|
░ ╣( || شمس المجلس الازرق .. الرائع ( Blue Sun ) ضيفاً على حياة @ نت )╠░
http://upload.alhilal.com/img/019/7eatnet11.jpg بكل الحب والمودة نرحب بأعضائنا وزوارنا الكرام وكما عودناكم ها نحن نعود من جديد مع حياة @ نت يحكي فيها ضيفنا عن سيرته وحياته في العالم الافتراضي , عالم الشبكة العنكبوتية وعالمه في شبكة الزعيم . ضيفنا هو أحد رواد شبكة الزعيم و المجلس العام ، من الاعضاء المميزين بحضورهم الهادي والعاصف في وقت واحد :d يحب التدقيق والتمحيص ..وقراءة ما بين السطور .. لكنه يحمل قلباً طيباً واخلاقأ عاليه .. :wub: ضيفنا و ضيفكم في هذا العدد من حياة @ نت المبدع دائماً : Blue Sun http://upload.alhilal.com/img/019/7eatnet11.jpg بسم الله الرحمن الرحيم اولا اشكر ماجد مقبل اللي شرفني بذكر سيرتي النتية اللي ما تشرف .. :smilie47::d / صراحة احترت كثير من وين ابدا , ومن اي مكان انطلق , وبحكم ان مالي خبرة بالمقدمات قررت ابدى بدون مقدمات وانتوا اكيد بتقدرون .. :d لذلك ابعدوا شوي من ورى ,لأني برجع ريوس بالذاكرة واجد .. واخاف اطير احد منكم .. :d رغم ان الكمبيوتر كان عندنا من قبل الانترنت بس فكرة الانترنت كانت جديدة علينا ومو مستوعبينها .. :s5s: كان وقت دخول النت وانا بالمرحلة المتوسطة , ومثي مثل أي سعودي سمعت عنه كلام ما ينقال ..s121s ووقتها كان الوالد عنده كمبيوتر مكتبي , وكنت خايف لا يسويها ابوي ويدخل الانترنت رغم اني واثق في ابوي , لكن قلبي مو متطمن وعارف ان الشيطان حريص بمثل هالامور .. s121s لذلك قررت اصارحه بالموضوع وأساله اذا يدخل الانترنت من وراي والا لا ..؟! وكان جوابه صدمة بالنسبة لي لما قال ايه .. ما حبيت اكثر كلام معه وطلعت من عنده متضايق ولا اقدر انااام من الصدمة .. :( ما توقعت ابوي اللي رباني ووجهني وكان القدوة لي 15سنة ينحرف بهالسهولة ويدخل الانترنت .. وبعدها قررت اني ولازم انتبه له , و المفروض ما أخليه بروحه مع اللي ما يتسمى , وما أتخلى عنه وهو بامس الحاجة لشخص يوجهه .. :d وكنت اغلب وقتي اجلس معه بمكتبه بالبيت بحجة القراءة وانا اصلا اراقبه من بعيد لبعيد , تعرفون ابوي الوحيد ومن حقي اخاف عليه ينحرف .. :smilie47::d بس خلال فترة جلوسي معه ما شفت أي شيئ من اللي كان ينقال لي عن النت .. وبعدها عرفت ان خوياي ماعندهم الا الدجة .. :to::d طبعا خلال فترة جلوسي معه ومتابعتي له متابعة دقيقة وكم سوال برئ ملغم .. :d تعرفت على طريقة الاتصال بالنت .. :naughty: وبعدها سافرنا عند عمي وكان ولده بعمري وعنده خبره بالنت والخرابيط هذي , وما قصر شرح لي كل شيء عن النت من الى ..:naughty::d http://upload.alhilal.com/img/019/7eatnet11.jpg رجعنا البيت ووصلت الانترنت لجهازي المكتبي العتيق .. ومن هنا كانت انطلاقتي لها العالم المجهول .. << يسمع بالتشويق :s2: وبديت استخدم الانترنت واذكر وقتها ما خليت موقع ما زرته , وماخليت روم ما دخلته .. طبعا ما كان عندي ايميل ولا ادري وش السالفة ما غير فرفرة على غير سنع .. :to: حاولت اشارك بمنتديات كثير ولكن كنت اصطدم بحاجز الايميل .. :s5s: واستمريت على هالحال حتى جت الاجازة ورحت لولد عمي وسوا لي اميل , وفهمني انه ضروري للتسجيل في اي منتدى .. وبعدها ما خليت منتدى الا سجلت فيه وكان هذا عام 2004 وكل المنتديات اللي سجلت فيها ما شاركت فيها ولا شيء بس مسوي زحمة والخط فاضي .. :d وكان المنتدى الوحيد اللي احرص على زيارته وقتها هو الزعيم , ولكن ما فكرت اسجل ...... بس اتابع اخر اخبار الهلال واضرب الباب .. :d وكان دخولي للنت مو دايم حسب وقت فراغي واذا توفر النت , واستمر هالوضع الى 2006 والتحقت بالشركة اللي اشتغل فيها الان وكــان الانترنـت من المطلبـات الاساسيــة بالعمل .. ....... وزاد وقت دخولي للنت وصرت متواجد شبه دايم بالزعيم ومنتدى اخر لاحد اصدقائي وهو المنتدى الوحيد اللي كنت اشارك فيه وقتها .. http://upload.alhilal.com/img/019/7eatnet11.jpg وقررت اسجل بالزعيم مع ان الخطوة متاخرة بس احسن من انها ما تجي ابد .. :razz: ولكن احترت كثير باليوز كان كل ما كتبت يوزر يقول غير ممكن , وكان كل ما فضيت اسوي لسته يوزرات واروح للموقع اجربها وللاسف بدوون فايدة ..حتى مليت وقلت اكيد يصرفوني وما يبوني اسجل معهم وشلت فكرة التسجيل من راسي << لا تكفى .. :d وبعدها بفترة وبلحظة فضاوة قلت بجرب مرة ثانية يمكن خلاص طاح الحطب ورضوا عني .. :d ودخلت الموقع وقلت بحط يوزر من راسي وحطيت f وحدة وما قبل ,وجربت ff وما قبل برضو , وجربت fff وكانت المفاجأة تم تسجيلي بمنتدى الزعيم .. :s5s: بعدها انتهت معاناه التسجيل وبدأت معاناة التفعيل , وحالي حال أي عضو انطقيت سنة كاملة انتظر التفعيل وصراحة وما ينلامون الادارة اليوزر مدري وش يبي .. :d وبيوم من الايام وانا اشطف على المواضيع لمحت مربع الردود تحت ما صدقت عمري وفرحت اكثر من فرحة النصر بطرد رادوي .. وانتهت وقتها معاناة التفعيل , وبدات معاناة اليوزر .. :s5s: وكان مسخرة للاعضاء وكل من بغي يشمت يناديني بيوزري .. طبعا طفح كيلي وكلمت الادارة , وادهرت مشاركات بمنتدى الملاحظات واشغلتهم ابي اغير اليوزر ولكن لا حياة لمن تنادي ولسان حالهم يقول يوزر اخترته يا fff ابلش فيه ..:d وللأسف كل مواضيعي وطلباتي بمنتدى الملاحظات قوبلت بالتجاهل كعادتهم .. :s3s: بس ما ينلامون مشغولين << ما خاف ابد ..:d:smilie47: وقررت اني اشارك بيوزرري وما علي من كلام الناس وهذا اللي صار طبعا ,, :d وقتها كان علي بداية لعبة ترافيان وما انكر هاللعبة خلتني اتعلق فيها لدرجة اني وسوست .. :d واخذت اغلب وقتي على النت وحتي بالجوال كنت ادخلها وسحبت على الزعيم من جديد .. :naughty: ومريت فيها بالكثير من الامور والسوالف يبي لها موضوع ثاني مستقل .. :s2: وما انكر عرفتني على ناس واجد سواء هنا بالزعيم وغير الزعيم وكانت اول وسيلة تواصل لي مع اشخاص خارج العالم الافتراضي . . وبعضهم لازلت اتواصل معه الى الان ..:smilie47::yes: http://upload.alhilal.com/img/019/7eatnet11.jpg رجعت ثاني للزعيم وكانت مشاركاتي قليلة جدا بالجمهور وكنت فقط احرص على قراءة اخبار الهلال . وكنت متابع للمجلس العام عن بعد .. وما فكرت اشارك فيه وقتها .. وصراحة كنت معجب باقلام كثير فيه وكنت استمتع بردودهم ومواضيعهم .. الى ان قررت اخوض التجربة واشارك هنا بالمجلس , وكنت متخوف جدا من عدم تقبلي بينهم لان وقتها كان هناك كلام كثير يتهم اعضاء المجلس بالشللية والتحزبات .. :s5s: ولكن تفاجات بأني وجدت ترحيب كبير , ودعم اكبر من الاعضاء هنا بالمجلس .. :ga: وان كل الكلام مجرد شائعات من اشخاص يحاولون تشويه صورة المجلس .. :yes: واصبح المجلس هو بيتي الاول وحتى وقتها سحبت على الهلال واخباره وطول وقتي مسنتر هنا وجالس على قلوبكم .. :naughty::d وتوالت المشاركات وحدة تلو الاخرى وتطورت الامور مع بعض الاعضاء الى اميلات وبعدها جوالات وبعدها لقائات .. :wub: وفي احد التجمعات تزهلي ابو مقبل بتغيير يوزري بعد ما شكيت له حالي , وتاثر واجد بالقصة .. وقال ارسلي لي يوزرك باي وقت وانا اغيره ..:smilie47: ولكن استحيت منه وقلت ما ودي تكون بداية علاقتنا مصالح , خله يمكن احتاجه بشئ اكبر .. s121s ومشت الامور كذا الى ان تفاجأت برسالة مستر قول عضو مجلس الادارة وكانت كالتالي : http://img36.imageshack.us/img36/4174/21293606.png ولا تسألوني وش معنى الشمس الزرقاء لانه جا ببالي وقتها وانا اقراأ الرسالة وبدون تفكير .. :s5s: ومالقيت يوزرغيره , وخفت افكر واتأخر شوي ينتهي العرض ويسحب علي ,,:razz: واخذت لي وقت واجد حتى اتأقلم على هاليوز وصراحة تمنيت اني ما غيرته احس ان الاول احسن .. :cry::d والحق يقال استفدت كثير كثير جدا من المشاركة بالمجلس , والاحتكاك بكتاب كبار جدا .. تعرفت على اخوان واخوات كثير هنا وتشرفت كم مرة بمقابلة البعض منهم << الاخوان بس ولا الاخوات للحين ما صار شئ .. :d والبقية ان شاء الله بالطريق .. :yes: http://upload.alhilal.com/img/019/7eatnet11.jpg هذا مختصر لحياتي النتية كان ودي استرسل بس كثر الله خيركم وانتم استحملتوني كل هالوقت , اخاف اطول شوي والتفت ما القى احد حولي .. :d ألف شكر لكم اللي عطيتوني وجه وخليتوني افضفض لكم شوي عن هالسيرة العطرة .. واتمنى اكون خفيف عليكم ,,:wub: وكل الشكر لصاحبة الفكرة والمعد والمصمم , ادري ان تعبكم راح على الفاضي لكن مو ذنبي انتم اللي اخترتوني .. :smilie47::d وكل عام وانتم بخير . :ba1: يعافيكم ربي جميعا ,, :smilie47: http://upload.alhilal.com/img/019/7eatnet11.jpg نشكر الأخ الغاليBlue Sun لإستجابته لدعوتنا وتزويدنا بمقتطفات من حياته النتيه :cool: متمنين له دوام التوفيق والنجاح . http://upload.alhilal.com/img/019/c25f8ea89d.jpg للإطلاع على الحلقات السابقه لـ ضيوف حياة@نت http://upload.alhilal.com/img/006/7ayah-net4.jpg «¤¶`أرشيف حياة نت " `¶¤» http://vb.alhilal.com/news/1div.gif تقبلوا أرق التحايا وأطيبها من مشرفي واستشاريي منتدى المجلس العام |
هلا والله بثلآث آفات :d:rose: حيآآة نتية جميلة ،، بدآآيتن مع التسجيل بالمنتدى هذا والسحبة عليه والدخول في عالم ترافيان السامج:d ،، والمعاناة مع التفعيييل:cry: .. منور يا صآحبي :rose: |
ههههههههههههههههههههههههههههههههههههههههههههههههههههههههههههههه :d أجل ترآقب أبوك وش يدخل :d , أنقلبت ألآيه صآر الولد يرآقب ألأب :razz::d ! , دآيما مايدخلنا ويعرفنا على النت إلى عيآل وبنات العم s121s ! تبآ لهم s121s ! , عآد تصدق لآحظت من كلآمك وكلآم الباقين يوم سجلوآ بأسماء غير اسمائهم الحين غريبه ومثيره للشك s121s <<---- ركز بالله على مثيره للشك :d ! بعذرهم لو مايقبلونك :razz::d , بس مدري ليه تعجبني الأسماء الغريبه والمبهمه s121s <<---- برضو ركز على مبهمه :d ! , وعاد انا مالحقت على مواضيعك وردودك , بس هالسنه هذي اللي لاحظتك فيذا :d ! ويالله يالله اشوف لك رد :s5s::d ! , والله ممتععه حياتك النتيه :d , وموفق :rose: ! |
حياك الله وبياك اخوي فهد :smilie47: ومنور يا صديقي حياة @ نت .. استمتعت بقصتك وذكرياتك .. وما زلت اذكر موقف معك على ايام البدايات :s3s: كنت اظن اليوزر لـ .... :rose: ووصلتني رسالة ساخنة منك :s3s: شكرا لك فهد :smilie47: واذا تبي اليوزر الاول ابشر s121s بالتوفيق دائماً .. |
- Blue Sun من الأقلام اللي لها ثقل بالمجلس شعور اكتشاف النت للمرة الاولى لا يُنسى وكأنك بمغامرة .. متخوف و متحمس بنفس الوقت. أما سالفتك مع أبوك :d .. استمتعت بقراءة مسيرتك شكراً لك :rose: |
هلا بفهد :rose: توقعت اسمك فيصل :d حياتك النتية تنفع فيلم عاطفي على اكشن :naughty: تشرفنا بالتعرف على سيرتك الذاتية فرصة سعيدة fff |
: اهنيييييييك على حرصك على أبوك :s2: .. ونعم الأبناء اللي كذا :wub: .. : ماشاء الله يافهد :smilie47:.. تملك اسلوب جذاب يشد للنهاية .. ماادري ليه ماانتبهت لك بعمق قبل كذا ؟ ..:mad: : موفق يابعدي :ba1: كل الشكر للمعازيب :naughty:.. |
بداياتك مع النت موفقه .. شكرآ فهد ، وننتظر الضيف القادم .. |
هلا بـ f بلسّ :s2: أولا ً خلني أقدم لك اعتراف خطير s121s أول مرة قرأت معرّفك Blue Sun توقعت إنك أنثى :wub::s2: لكن دخلت في صراع مع نفسي حتى أكتشف الحقيقة المرة :s2: من خلال متابعة بعض ردودك , حتى تبين لي في الأخير إنك ذكر :s3s: صراحة حياة نتيه جميلة جدا ً لا تخلو من الشك والريبة حتى في والدك :s5s: واسلوبك ما شاء الله تبارك الله جميل جدا ً جدا ً في السرد :smilie47: وفقك الله أخوي فهد دنيا وآخره :smilie47::rose: ودمت في حفظ الله :rose: |
أهـلاً بـتـربـل اف .. اسـتـضـافـة رائـعـة لـعـضـو مـمـيـز .. حـيـاة نـتـيـة بـدأت بـشـك ومـن ثـم تـوطـدت الـعـلاااقـة .. ومـا مـن مـحـبـة الا بـعـد عـدااوة :d وهـذا الأهـم ان الـنـهـاايـة سـعـيـدة دمـت مـبـدعـاً كـمـااا أنـت .. تـقـبـل تـحـيـااتـي .. اخـووك دمـت بـود |
http://img36.imageshack.us/img36/4174/21293606.png هلا وغلا .. غريبة تقول هذه الرد من مستر قول كانت برسالة خاصة !! أنا أذكر هالرد ..:yes: :rose: |
هلا والله ب FFF والله حياة ممتعة بالتوفيق بس على فكرة دخت وانا اقرا بس وااله من بداية الموضوع جذبتني اقراه لين اخره |
ياهلا والله بـfff وفي روايه بلو سن..:rose: اجل خايف على ابوك لاينحرف ههههههههههه الله يخلف وليتك تعرف للايميل يوم انك تتنتبه له لا بس شئ نفسي انك تقعد تطمئن على الاحوال :s2: يعطيك العافيه سرد جميل بجمال الحضور :rose: |
الحين معقولة هذي كلها بربرتي .. !! والا انتوا مزودين سوالف عليها .. ؟!! s118s :d هذا وانا مختصر حياتي وجايب رؤووس اقلام بس .. :s5s: بس ما عليه اعتبروها تسخين للقراءة بالمدرسة .. :d بسم الله نبدأ مع الردود .... :wub: / إقتباس:
تصدق اشتقت للأفات حقتي .. :s5s: بس خلاص اللي ما يبينا ما نبيه .. :s3s::d وبعدين لا تغلط على ترافيان .. صح انه سامج , بس والله كان جو وحماااس مو صاحي .. :s5s::d والله ايامها لو تسمع سوالفنا بالدوام تحس اننا تاكين بوزارة الدفاع .. كل سوالفنا عن الجيش والهجوم والغنايم .. :laugh: يعافيك ربي .. النور نورك يالغالي .. :smilie47: / إقتباس:
وش اسوي حريص على مستقبل العائلة .. s9s وترى الانحراف ما يفرق بين اب والا ابن .. :d وبعدين من جد عيال العم والخال احس انهم بدوا يغطون على اصدقاء السوء وبقوة .. s121s :d ولد عمي احس انه ما سوا فيني خير يوم علمني .. والله اوقات اتمنى ان ماعرفت للنت ولا التكنلوجيا كلها ابد .. :yes: وبعدين يوزري كان غريب شكله , وتعرضت لتحرشات كثير بسببه ولا ما كان غيرته .. :d والصدق ما انكر اني مقصر كثير بحق المجلس بالفترة الحالية , لكن ان شاء الله ارد مثل اول واحسن .. :yes: يعافيك ربي ويسلمك ,, :rose: / ان شاء الله لي عودة للبقية .. :ga: |
يعجبني الابن الحريص على والده :d:smilie47: استمتعت بقراءه سيرتك النتيه والبريئه :d بالتوفيق لك |
| الوقت المعتمد في المنتدى بتوقيت جرينتش +3.
الوقت الان » 09:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd