|
مباراة اليوم .. خطوة للآمام .. ! السلام عليكم ورحمة الله وبركاته .. نقاط سريعه .. + مباراة الليله كشفت عن ضعف البديل في الدفاع وخاصة الجهه اليسرى .. وهو امتداد ل نقطة الضعف الموجوده في التغطيه الدفاعيه للمرشدي والزوري .. + ايمانا قدم اداء جيد .. خاصه ان المدرب لعبه 70 دقيقه تقريبا كـ مهاجم متآخر .. وهو ما استنزف الكثير من لياقته في الجو الجميل هذا ! + الكوري لاعب مميز ويحتاج لوجود لاعب بجانبه ولصانعي لعب مميزين .. ومتى مارجع ايمانا لصناعة اللعب مع الدوسري والعابد او الشلهوب والفريدي لاخوف على الهلال هجوميا .. + اللاعبين الشباب آدّو مستوى ممتاز وخاصة لاعبين المحور اللي تناوبو على الخانه وهو مايدعو للتفائل بعيدا عن القلق اللي حاصل مع اصابة هرماش واستبعاد عزيز .. + ب اعتقادي مع بداية الدوري والجولتين الاولى والثانيه سيكون الفريق قادر على الظهور بشكل لائق .. + اكبر سبب ل ضعف البداية اللي قد تحصل لاسمح الله .. هو انضمام اللاعبين الدولين سواء المحليين او الاجانب وهو اكبر عائق يمنع وجود التجانس بهالفتره الحاليه .. + ابو فيصل حبيبنا وقائد الزعماء لاتزعل ولاتتضايق بآذن الله متفائلين ب موسم ممتاز وبحضور رائع .. وترجمة كل مجهوداتك الكبيره .. + حسن الناقور .. مجهودات كبيره ولاهنت يافخرنا .. سواء تمت صفقة الشهراني او لأ فـ آنت قدمت كل شي ويكفينا فخر ماتقدمه لـ الزعيم .. + سامي الجابر .. مازلت آكبر من كل اشاعات او اطروحات صحفيّه مغرضه .. المهم آن تبقى كما آنت ( سامي دائما ) .. + ياسر القحطاني .. رادوي .. لكم من الحب الشي الكبير .. الذي يجعل قلوبنا مازالت تتعلق بكم اينما رحلتو .. سنظل ندعو لكم ونمتع آعيننا بـ حضوركم .. حبّا فيكم .. + وآخيراَ .. من يسكن كيآن العظمة .. وينتمي لـ حصون الزعامه .. سـ يكون دائما وآبداً مؤازراً ومشجعاً ومخلصا لذلك الشعار الآزرق مهما كانت الظروف .. ونحن جميعا ( لـ الزعامة منتمون .. وستكون البداية منّا .. والوعد تلك المدرجات الصاخبه .. فقط ماعليكم إلاً ان تنتظرو .. لـ تستمتعو .. .. .. s13s |
نقآط اكثر من رآئعة .. كل الشكر لك والله يوفق زعيمنآ :ga: |
كل الشكر لك حبيبي .. التفائل طيب |
كلام سليم وبالتوفيق لزعيمنا |
نقاطك مرررره سريعه وانتبه من سااهر :s2::s4s: صرحه كلامي منطقي والمشكله اللي عندنا في الجبهه اليسرى للزعيم سوى من الزوري او المرشدي اتنمى اعطى الفرصه للشباب الصغار للمشاركه لكسب الثقه والخبره لان امامنا تصفيات دوليه للمنتخب وراح تخسر مدافعين من غير الاصابات والله يعينك الاداره والمدرب واللاعبين على المسؤليه اللي عليهم |
قد تكون خطوة ----------------------------- -------------------- |
تنبيه (هـــــــــــــــــــــــــــام) بسم الله الرحمن الرحيم عباره دائماً نسمعها من الاعبين وهي ادينا اللي علينا والباقي على الله لكن هل هالكلمه جائزه؟؟ فتوى الشيخ محمد بن عثيمين رحمه الله السؤال: ما مدى صحة عبارة بذلت ( قصارى جهدي والباقي على الله ) ؟ الجواب: الحمد لله هذا القول لا يصلح لأنه يعني أن الفاعل اعتمد على نفسه أولاً . لكن القول : ( بذلت جهدي واسأل الله المعونة ) هذا الصواب ، وهذه العبارة : ( بذلت جهدي والباقي على الله ) ربما يريد بها الإنسان هذا المعنى الذي ذكرت أي ما استطعته فعلته وما لا أستطيعه فعلى الله ، ولكن أصل العبارة غلط ، بل يقول : ( بذلت جهدي واسأل الله المعونة ) وهذا والله أعلم وصلي اللهم على محمد وعلى آله وصحبه أجمعين |
كلامك منطقي وراائع وتسلم على موضوعك المفيد وياليت كلن يشوف هالموضوع ويتسفيدون ويعرفون ينتقدون صح |
كلام جميل وواقعي وحيادي..... تشكر عليه |
عقلية هلاليه ارفع لها القبعه احتراما لها ودي:rose: |
إقتباس:
|
تسلملي اناااااااااااااااملك يابطل هذي المواضيع الي تفتح النفس واصل.. |
وعليـــــــــــــــكم السلام ايووووووووووه نبغى المواضيع اللي تفتح النفس مع بداية الموسم مهو التشاؤؤؤؤؤؤؤؤم الفريق اليوم كان افضل من مبارتة مع الشباب وخصوصا ان ناااااااقص اكثر من 10 لاعبييين |
إقتباس:
نقاطك مررررة سريعة وانتبه من ساهر .. صراحة كلام منطقي والمشكلة اللي عندنا في الجبهة اليسرى للزعيم سواءًا من الزوري أو المرشدي أتمنى إعطاء الفرصة للشباب الصغار للمشاركة لكسب الثقة والخبرة لأن أمامنا تصفيات دولية للمنتخب وراح نخسر مدافعين من غير الإصابات والله يعين الإدارة والمدرب واللاعبين على المسؤولية اللي عليهم. |
مع انها مباره وديه الا انها كشفت حال اولمبي الهلال صراحه حال يرثى لها |
| الوقت المعتمد في المنتدى بتوقيت جرينتش +3.
الوقت الان » 10:54 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd