الكتاب واضح من عنوانه ...لكن هذا العنوان للبيب اللي يفهم ايش مقصدي
أقصد بالعنوان اللي محسسيني إنهم شغالين مع الإدارة أو محسوبين للإدارة
هذا يقول سامي لا يروح
والثاني هوساوي
والثالث الفريدي
والرابع المحياني
وهاتك يا (لا يروح ,,وتكفون خلوه)
طيب بسألك سؤال ياللي تكتب هالمواضيع ؟؟
تخيل لو اللاعب اللي تنشده صاحب عقلية (ماعندك أحد) لا سمح الله <<<وحاش لله ان يكون لاعب من الزعيم برتبة (مغفل)
تخيل لو انه يوم من الأيام حس بملل وقال بخش المنتدى واقرأ أخبار ..وفجاة قرأ موضوعك وشافك تنفخ فيه وتكفون يا ادارة نبيه وتعاقوا معه بأي ثمن ..وهذا خليفة الأسطورة فلان بن علان
انا متاكد إنك أنت اللي بتكون السبب في زرع السوسة داخل رأسه وتخليه يروح للإدارة ويبدأ يعاند وينكد والسبب ان فيه واحد نفخ اللاعب
طيب لو خليت اللاعب مثل ماهو وتركته يتدرب ويلعب وجيت يوم وسويت له كم تصميم من ابو (حنا نحبك , وأنت مالك مثيل) ..راح يتحمس اللاعب ويقول ان فيه ناس معجبة فيا ولازم ازيد عدد المعجبين بابداعاتي ..وتكون انت السبب في زرع الحماس عند اللاعب
تتوقعون ان المواضيع اللي فيها (تكفون لا يروح , ومانبيه يروح) انها بتؤدي لنتيجة ايجابية ولو بنسة 30% ؟؟؟
مالظاهر ..ويمكن تؤدي لنتيجة لكن مع نادي غير نادي الهلال ..وصدقوني إن هالمواضيع مجرد تدمير للعيبة لا أقل ولا أكثر
وانا حطيت بالموضوع الزوري وحسن خيرات عشاني متوقع ان فيه مواضيع بتوصل لهم ...عشان كذا أقطع حبل الــ (تكفون لا يروح ) من الحين أفضل
الخلاصة : اتركوا المواضيع اللي تغث اغلب الاعضاء وتغث الادارة بحكم انها تشتغل وغيرها يشغلها بأشياء هي ماهي بحاجة الى العمل فيها بالوقت الراهن
صدقوني اذا استمرت مثل هذي المواضيع بيجي بالمستقبل منتدانا مصبوغ بلون أصفر <<<كاد ان الاصفر لون ماهو طيب في الرياضة ^_^
لو استمرت هذي المواضيع بنلقى اعضاء بالمستقبل راح يكتبون (تكفون لا يروح) على لاعب مامضى على عقده سنتين من الاربع سنين المحسوبة له
خلونا رايقين مع الزعيم والدوري بدا من اليوم وخلونا فقط نركز على شيء اسمه (تشجيع) فقط فقط فقط ..والباقي عند الإدارة وهي ادرى مني ومنك باشغالها
يارب ي عتمد الموضوع بدري
وشكرا