة ماجد توكل الله والحق نفسك الناس بدت تطلع عليك اشاعات اكتم غيظك وتوكل على الحي القيوم وانهض باكرا واطلب من الماما ان تخطب لك حلم الطفوولة

من العنوان دخلت ابارك للاخ الكريم ماجد
ولكن تفاجاءة بموضوع مستهلك , زج باسم شخص من اجل شد الانتباه و "التلزق فيه"

بالاضافه الى مصطلحات "اهل الرياض","اهل الغربيه"
وكأن المنطقة المسماه يشترك اهلها بكل الصفات .

شكرا لك ...

إقتباس اول ما قريت العنوان قلت جايز لكن من شفت الكاتب قلت نصصصصاب و لا بعدين مسوي حركة ابو تولين ذي الأقواس يعني بنصدقك مثلا

افا وش هالسمعه الزينه عني يعني انا بنصب مثلا
يكن اكون صادق لكن أمهد لكم مفاجاه

إقتباس لكن تعال عندنا في جده شششششششي طررررررب و فله و تقديم و استقبال و لا اروع ياخي حتى المشاغل في جده التسريحة و الميك اب ب ٣٥٠ اما في الرياض التسريحة ب ٣٠٠ !! و المشكله كل مشاغل الرياض نص كم !!

والله ياختي تختلف اسعار المشاغل هنا وجده والوجيه نفسها
بعدين اللحين عندنا عروض فَ المشاعل 10 خدمات بـ 100 ريال

إقتباس السامري و الخبيتي و ينبعاوي و تسذا و بعض الناس من البدايه و الفرقه شغاله

ع طاري ينبعاوي اللحين فَ الزواجات يحطون اغنيه اشتقنا ياحلو والله اشتقنا ؟

إقتباس نتمنى ان يصبح الحلم حقيقة ويتزوج ماجد مقبل حسه متردد من كم سنة ماجد توكل الله والحق نفسك الناس بدت تطلع عليك

ماجد مقبل ماخفيكم سرا هو بين وبين !! يعني هَ الايا يدرس مشروع الزواج وان شاءالله قريبا تسمعون الخبر الصدقي

إقتباس من العنوان دخلت ابارك للاخ الكريم ماجد ولكن تفاجاءة بموضوع مستهلك , زج باسم شخص من اجل شد الانتباه و "التلزق فيه" بالاضافه الى مصطلحات "اهل الرياض","اهل الغربيه" وكأن المنطقة المسماه يشترك اهلها بكل الصفات .

انت مثال للمواطن النفسيه فَ الرياض انا اصلاما اتلزق لأن ماجد مقبل تبناني فَ المجلس العام من كنت يرقه <~ لالايا ياسر التويجري

المهم وآلله بآين عليك مخنفرَ مكشرآ عبوسآ كآنك وآحد فيه مساك متعود عَ نوعيتك

إقتباس والله قلبي نط من الفرحة وسعدت سعادة غامره .. حتى أفسدتها أنت الله يرجك ع العموم الله يزوج أبو مقبل ويزوجك ويزوجني ويزوج كل عزابي وعزباء في هذا المجلس المبارك .. وبطل تسحب الناس على وجيههم ..

احسن شي عجبني سعاده غامره

والله بعيد عن الزواج الله يزوجني ان شاءالله بعد ما الف العالم <~ ابن بطوطه

إقتباس ومسألة انك تستحي ض1 وانت خري مري على دبي ماظنها إلا والله ظنتي كنت ترصد بالعروس .. وتروح تقارن بالتفصيل

خخخخخخخخخخخخخخخخخخخخخخخخخ
ورىآ سمعتي فَ الحظيظ الظآهر لو مسموح لاجيت اعرس يسألون عني فَ المنتدى بيهونون

إقتباس انه اغلب البنات بالعروس مايسترون إلا منطقة وسط الملعب .. والباقي ظاهر للعيان فهذا فيه توفير للأقمشة جزاهن الله الف خير

ياخي لاتفهمهم غلط هذا دليل حنا مو بخير وسلامه ماقدرو يكملون قطعه القماش

إقتباس خخخخخخخخخخخخخخـ خل عنك ماهوب عرس لاصرت مارسمت إلا درجة إنك ماتلتفت منور يالزين

آيه مره والسكسوكه صابغها وحالتك صعبه ..

منورَ

وأنا جايـه بصحن الغدا والملعقه
أبي أطق وأسوي جو ~>أرحمينا
على هالــتسذب الله يزوجگ من مستشفى عرقـه

أما الزواجات
صارت هم نفسي وجسدي ومادي
مو بس للجاني[العريس]

أنا ودي أدخل قاعة رقاقيـل~>متخفيه طبعاً
بشوف وش الي مصبرگم تجلسون
على قولة مستشاره الظاهر لو تعطس تسمعگ القاعه كلها

ويَ مجنون الزعيم المستشفى ذا أهله طيبيـن الله يگتب لك الي فيه خير
ودي..

^^

اي مستشفى ترىآ جلست ساعه افكر واعطي نفسي خياارات للستشفيات