|
ماذا لو انضبط خالد عزيز في تدريبات نادي الشباب وعاد الى وضعه الطبيعي؟؟و ماذا لو كانت هناك حاله مماثله في المستقبل لحالة عزيز؟(تم اضافة صوره).!! بسم الله الرحمن الرحيم http://www12.0zz0.com/2011/09/08/01/641144841.png -رغم قناعتي بالمثل المصري اللي يقول(ديل الكلب عمره مايتعدل)...! الا أنني تخيلت لوهله فقط......! ماذا لو انضبط خالد عزيز في تدريبات نادي الشباب وعاد الى وضعه الطبيعي؟؟ فيا ترى هل سنتحسر على غيابه ؟؟أم سنكابر ونقول اللي جابه يجيب غيره؟؟ أثق جيدا" في حنكة ودهاء وبعد نظر الادارة الهلاليه وأعلم أنها لم تتخذ هذه الخطوه..الا بعد أن نفد صبرها. ومنح عزيز عدّة فرص آخرها من قبل الامير عبدالله بن مساعد.. ولكن لاحياة لمن تنادي ياعزيز..! الانضباط ثم الانضباط ثم الانضباط ولاشئ يعلو على الكيان..,قاعده يسير عليها الزعيم. لكننا نغفل مستوى وتباين تفكيرو(عقلية) اللاعبين.. تذكرون تعليقات محمد الدعيع وياسر القحطاني في قناة لاين سبورت على خالد عزيز..,, الكل يرى بأنها لاتعدوا كونها مزحه.. وأنا أراها كذلك.. لكنها مزحه برزحه..! لايدرك قصدهم الاّ من يقرأ مابين السطور.. عزيز غادر. ولن يغير موضوعي هذا أي شئ.. لكن ماذا لو كانت هناك حاله مماثله في المستقبل مثل حالة عزيز؟؟؟ ونجم كبير وفي خانة مهمه؟؟ وبدأ بالتغيب والاهمال..! هل سيكون مصيره مصير عزيز؟؟ ونفقد لاعبا آخر؟؟ سيدي عبدالرحمن بن مساعد الاسطوره سامي الجابر أدرك أنكما تعملان ليلا" ونهارا" وضحيتم بالغالي والنفيس من أجل الكيان ومن أجلنا. لكن أرجوكما لاتقيمان (بعض) عقليات لاعبيننا بالعقليه الاوروبيه المحترفه..! فأنتما خير من يدرك أن اللاعب السعودي لايمكن وصفه باللاعب( المحترف)الا ماندر..! ولكي يكون الكلام واقعيا..! انظروا الى عدد محترفينا في الخارج. حينها ستدركون انه لماذا( يعافنا) الاوروبين في مجال الاحتراف..! خالد عزيز انسان غدر وخان وبزوط وتغيب..الخ لكنني أدرك أن عقليته لاتصل الى مستوى الاحتراف في كل شئ..! انظروا فقط الى تصريحاته التلفزيونيه..! ستشاهدون مايتمتع به من عقليه (أرى بانها بسييييطه جدا) وأنتم خير من يدرك ذلك من خلال قربكم من اللاعب.. نعود لمحور الحديث: ونتسائل:- 1-ماذا لو انضبط خالد عزيز في نادي الشباب؟ 2-ماذا لو تكرر هذا المشهد لكن من لاعب آخر مستقبلا"؟؟ في الهلال؟هل سيعامل كعزيز؟ **الجميع يدرك أن الاجابه فيما لو حدثت (بالايجاب) فهي محرجه جدا" للاداره الهلاليه** هل سيكون مصيرهم مثل لاعبي الاهلي ويبدعون في قمصان أنديتهم الجديده..! ويستأسدون في اثبات الوجود عندما يلعب ضد ناديه الاصلي؟؟ وتبدأ جماهير واعلاميي (اللاعبين) بالضرب على الاوتار الحساسه..! واخراج الاداره الهلاليه بأنها هي من تسببت في تطفيش النجوم..! ثم ينساق خلفها الكثير من الجماهير المتعاطفه..........! وبالاخير:- نخسر الاداره الهلاليه المثاليه...., أتمنى ان لاتحدث الامور بالايجاب..! لاننا الخاسر الاكبر..خاصة مع الجماهير المتعاطفه. فستشاهدون مستقبلا" فيما لو لاقدر الله وخسر الهلال أي بطوله او مباراة حساسه..! سيخرج المتعاطفون والمندسون ويجدون في ذلك وجبة دسمه ضد الاداره بأنها هي من ساهمت بالتفريط بعزيز وياسر القحطاني..! انا كهلالي أحترم وأقدر قرار الادارة الهلاليه.. ولا ولن أخالفها يوما" من الايام لانهم هم الادرى ببواطن الامور.. لكنني أريدها أن تضع سياسه قادمه في حالة:- أنها تكررت سالفة عزيز مع لاعب آخر,,, وتقييم عقلية أمثال عزيز قبل التفريط بهم مستقبلا" والله من وراء القصد.. آسف للاطاله وتقبلو تحياتي اخوكم سلطان,, |
الي يجي للهلال يعرف انه افضل ناد اسيوي وماصار كذا الا باانظباطيته هذي والي في الهلال لازم ياقلم نفسه على كذا لو بنمشي على حضرة جناب مزاج الاعب السعودي عز الله ماكدينا خير ولو انظبط خالد هناك فراح يكون اكبر لاعب خان الهلال هو |
والله عزيز واشكاله هم الخسرانين ... شوف الدوخي الحين يطالب النصر بمستحقاته بعد مطردوه ولا بعد يبي يجي لنا بالمجان ...الهلال هو الي مستفيد من بيع عقده ... من طلع من داره ينقل مقدره |
عزيز حتى لو ما انضبط معهم ما عليه حسوفة .. لكن يا عزيزي لازم تعرف شي .. البلطان استحالة يعلن عن عدم انبضباطية عزيز ان حصلت .. لان ذلك معناه انه ضيع فلوسه على لاعب مفقود فيه الامل .. بيتكتم على الموضوع .. و الامور بتمشي .. و هو اصلا ما عنده جمهور يخاف منه .. و لاعبينه حلاله خخخخخ هذا اذا ما شفت الصحافة اصلا تكتب معلقات في التعامل الاداري الفذ من الشيخ اللي خلا عزيز ينضبط .. على فكرة البلطان حاليا له ادوات اعلامية في كل وسائل الاعلام .. و قضية عطيف الدليل مع ان الحق مع اللاعب بس سبحان من خلى البلطان صح و عطيف غلط و يحرض اللاعبين و مسوي شللية !!! |
ماذا وماذا..!! اولاً: هذا طبع بخالد عزيز ولن يتركه (الهلال مع ثلاث رؤساء واكثر من ادارة مختلفة, المنتخب, والشباب في الطريق), جميعهم حاولوا يساعدونه والنتيجه اسمراره على نفس طبعه. ثانياً: متى استعبد الناس وقد ولدتهم امهاتهم احرار؟ عزيز خلاص انتهى موضوعه من الهلال وصار من المستحيل انه يلعب في الهلال, بس مو معناه اوقف في طريقه واقطع رزقه صحيح ماله رزق عندي بس اذا له عند غيري الله يستر عليه, وهذا اللى يفرق الهلال عن بقية الاندية. |
اترك جميع توقعاتك على جنب .. وأقول يا خالد عزيز ~,. فرقآآك عـــآآدي تــرآآ و أقــل من عــآآدي ............................ آناا كذآآ من الله إذا عفت آحد عفته ~,. تقبلوآ ودي ../ هـلالي11 |
لاعب مثل عزيز .. ماعليه حسوفة هذا مختصر الكلام |
إذا انضبط عزيز في الموسم كامل وقدم مستوى متميز اعتقد ان الإداره كانت محقة في بيع عقدة لأنه سوف يكون واضح انه كان يتغيب عشان مايبغا يلعب للهلال وصعب تجبر لاعب على اللعب مع فريقك بالغصب. بالتوفيق للزعيم |
الله يوفقه .. مشكور يالغلآآأ |
ما علينا منه اللاعب مع الهلال غير منضبط |
واذا انضبط خير ياطير اللي مايبيني مررره ماابيه الف بالطقاق ياخالد عزيز والله لايشكر فضلك على ماقدمته للهلال اصلن من يوم سافر قبل النهائي وانا شايله من دماغي على فكره صدقوني صدقوني اذا انضبط خالد عزيز مع الشباب ترى فيه شي غااااامض ومستحيل نعرفه لان مستحيل يبزوط مع الهلال وينضبط مع الشباب كذا من دون اي سابق انذار لازم فيه شي ترى وانا حاس واحساسي مايخيب (بكره يذوب الثلج ونشوف المرج) |
يرجآل مآرح ينظبط خآلد عزيز افتكينآ منه |
والله ما ندري وين الخيره فيه .. وقلناها الف عشر طعش مره الهلال مايوقف على شخص أو لاعب او مدرب بالعربي الفصيح ياعزيز ( ابو طبيع ما يجوز عن طبعه ) مستحيل ينظبط عزيز سواء بالهلال او الشباب او غيره نقول الله يهديه ويشفي والده وكل مسلم آآمين |
الله يوفقه مع ناديه الجديد لاهنت |
لاعب مثل عزيز .. ماعليه حسوفة هذا مختصر الكلام |
| الوقت المعتمد في المنتدى بتوقيت جرينتش +3.
الوقت الان » 06:07 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd