|
اكثر من 70 يوم تحليل وانتقاد وهياط .. (لنتعاهد) من الآن .. تشجيييييع فقط .. بعد السلام .. راح اتكلم بالعامي .. لانه الكلام ماراح يوصل الا بهذه الطريقة .. 70 يوم او حواليها من اول انتكاسه لزعيمنا .. الكل صار يصرح وينتفد .. وهذا ينفع وهذا ما ينفع .. مر علينا كثير لاعبين .. والكل معارض ومؤيد .. ندوي !! .. السعيدي !! .. دروغبا !! .. بعد كذا قصة ايمانا .. ياسر الشهراني .. والأهم دول .. واكثرهم ملخبطين بينه وبين دوم .. اختصار الكلام الكل صار مورينهو في هذا الصيف .. انتقادات وهياط وتحطيم واستهزاء .. واحد يقولي الظهير اليمين مكشوف .. والثاني يقول المرشدي يخوف .. وكل الجمهور يقول ياسر طايح مستواهـ ولما سمعونا اداراتنا .. قلنا لييييه راح .. ولاحد ينكر ان ذهاب ياسر كان بسببكم جمهور الزعيم .. المفيد : ان الهلال اتجدد بالكامل .. الواحد ما ينكر انه فقد 60% من قوة الزعيم .. وهيبته .. يونغ + رادوي + ويلهامسون + ياسر + نيفيز + عزيز !! وقبلهم عمر الغامدي ومحمد الدعيع .. الواحد يعرف انه كثير جداً .. ولو صارت لآي فريق كان هبط .. وما ابالغ .. لكن كلنا نعرف ان جانا لاعبين ممتازين .. عادل هرماش المايسترو .. الوحش ايمانا .. واللاعب اللي اراهن عليه كثير يوسف العربي .. وفوقهم الشمشمون .. ورجع لنا ابو صالح محمد نامي على الظهير الايمن .. اللاعب اللي لما كان يلعب بأستمرار وقت كوزمين .. كان يؤدي دورهـ وكان الهلال وقتها من افضل دفاعات آسيا .. لكن 90% من صيف الهلال كلامهم كان عن محمد نامي .. اللاعب اللي ما يحتاج مننا الا اننا نشجعه وانه يلعب اساسي .. وانا وانتم فيه .. ان ما شفتوه بالمنتخب .. آخر الكلام : ماراح يكون الهلال اقوى من هلال كوزمين او غريتيس او كالدي .. الا بتشجيعنا .. خلونا ننسى الأسماء .. ونركز على القمصان .. ونشجع بس بقلوبنا .. وان صادفنا شخص نصراوي او اهلاوي او اتحادي او حتى شبابي .. يتكلم عن احد افراد فريقنا .. نكون رادع له وللسانه .. لأن الكل يحسدكم على فريقكم .. وعلى رئيسكم .. وانا اول واحد اعلنها ... اني والله راح اكون مساند للفريق .. حتى وان كانت بداية الدوري سيئه لنا .. كفريق جديد وغير متجانس .. لكن ما ادري ليه احساسي يقولي هالفريق اللي راح تسهل عليه آسيا .. وايمانا حطها في راسها .. وماراح يعديها ترى .. ادري فيه كثير بيعارضون الكلام .. بس في الأول والأخير هذا الكلام الصح .. هذا اللي يصير في كل فرق العالم الكبيرهـ .. المؤازره خلت لاعبين عاديين لنجوم .. خلت لاعبين يخوفون للاعبين نعقد عليهم آمال .. خاصه للناس اللي تحس انها تنهز بسرعه .. زي المرشدي زي الزوري زي نامي زي العابد ... ارجوكم رجاء خاص ندعمهم .. وانا وانتوا ونهايه الموسم راح نحكم ونرجع نهاااايط :s2: .. وسلامتكم .. |
الحين جا وقت الوقوف مع الفريق .. الله يعطيك ربي العافيه على ها الموضوع . |
صح لسانك وأخيرا جا احد تكلم بالحق يعطيك العافية |
من جد ,اغلب الموآضيع اللي هنآ تشآئم ! طفشت كل مأ ادخل متشآئمين كلهم, :cry: إلآ هذآ مشالله عليكك َ ,,وآصصل وحنآ معك متفآئلين:rose: |
كلام سليم ... خلاصنا الحين والفريق جاهز وبقا دور جمهور القرن ومارح يقصر مع الفريق الله يوفق الزعيم يارب يوم السبت ... مشكور اخوي علي الكلام ..من جد شوقتني نشوف زعيم اسيا بحلته الجديده |
احنا مع ابن مساعد وهلالنا بالمره قبل الحلوة |
الله الله هذي المواضيع الي تبرد التسبد يعطيك الف عافية |
بـآ التؤفيق للـزعـيم وربئ انئ معـآه باالحلوه والمره... |
صح لـــــسانك والله الجمهور مايملي عينهم شئ الله يوفق الزعيم |
الله عليك وبيض الله وجهك على هالموضوع الي يفتح النفس موضوع رووووووووووووووووووووووووووعه اخوي تسلم يمناك ذي روح الزعيم الي احنا نعرفها تخيلوا لو ان الهلال صار مثل الجار مثال والله لايقوله ان شاء الله خسر بطوله او بطولتين ماظنيت راح يبقى له جمهور بالمرررره وشلكم من نادي مايطلع الموسم الا ببطولتين وفوق ذا محقق اسيا ست مرات وكل الفرق تهاب منه وابو فيصل والاداره واللعيبه يتعبون واحنا بس ننتقد << الحمد الله اني مو منهم واذا انتقدت انتقد بشي بصالح الفريق مو احطم واسب واشتم وليه وماليه يازعماء خلوها حمله موحده يازعمااااء معك على الحلوه والمره |
هذا الكلام الطيب والمواضيع الطيبة يوم السبت موعدنا لمباراة هجر يازعماء الحضور بقوة بقوة .. الاعبين الاجانب ماخذين فكرة سيئة عن جمهور الهلال بسبب جمهور الهلال بالرياض والصورة اللي رسموها بالحضور المخيب عدلوا الفكرة والصورة عن جمهور الهلال بالحضور والتفاعل القوي المدوي ومجلس الجمهور الهلالي بالشرقية .. ياليت يكون في الموعد ويجهز لوحة كبيرة للزعيم ومدعومة باللقب الملكي للزعيم |
ياااارب يحقق لنا مانريد الموسم هذا يااااارب |
خاصه للناس اللي تحس انها تنهز بسرعه .. زي المرشدي زي الزوري زي نامي زي العابد كلام سليم 100% هذا الي ينقصنا مو جمهور المكسرات الي جالسين زينه لو يتابعها بالبيت ازين شاكر لك |
ايه والله صدقت للأسف البعض من الجمهور الهلالي عليه أهياط أيشيب الرأس معليه انقدو وقولوا هذا صح وهذا غلط بس بدون تجريح وبدون الحكم المسرع على الكل سوء المدرب أوا اللاعبين أو غيرهم وأنا متفائله بكل البطولات لأن هذا النادي الملكي لاهنت |
اهنيك اخوي على الاسلوب الحلو وكلامك كله صح مدري ليه حسستني ودي اروح مع هالصباح للملعب اشجع هع حمستني وكلامك كان بمحله وصحيح |
| الوقت المعتمد في المنتدى بتوقيت جرينتش +3.
الوقت الان » 02:17 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd