|
الامير نواف بن فيصل يضع حدا لرواتب اللاعبين بسم الله الرحمن الرحيم كل شاف مباراة المنتخب امس لايلعبون إلا للاموال وليس للمنتخب ومنها تستفيد الاندية مثلا الي عندها ديون مثل النصر وغيرها من الاندية الاخرى كلام طويل بس اختصرته ليش مانسوي حملة نطالب من الامير نواف يضع حدا لرواتب اللاعبين على التويتر بصفحته الكل يشارك صراحه انا ماعرف شي عن التويتر المنتخب الاردني و السوري و المنتخب اللبناني والمنتخب التاليلندي هل عندهم الاموال التي نحن نملكها لا والف لا هم يلعبون بالروح الوطنية مو مثل بعض الناس :ranting: آتمنى كنت خفيف عليكم.. |
كلامك صح و المفروض أنه مطبق من زمان |
اي والله ,, المفروض ذا من زمان ,,, |
اللاعبين تشبعوا فلوس واعلام وجمهور شغل التدليع والتطبيل ما ينفع خلاص المفروض يبدا الحزم ويتوقف تدليع اللاعبين على الفاضي ولا فيه في الانديه او المنتخب عندنا مبدا العقاب بس مبدا الثواب وعلى المباراه الواحده ياخذ اللاعب فلوس حتى لو تعادل لكن المفروض الهزيمه او المستوى السئ يخصم منهم اذا اللاعب ماعنده روح وروحه تعتبر الفلوس تخصم في الخساره والمستوى السئ منه مثل ماتزيد في الفوز والمستوى الجيد الله يرحم الجيل القديم كان اللاعب يتسلف قيمه البنزين او يجي على رجليه مع انه ماهو مجبور لانه هاوي وفوق هذا كانوا مبدعين ولا يطلبون النادي واذا اخذو مكافات ماتتعدى 3000 ريال علي البطوله ماهو على انه فاز في مباراه |
ياليت والله اول لما كانو لاعبين هواه كانو يحققون كاس اسيا يوصلون لكاس العالم لما صارو محترفين الاردن وسوريا صارو يفوزون علينا |
اخي اختلف معك تماما في الموضوع.. هذا احتراف يعني اللاعب ماعنده دخل الا الكوره ومن ناحيه الرواتب يستلمونه من انديتهم.. ومن ناحيه يضع حد للرواتب هذا ماهو حل هذا رزق اللاعبين.. مباراه امس صحيح اخطاء كوارثيه جدا وقاتله لكن التصحيح ليس الرواتب.. انما الحل تطبيق الاحتراف بشكل صحيح.. من ناحيه التمارين الصباحيه والتمارين البدنيه واللياقيه والغذاء.. ومتابعه مدرب المنتخب ريكارد وضعهم مع انديتهم.. اختصر واضرب لك مثال وقارن شاهد هلال جيريتس اول سنه وشاهد هلال بعد جيريتس.. راح تلاحظ شي قوي وكبير.. لكن الحل اعطاء لاعبين الصغار فرصه مثال ياسر القحطاني يستبعد من مبارتي هونج كونج.. ويستدعى للمباراه عمان واستراليا.. مدرب منتخبنا ريكارد لم يتابع ملف المدرب جوميز الي اشرف على المنتخب في هونج كونج.. كيف يستدعي لاعبين وهم لم يشاهدهم الا مباريات تنعد على الاصابع.. لكن اتمنى تصحيح الاخطاء ومتابعه دوري زين جميع الانديه وليس الهلال والاتحاد والشباب والنصر والاهلي فقط يستدعي نفس اللاعبين والي سببوا فضائح للمنتخب.. اتمنى نشاهد من الدرجه الاولى ومتابعته بشكل دقيق والاولمبي ومتابعتهم صدقني في لاعبين يستحقون لكن اين الي يتابعهم.. فلذلك انا اقولك اذا نفس اللاعبين مع تغيير طفيف راح يبقى منتخب غير مرضي.. انا اقولك عزيزي منتخبنا لاينعقد عليه الامال وانا اقولك حتى لو تأهلنا وفزنا على عمان وتايلند واستراليا يبقى غير مرضي والاسباب كثيره ومستعد اشرحه لك اذا تريد.. اشكرك اخوي عالموضوع وهاردلك على الهزيمه ووسع صدرك..! |
يا ليت يا اخواااان اللي يستخدمووووووووون التويتر تفجروون يوزر الامير عشان توصله والله اكثر وللاسسف بقوولها كلهم الا واحد او اثنين يلعبووون للفلوس اما اذا قلت مكافاه فوز حرقوا دمهم الله يرحم العصررر الذذذذهبي ما فيه فلوووووووووس ويلعبون ويحرقون انفسهم عشان الفانيله فجرو يوزره بـ هذا الطلب |
معك حق !! لآعب زي عزيز رآتبه 80 آلف ريآل شهريآ , بعذره يغيب ! خلهم يخصمون 20% ولآ 40% ولآ 50% مب مأثره !! بيضل يآخذ 50 آلف شهريآ !! حرآم يعني , سؤآل : لو رآتبه 10 آلآف , هل بيغيب !! لو روآتب آللآعبين ككل من 5 لين 10 هل بيستهترون باللعب للمنتخب ! :rose: |
الأمر ما يجي كذا تعسفي ...؟ ولا يمكن النظر لهالطلب من هالجانب رغم انه سبب رئيسي بوضع المنتخب المتردي ولكن ممكن ...يؤخذ لاعبيين المنتخب القادمين من الاندية .. ويتم ادخالهم محاضرات توعوية تفرق لهم بين لعبه للنادي ولعبه للمنتخب بس لاعبيننا خلاص قضوا على المنتخب وتدحدر تدريجيا ..من بداية زمن الاحتراف المطبق بشقه المالي فقط ...؟ |
اقسم بالله ما يبيلهم غير جلد بوسط الملعب |
اشباه النجوم يتأثرون بالفلوس .. وربما يستعبدون من اللعب مع منتخبهم .. بالطقاق .. جيبوا لاعبين مؤهلين ، يلعبون بروح رياضية ويجيبون لنا البطولات .. اما اشباه النجوم .. فخلهم مع انديتهم احسن لهم |
ماينفع فيهم لو ببلاش ماراح يهتمون كل واحد صار همه ناديه وجمهووره وبسسسسس |
إقتباس:
:laugh::laugh::laugh::laugh::laugh::laugh: |
اي والله اللاعبين شبعانين فلوس و اهم شي عندهم النادي وليس المنتخب |
بالعكسس هم لو يطبقون الاحترآف كآن حنآ بخير .. :s3s: بس انه ينآم لحد الظهر ويقوم للمبآراة المغرب سلامآت :ranting: وروآتبهم يظل مصدر رزقهم .. يكفي انهم يتركون عوآيلهم وعيآلهم بالاسآبيع والاشهر اما معسكرآت او مبآريآت .. !! :yes: بس نطبق الاحترآف s121s صدقني اللاعيبة بس يبي لهم عين حآرةة ويمشون صح :naughty: شآكرة لكك |
| الوقت المعتمد في المنتدى بتوقيت جرينتش +3.
الوقت الان » 01:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd