|
يعني اموت !! همسات متحطم نفسياً السلام عليكم ورحمة الله وبركاته .. أهلاً بكم انا بتكلم - من حرّ مافيني وقهر واحباط وكل شيء انا طبعإ - توني متخرج من الثانوي وفرحان مثل مايفرحون الناس ب التخرج ويعني اني قدامي المستقبل وب احطم الارقام القياسية - بالتفوق العلمي واحصد جميع الشهادات يعني مثل اي شخص " يحلم " أيه يحلم - لانه كله احلام وكلام من نسج الخيال لان في وطني الغالي - للاسف الشديد كله أحلام × احلام ماعلينا تخرجت - يوم قدمت .. وانتظرت وانتظرت ، طلعت اسماء القبول وانا وجهي مسوي ضامن واني خطؤت الى المجد خطوه ، وميه في الميه قابليني قابليني لا محاله هههه - ولا اقبلوني ف شكلت تعابير ورسمت الصدمه والحزن - في وجهيَ .. هدأت من روعي .. بكلمة " خيره " مرّت - يعني شوية ايام وقالو فيه تقديم ثاني قالو تعال - للجامعه واكتب ورقة تقديم طلب مرة أخرى رحت وكتبت - ب اي تخصص انتظرنا وصبرنا .. طلعت الاسماء - وكذلك ماطلع اسمي مرة ثانية - قالو فيه تقديم اخير تعال وقدّم رحت وكتبت وقدمت على آمل - القبول انتظرت - رسالة : ايميل : يدقون عليّ : تصفحت في الموقع ولكن - خلاااااص .. مافيه نصيب اي والله مافيه نصيب لكن ليه كذا !! من بد الشباب انا ما يقبلوني ولد البطه السوداء يعني انا ؟ طيب وش أسوي الحين انا - وين اروح ؟ ادرس !! طيب وين ادرس اشتغل ! لا وين يعني كم بيصير راتبي 3000 ؟ 4000 ؟ 5000 ؟ وش تسوي ذي - اي وش تسوي ذي وقسم ماتسوى مو وراي - مسئوليات مستقبلا مو عندي زوجة في المستقبل - وعيال واصرف عليهم ؟ وقبل الزوجة والعيال مو قدامي مهر - وبيت - وآهل - وامور كثيره يشيّب لها الرأس إلحين - الـ 100 تضيع بيومه : فطور + غداء + عشاء + بنزين = لاني عزاَبي اجل وش بتسوي - 3000 او 5000 انا ماني بجالس بزاوية الغرفة إبكي على قرادة حظي ولا اني ساذهب الى قمة الجبل - والقي نفسي منتحاراً من الاعلى ماعلينا - من هالامور نقول انها تفاهات طيب وطموحي !! والتصور والخيال الي رسمه لي عقلي وش بكون مستقبلاً!! خلاص مافيه !! ؟ طيب انا وش أسوي الحين ؟ اييه وش بسوي الحين - !! :( تبقى " الحمد لله " الكلمة الوحيده المعبرة عن الحال همسة إخيره .. كم أتمنى - لو ان الانسان قبل ان ينولد يُخير بالوطن الذي سأيعيش فيه ، حتماً سوف تكون معيشتنا أفضل بـ / " مراحل " |
أخوي لآ تتحطم ولآ شي , توك صغير وقدامك العمر كله :rose: لاتخلي حياتك تتوقف على هالشي , واضح من كلآمك انك جايب نسبه حلوه بالثانويه واكيد بدال لا يقبلونك هالجامعه فيه غيرهآ واحسن منها بعد :smilie47: .. لاتخلي اليأس يسيطر عليك عشان بس ماقبلوك , فيه اكثر من جامعات وكليات تقبل .. وإذآ ماقبلوك قدم على اي معاهد للدبلوم , ولا قدم بالجامعات التعليم عن بعد .. اهم شي لا توقف على كذا وتقول ماراح يقبلوني ومدري كيف :rose: .. واكيد ربك مايضيع مجهودك :smilie47: , صل ركعتين واطلب من ربك :smilie47: .. , وبعدين انا لاحظت انك تنقد الراتب ؟؟؟؟ الحين انت ليش ماعجبتك كم الف ذي ؟ انا ادري انها ماراح توكلك عيش مع زوجتك , بس انت داخل على وظيفه جديده شي طبيعي بيكون راتبك ناقص شوي .. , وإذآ أثبت وجودك بالشغل ان شالله بيرتفع الراتب ويصير مثل ماتتمنى , ليش تستعجل الأمور أنت ! صحيح ان المفروض تكون الرواتب عاليه , بس خلاص هذا الوضع تعايش معاه لحد مايفرجها الله :smilie47: .. والخيره فيما اختاره الله :smilie47: .. أن الله كاتب لك بتدرس تدرس وإن ماكتب قدر الله وماشاء فعل :smilie47: ! الحين انت رح دوّر على الجامعات والكليات , وان شالله محد يرفضك وانا الل فهمته من كلآمك انك مقدم على جامعه وحده , يعني ماجربت البآقي ! رح جررب وشف , مافيه شي مستحيل ! وغيرك مب احسن منك ! وبعدين لاتخلي اي شي يحطمك , الحين بس عشان الجامعه ماقبلت سوّت فيك كذآ ! أجل باأمور الدنيآ ومشآكلها وش بتسوي ؟؟ خلك واحد يشد فيه الظهر ! ومااقول إلآ الله يفرجها عليك ويقبلونك ان شالله :rose: ! |
طب تخيل عمرك 32 سنة وما حصلتلك وظيييفة ؟؟ |
آآآآآخ بس عندكـ وآسطه آهلآ وسهلآ مـآفئ وآآسطه توكــل للآسف سيـآسة بلدنـأ العزيز الله يوفقكـ ويفتحهـآ بطريقكـ.... |
إقتباس:
أدري قدامي العمر - ان كتب لنا عمُر .. لكن اذا هاذي أولها ينعاف تاليها :( وبخصوص - رح دور على الجامعات والكليات .. الكلام سهل + ببلاش |
إقتباس:
الله لا يقوله - ومن جد من شاف مصيبة غيره هانت عليه مصيبته خخخخ |
إقتباس:
وأذا ماعنده - واسطة ياكل هوا يعني |
إقتباس:
طيب لآتزعل نفسك وتشيل هم ،، خل رزقك يجيك بس انت اسعى له واذا برآآسك درآسة ادرس على حسابك اذا عندك امكانية .. ولا تنسى الصلآة والآستغفار ،، تكسب رضى ربك ،، فتفتح ابواب الرزق امامك .. الله يوفقك |
إقتباس:
إشكرك .. وشلون ما ازعل !! ووشلون ما اشيل هم !! طيب والرزق يجي كذا - لازم نفعل ب الاسباب على حسابي < ! :s5s: بإذن الله - دعواتك بس |
قبل ايام كنت بمكه وبالفندق اللي كنت فيه لقيت شاب يشتغل بالفندق توه متخرج من الثانوية مع الايام تعرفت عليه وصار صديقي :d سألته عن الجامعه قال ما قبلوني قلت له طيب وش تسوي :cry: قال بسجل بالتقنيه .. وربك ييسرها .. وكان متفاءل جدا >> عكسك تماماً .. المقصد هناك خيارات كثيرة عليك ان تبحث عنها .. و نصيحة لك يا صديقي كن ايجابي ولا تتذمر ورضى بالقليل يأتيك الكثير :d بالتوفيق لك دائماً |
مآضاقت آلآ على ربك فرجهآ :smilie47: خلك متفآئل ورد هلآليه يكفي ويوفي :) |
إقتباس:
طيب - ياحبيبي شمعنى انا الي إشقى بحياتي ليه أنا بالذات !! وانا - وش ابي ماقلت ابي 20 تريليون امشي حالي فيها هالشهرين والله - امنيه بسيطه : لكن الشكوى لله إنست وشرفت - مشرفنا |
إقتباس:
ونعم بالله .. مافيه شيء يهيك على التفائل ، لكن الله يعين تشكرات - : ) |
أنت شرط يعني تدرس بالجامعه اللي بديرتك ؟! ليش ما قدمت على الجامعات السعوديه كلهآ وأكيد رأح تقبلك وحده منهم أنا أعرف شخص تغرب عن أهله بديره تبعد عن ديرته حوالي 1200 كيلو ووضعه صعب جدآ حتى طول فترة دراسته ما كان معه سياره عاد انت تخيل تدرس أربع سنوات برآ ديرتك بدون سياره !! ومع هذا مشى وخلصها واللحين ماشاء الله عليه بـ كلية الملك فهد الأمنيه (ضباط) . تعب وتغرب عن أهله ونال اللي يبيه اتعب مافي شيء ببلاش أتمنى لك التوفيق |
وعليكم السلآم ورحمة الله وبركاته واذا مانقبلت بالجامعه ..!!!!!!!!!!!!! يعني نهاية الدنيا في الف طريقه وطريقه للدراسه وخاصة اللي فهمته من كلامك ان نسبتك كويسة ماشاء الله ياخي فيه معهد الاداره ,,وفيه التقنيه وانا اعرف شخصياً ناس ماانقبلوا بالجامعه ودخلوا بهالدبلومات وماشاء الله لقوا وظايف وتقدر تقدم السنه الجايه توك صغير وقدامك عمر وهكذا خلق الانسان في كبد وهاذا الموال لكل سنه فالقبول عندنا حدث ولتحرج والله ييسر امرك ويكتب لك الخير دوماً:rose: عليك بالدعاء :smilie47::rose: |
قبل مأتنآقش معك كم نسبتك ؟ وكم قدرآتك ؟ وكم آلتحصيلي ؟ |
اكيد مقدم على جامعه وحده؟؟ صح والا لا ( وعسى ان تكرهوا شيء وهو خير لكم ) |
إقتباس:
ممكن يكون كلامي قاسي نوعا ما لكن هذي الواقع أولا أنت كم جايب بالتحصيلي و القدرات !! ما أتوقع أنه فيه شخص يحلم و يطمح إلا أنه بكل تأكيد لازم على الأقل يجيب 70 كـ درجة دنيا و اللي أشوفه قدامي أن القبول حاليا أسهل من شرب الموية ! الفصل اللي كنت أدرس فيه أيام ثالث ما أعرف ولا واحد لم يقبل في جامعة أو معهد :s5s: مع أن فيه ناس ما يحضرون و إذا حضر كبّر المخدة و نام :s3s: و مع ذلك مقبولين ! يا شيخ فيه واحد مخّه مضروب لدرجة أني بعض الأحيان أشك أنه مفروض يدرس بتربية فكرية أحسن له :d يوم أسأل عنه مقبول في تحضيرية سعود الإنسانية :s5s: طبعا درجته في القدرات ما تعدّت الستين :s3s: و مع ذلك مقبول وش رايك :s2: و ثاني كنت أحسبه بيسقط بس دفوه و نجح :d الحين في المعهد السعودي للبلاستيك يدرس ثلاث سنين بعدين على طول يتوظف بسابك عاد إذا كنت أنت أسوأ من أسوأ طالبين في مدرستنا فـ معليش يعني :s2: معليش موب لقافة لكن ممكن تقول لي كم درجتك بالقدرات و التحصيلي !! إقتباس:
|
إقتباس:
النسبة = 89,34 القدرات = 76 التحصيلي = ماختبرت .. لاني مابي ادخل لا طب ولا كلية علميـه / رياضيات ، فيزياء ... إلخ |
إقتباس:
لا .. والله 4 جامعات 2 في الرياض .. و 2 في الشـرقية |
إقتباس:
ههههههههههه ، كلامك اثلج صدري - نورت |
إقتباس:
طيب ليه مآقدمت ع آلبحريه بآلجبيل وآلله أحسن لك , يطلبون من 81 وفوق يبون لآ قدرآت ولآ تحصيلي , أهم شي بآلريآضيآت وآلفيزيآء وآلأنجليزي جيدجداً , واهم شي طولك فوق 165 , وآلله يوفقك أنصصحك تقدم لكن أتوقع أنهم قفلو خلآص , أنتظر وربك يفرجهآ , |
اخوي وش هالسوداويه .. كلنآ والله انت جمييع من رد عليك ومن قرأ فيهم اللي مثلك .. لكن اصبر واتق الله وارض في ما يقسمه الله .. بعدين أخوي تعال .. 3000 او 4000 أو 5000 وين تحصلهآ ذي تكفى وانا أخوك اذا لقيت لي وضيفه بهذا الراتب .. اويلاه ارسلي ع الخاص .. ياعمي وين انت فيييه .. تدري ولا ماتدري ..لي اقارب وزملاء تخرجوا من الجامعه توضفوا معلمين اول سنتين بأهليه 2500 تخيل هذا راتبهم لين مانزل تعيينهم اللي تعين بالواق واق واللي ماادري وين راااح بس كله عشان يرفعون رواتبهم توصل ل5000 حرام عليييك والله ... لا أنت صدقني مو متضايق ومحتاج ولاعب في دين ابو اهلك الفراغ اللي يخلي الواحد يسولف مع نفسه بغرفته ... اخوي توكل على الله وماكتب ربي سيأتيك ... أخوك : لاتسأله عن الوضيفه ..؟لانه حتى الحين يدرس تقشير البصل اما باستراحة أخوياه او في بيتهم مع الخدامه .. |
الحييييين بالتقديم ع الجامعه كذا وش بتسوي لو قبلت و بعد الجامعة و دراسة 4 سنوات تجلس مثلها او اكثر عاطل شوف انا معآآآك بشي و ضدك بشي ضدك ان التقديم بكل مكان انا تقريبا مقارب لنسبتك 89,73 علمي 77 قدرات 66 تحصيلي قدمت ع الملك سعود قبلوني بالخرج :s5s: ع الامام ما قبلوني :s5s: ع شركة الكهرباء قلبوني :d ع ارامكو قبلوني بس في اختبار و سحبت عليه :s4s: لاني انقبلت قبول نهائي بشركة الكهرباء القبوووول اتوقع مو هو سبب المشكلة الرئيسية المشكلة العظمى في ما بعد التخرج اعرف واحد قريب لي وربي جالس حوالي 7سنوات يدرس بأهلية تخصصه اجتماعيات اتوقع ( تاريخ و جغرفياء ) و السنة الي راحت تعين و الرواتب عندنا مش حالك ترا الـ 3000 و الـ 5000 زينه بديرتنا الي ما ادري خيرنا وين يروح له :ranting: ما نقول الا حسبي الله و نعم الوكيل |
قل لااله الا الله اذكر الله وتأكد اي شي يصير لك فهو قضا من رب العالمين والواجب انك تحمد ربك اسمعني ياخوي مالك الا ركعه بالثلث الاخير من اليل وتدعي ربك بكل الي بخاطرك وباذن الله مايخيب من رجاه ينزل سبحانه بالثلث الاخير فيقول هل من داعي فاستجيب له..هل من مستغفر فاغفر له.. الشي الثاني الزم الاستغفار بنية ان الله يفتح لك ابواب رزقه (وقلت استغفروا ربكم انه كان غفارا..ينزل السما عليكم مدرارا..ويمددكم باموال وبنين والله ربك كريــــــــــــم بتلقى الخير ويمكن تنقبل الترم الثاني ماتدري,, فكر بكلامي زين وجرب منت خسران الاستغفار,,صلاة الوتر<<هالشيئين بيغيرون حياتك واسأل مجرب ولاتسال طبيب:smilie47: وان شاءالله خير لك:smilie47: |
إقتباس:
إلحمد لله - كلن يغني على ليلاه |
إقتباس:
ياليتني - بنقالي ياشيخ : كلامي زادني تحطيم خخخخخخخخخخخخ |
إقتباس:
شكرإ على الحب والود - الي عطيتنيي اياه |
صحيح أن الوضع مـــزري للغايـه ولكـن الله يعينـك ويوفقـك :rose: |
الله يكون بعونك أخي أنت بعمر واحد من اولادي ، وعون كل من هو في وضعك ناس كثير صاروا في سن الرجولة ومازال آباؤهم يصرفون عليهم لدي أولاد منهم 2 معهم الثانوي والكبير تخرج من كلية له 3 سنوات لم يتوظف بشهادته ومن الملل المسكين اشتغل بشغل ما يوكل عيش 1800 ريال علشان يسد الفراغ اللي عايش فيه وحتى انه أحيانا يلجأ لي في بعض المصروفات واخوانه 2 معهم ثانوي علمي واحد له سنتين عاطل وماله رغبة بالدراسة اشتغل فترة براتب مثل اخوه لكن وهو يعمل وجد نفسه يعمل أكثر من ناس معه رواتبهم فوق 6آلاف ويكد أكثر منهم وفصل من الشغل ويقول بدرس والثاني درس بكلية المجتمع ترم واحد وتركها وهالسنة سجل بمعهد الادارة وقبلوه وان شاء الله يكمل. الحياة في هالزمن صارت متعبة على الشاب وعلى أبيه خاصة ان كان الاولاد كثيرين واحنا مادرينا ان الحياة ستطوق أعناقنا هكذا والا كان وضعنا حد لكثرة الأولاد وكنا نستهزئ بالمصريين من تحديدهم للنسل وما عرفنا فايدتها الا بعدين . يوم كبروا الاولاد وكبرت معهم مطالبهم . لا تيأس جاهد وكافح ولتعلم ان الشعب السعودي أغلبهم كادحين ويكسبون رزقهم بكدهم وتعبهم وبالنسبة للواسطة تعتبر نوع من الفساد الإداري ومن يعمل بها فهو انسان فاسد لأنه بعمله هذا يأخذ مكان أناس آخرين أحق منه . وهذا ما دمر البلد وسيحاسبون عليها عند رب العالمين . شد حيلك وانا اخوك ولا تجلس هكذا وتضيع سنة من عمرك .. وتأكد ان الجميع لديهم معاناة وصابرين على مر العيش . حتى اعانات العاطلين لحد الآن لم تطبق مع العلم انها بدول كثيرة مطبقة من زمان . ومعذرة على المداخلة موضوعك شدني قلت أدلي بدلوي لأني تذكرت أولادي ومعاناتهم . والله يوفقك . |
إقتباس:
الله يخليهم لك - وتشوفهم في إعلى المناصب ان شاء الله حسبي الله عليهم .. الله لا يوفقهم نورت يا ابي .. |
تفائلو بالخير تجدوه وصدقني الي مكتوب لك بيجيك يعنى لاتستعجل على رزقك وعليك بالاستغفار |
من راييي انك تروح تسكن بالكويت وتااخذ الجنسيه الكويتييه وتعيش احلا عيششه:yes: ولا تبطي تتيسر حيااتك بالسعوودييه:cry: والله يوفققك ويسهل درربك:rose: |
والللللللللللله العظيم حالتي مثل حالتك ! الحمدلله على كل حال ويارب تيسرها علينا قل امين :( الحمدلللللللللللللللللللللللله على الصحه والعافية هذا اهم شي ! دام الواحد مايترك صلاته وعبادته وبار بـ اهله صدقني يتيسرلك كل شي ! الترم ذا احتمال كبير اقعد ب البيت واللله يعين ي رب بـ التوفيق |
إقتباس:
مايجي : كندإ لان ودي فيها خخخخخخخ نورت - شكرإ |
إقتباس:
لا إبشرك تبي تقعد وتفل اومينه - وتساعد والدتك في غسيل الصحـون وتصير رجل بيت - وتعرف تطبخ وتشتري لك من كتب الطبـخ وتبدإ حياة كلها طبخ في طبخ هههههههههههههههههههههههههههه .. صدقني مو احتمال كبير - الا إكيد ما دامك في السعودية نورت - ياعمي |
^ ^ اساعد امي وتصير لي فايدة بـ الدنيا ع الاقل :) كبر وساتدك والله يعينك على نفسك |
إقتباس:
وش فيك .. اخذتها ب حساسيه انا قصدي - يعني كثر ما انت بتجلس في البيت راح تسوي هالاشياء :d |
عليك بالابتعاث الداخلي .. يوفر لك وظيفة و تخصص طبي ( مطلوب ) و شهادة معتمدة ع حساب الحكومه .. اما ع التعليم العالي .. او الموارد البشرية و اذا مَ تناسبك تخصصات طبية .. يوفرون لك تخصص نظم معلومات لا تتحطم يوجد تقديمات بالترم الثاني سواء جامعات حكومية او اهلية بَ التوفيق * التخصص ع حسب النسبة |
إقتباس:
يآرب عدلها ترى الحظ مايل .. . . . إشكرك |
| الوقت المعتمد في المنتدى بتوقيت جرينتش +3.
الوقت الان » 10:25 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd