السلاام عليكم , وكل عام وانتم بخير ..
بخل دوغري , مالي خلق مقدمات !
-
أول أيآم العيد , كنآ متكشخين وكذآ ورآيحين لخوآلي نعآيدهم تقريبآ من الصبح إلين العصر - طبعآ كل اللي يصير بعنيزه - آلوكآد
كنآ متفقين اننآ لآ خلصنآ من خوالي نطلع من عندهم ونروح للشآليه وكنا حنا يالبنات متفقين ااننآ نسوي لهم
حفله والعشا شوي ! الوكاد كان فيه اغراض نآقصه ماكملنآهآ من اغراض الشوي , وبنت خالتي تبي بعد اغراض
استأذنت من اهلي وقلت ترا بروح مع اخوي للعثيم وباخذ معي بنت خالتي قآلوآ اوكي أنطلقوآ !
صآدف ذيك الليله إن جوآلي يبي له شحن ف خليته يشحن وتركته , وبنت خالتي حقها بي بي والخدمه ماتشتغل <<--- زعلانين عليهآ اس تي سي !
-
طلعنآ وتقضينآ الاغراض - وعشآن احطكم بالصوره صح - أخوي أول مره يسوق برآ الريآض , مايعرف للديره ابدآ
بس كانت بنت خالتي توصف له , الوكاد طلعنا وكان بالطريق فيه شارع رئيسي يودي لبرا الديره وفيه جنبه شارع فرعي اللي هو الخدمه !
هو اخوي جالس يقول : هاه اخذ الخدمه ولا سيدا ؟ انا كنت متأكده وابصم بالعشره ان الطريق - السيدا - هذا
هو يودي لبريده .. قلت لخوي لا خذ الخدمه , نطت بنت خالتي قالت لا خذ سيدآ , قال : اهل مكه ادرى بشعابها
والله اني جالسه احاول فيه اقوله لا تتوهق والله الطريق يودي لبريده , قالي : خليتس على جنب انتي !
شوي كذا مسكنا طريق السريع وشوي تجي لوحه مكتوب - بريده - وانا التفت له واقوله ماقلت لك ماقلت لك
هاه يالله كيف ترجع لعنيزه الحين , قال : لا يكثر ودوري لوحه مكتوب فيها مخرج ..
المهم كل شوي نمسك مخرج ومخرج ومخرجاااات بعد هههههههههه !
وانا عيوني مبققه على اللوحات ابي اي شي فيه اسم - عنيزه - وشوي كذا القى مكتوب - حايل - المدينه المنوره - ..وانا اللي تخنقني العبره , واجلس اسمي وادعي الله , لا ومن زود ما اني خايفه ومرتبكه
كنت اقول دعاء يوم خلصت قلت ( صدق الله العظيم , الله اكبر ) هههههههههههههههه !
والله اني من الخوف مدري شقول , المهم طوّلنآ وحنآ نمشي ولقينآ مخرج انا بغيت اشهق قلت بس جانا الفرج
شوي ولا مكتوب - الرياض - خلآآآص هنآ انفلتت اعصآبي , قلت : وقف على جنب واتصل على خوالي ولا عيآل خالاتي
قالي ليش كذا خايفه انتي خلاص بنوصل ليش نخرشهم - يابردك ي شيخ - وذيك بنت خالتي تضحك معه !
المهم ماسمع كلآمي قالي شوفي ذاك مخرج - وليتنا ماالفينا - كان الطريق ظلما وحولنا اشجار كثيره
وانا خلاص لااحد يكلمني جالسه اتخيل كيف بننخطف , مره اقول بننخطف من مصريين مره اقول سوريين ومره اقول هنود قلت لالا
الهنود موضه قديمه , ومره اقول بنقاليين ومره اقول اكيد يمنيين ! شوي كذا وحنا نمشي كان فيه سيارة جيب ربع وحولها اربع شباب او خمس
واقفه على جنب , اخوي يقول بوقف السياره وبنزل اسألهم , قلت : والله ماتنزل وامسك طرف ثوبه عشان مايروح !
افرض انهم طلعوآ قطاع طرق ولآ شي ثاني وبنفس اللحظه كنت ادق على اهلي من جوال اخوي ومحد يرد ,
قال : ان طلعوا كذا وسسووآ لي شي انا بخلي السياره مفتوحه ان صار شي ادعسي ع البنزين وتحركي ! - هو قال هالكلام ولا ماقاله - وانا اللي اسحب شماغه وشوي عقاله وشوي من ثوبه .. قلت : والله ان نزلت لا انزل معك مابعد بعتك ي اخوي !
وفعلا والله كنت خايفه عليه , لأنه طيب وعلى نياته وضعيف البنيه , وهم ماشالله شكلهم شباب كبار , وحنا بنات هزيلات .. لا حول لنا ولا قوه ! بس مجرد كف منهم اغمى علينآ !
الوكاد قلت له : بتتحرك الحين ولا شلون , اشوا هالمره سمع كلامي وطار من عندهم ,
وانا بس التفت اشوفهم ورانا ولا لا <<--- على بالها بوسط امريكآ !
المهم مسكنا الطريق وثلاث دقايق جتنآ لوحه - قسم بالله بغيت انزل واسجد شكر لله - كذآ مكتوب ( وسط عنيزه ) وبدا وجهي يتهلهل , بغيت افصخ النقاب والوح به من الفرحه !
ويا فرحه ماتمت , يوم مسكنا الطريق كان فيه واحد يحد اخوي عآد خوذوآ عيآل ويحدون بعض وش يفكهم !
اقوله اتركه ترآه مب صاحي لا يسوي لك شي , يقول اسكتي خليني أأدبه ذا الطعس !
ياخي اتركه وخلك احسن منه , ترا هالنوع ماينفع معهم الا انك تحقره لا تعانده ..
يقول لا ليش يحك سيارتي ويحد , انا بصراحه طفشت منه سكت وقلت ان صار شي هو بيتحمل اللي بيصير !
واشوا ماصار شي , شخط من عندنا وطس ,
ووصلنا الحمدلله للشاليه , ويوم نزلنآ خميتهم من الفرحه - آآه بس يآزين الاهل و الريآض - , لآ ويوم صار اليوم الثاني , دق ولد خالتي على خالتي عشان توصف له المكان , انا ماانتبهت إلآ على كلمة - شف الاشاره الثانيه من عندها خذ سيدآ - وانا اصرخ لا شعوري ( لا لاياخذ سيدا ) <<--- تعقدت من هالسيدا ! الله لآ يعيده من يوم عيد !
-
ترا إلى هالحين مايدرون اننآ ضعنآ .. والحمدلله على سلامتنآ !
وعليييكم السسسلام والرحمه هلا والله
وانتي بخير يارب وبصحه وسلامه
كل عام وانتي بخير > السموحه والله ع التاخير اوما الحمدالله انه عديتوا ع خير بس
ولا يوووم في الطرق الظلام
والله يوم قلتي لي انس ضعتي
قلت بس مآلهآ حل البنييه راحت للحلم
رآآحت ايطآآليآ الجمميله
و مَ غير احدّث بهالصفحه احتريس و احتري قرووشتس
يَ زيينس بسس
شوفي أنآ مَ أحب القصيم بس أحبس و اهلس و أحب العنود صديقتي و اهلها و أحب حس حس و اهله
و احب ناس و اهلهم
>~~ هقوتي القصيم خلّصت
امسسكي وردتس
كل عآم و انتي حبيبة السيدآ
ضحكتي بلا ضروس ..
هو اصلا من زمان وانا رايحه لإيطآليآ بخيآلي !
والله انتي اللي يآزينتس ويآزين ردودتس !
كل ذولي تحبينهم وش بقيتي بالقصيم , ترآ ان قلتي فلان وفلانه خميتي الجماعه كلهم
كل واحد يربطهم الاخوه بالرضاعه !
بعدين تعالي , وبرايفت لنواره بس : الحين من هو حس حس ؟ تحبين من وراي ..
وكل عام وانتي تمشين وتحبين ..
هالمره لا تردينها طلبتتس !
وعليييكم السسسلام والرحمه هلا والله
وانتي بخير يارب وبصحه وسلامه
كل عام وانتي بخير > السموحه والله ع التاخير اوما الحمدالله انه عديتوا ع خير بس
ولا يوووم في الطرق الظلام
ياهلابك والله ..
وانتي بألف خير ي رب !
من جد ..
خوذيهآ ورجعيهآ !
الحمد لله على السلامة ، و الله من الخوف اللي بك ، و إذا ضعتوا وقفت الدنيا خلاص ؟
بس الصراحة القصيم ضيعة يعني إذا دخلت دخله غلط بتروح فيها .. و الحمد لله على رجوعكم سالمين .
الحمد لله على السلامة ، و الله من الخوف اللي بك ، و إذا ضعتوا وقفت الدنيا خلاص ؟
بس الصراحة القصيم ضيعة يعني إذا دخلت دخله غلط بتروح فيها .. و الحمد لله على رجوعكم سالمين .
ايه اكيد بخاف اجل شوي وندخل على حايل والمدينه , مب بعيده بعد اننا بندخل ع الحدود الشماليه !
ايه والله صادق ..
خذها ورجعها , وإلآ على دربك عطها توتي !