وصف موقع نادي الهلال .. ضروري تكفوون السلام عليكم كل عام وانتم بخيرر .. ابي وصف موقع نادي الهلال ،،s13s مع العلم اني في مخرج 9 ابي الووصف يكوون دقيق وشكرآ:smilie47: |
وين بعيد عنك انت شكلك بنفس حاراتنا ترى النادي بعيد جداااا |
إقتباس:
وش استفدت من ردك لي ..؟؟ |
النادي في العريجاء في الدخل المحدود بس وصف دقيق ما اعرف اذا رحت للعريجاء اسئل عنه واكيد الكل يعرف موقعه حبيت افيدك لو بشيء بسييط تحياتي |
في العريجا موقعه ياطويل العمر .. وعشان تجيه امسك الدايري الشمالي او خريص رايح غرب .. لين يجي الجسر المعلق روح مع الجسر المعلق كانك رايح جنوب .. اول مخرج في الجسر المعلق خذه يسار اطلع معاه وروح يسار بعدين يلف بك الخط اجباري يمين بعد ما تروح يسار وتطلع من المخرج طبعا .. اذا خذك يسار اجباري تجي اشاره اذا ما خاب ضني انها ثلاثيه يعني تروح قدام او يمين خلك سيده قدام وعلى طول تجي اشاره ثانيه بينها وبين الثلاثيه حووالي 100 متر بس .. خذها يسار وخلك ماسك هالخط لين يجي النادي يمينك .. طبعا له اكثر من طريق لكن ذا الطريق اخر واحد جيته معاه للنادي . |
اذا انت بتجي من الدايري الشرقي ثم الجنوبي امش لين يجيك مخرج 25 طريق عائشه بنت ابو بكر رضي الله عنهم خذ يمين مع المخرج تقاطع عائشه مع طريق المدينه امش سيده الاشاره الثانيه خذ يسار امش لين تجي اشاره ويكون يمينك محطه الشارع اليس امامك عباس بن فرناس لف يمين ميتين متر والزعيم على يمينك |
الوقت المعتمد في المنتدى بتوقيت جرينتش +3.
الوقت الان » 06:14 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd