من يحمى الهلال من مكابرة الهزاع ؟؟؟؟؟ - نادي الهلال السعودي - شبكة الزعيم

فخر إنى هلالى · #1 05/09/2011, 06:23 AM

معلومه مهمه:
الهزاع مشجع نصراوى متعصب ومن النوع الى يحقد على الهلال لو على مصلحة نفسه. ولو الهلال يتفاوض مع لاعب نصراوى مع فيصل بن تركى كان أهون ويمديه وافق ( يعنى على الأقل بيستانس إن الهلال خذا منه لاعب )

1-الهزاع عندما نظم إعتزال وجدى مبارك السنة الماضيه إختار نادى النصر لهذا المهرجان ( فى نظره ان النصر هو الأفضل )
2-الهزاع سهل مهمة إنتقال السهلاوى إلى النصر بدون شروط معقدة و بسريه تامه وأقساط ميسرة .
3-الهزاع علم بحاجة النصر لضهير ترك خالد الغامدى بدخل مرحلة الستة اشهر دون التوقيع معه لتسهيل عملية الكوبرى للنصر وعندما قررت لجنة الإحتراف إيقاف الكبارى بقرار السنتين أنقذ الموقف بعقد صفقه بالموافقه على إنتقاله إلى النصر بمليون وتص ريال فقط وعذره أن اللاعب يريد النصر .
4-يكشف تفاصيل عرض الهلال للأنديه الأخرى فى محاولة منه للمزايدة وتعطيل الصفقه , فكلما رفع الهلال عرضه قال النصر دفع أكثر ( للمعلوميه فهو لا يستطيع أن يقول عن أى نادى آخر برفع السعر خوفا من أن تنفى هذا الكلام وينفضح أمرة ولكن مع النصر هناك توافق فى الآراء .

ما سمعت مؤخرا من الهزاع أنهم سيعوضون الاعب بملغ لكى يبقى قدساوي. بمعنى آخر كأنه يقول لو نشحذ فلوس للشهرانى بس ما يروح للهلال .هل يعجبكم ما يحدث لنا وما هو الحل بنظركم ؟؟؟

mes0 · #2 05/09/2011, 08:03 AM

ياخي وش فيك قطعت الرجال لا تدخل في النيات والمكتوب بيصير !!

الله يهديك بس

هلالية العشق · #3 05/09/2011, 08:13 AM

مالنا شغل وش يشجع تظل حريه بس لا يقعد السنة الجاية يحط باصات من الشرقيه للرياض عشان يدعمنا في مبارياتنا طلع قيمه كل باص وداه للرياض من عيونا ماتسوى علينا

hammudi..1 · #4 05/09/2011, 08:17 AM

انا ماهمني كل هالكلام

انا اللي قاهرني اننا ياما وقفنا وعطيناه لاعبين بالاعاره
وآخرتها كذا

..

اذا اكرمت الكريم ملكته ......

أحمد بن محمد.. · #5 05/09/2011, 08:20 AM

الهزاع معروفة ميولة النصرواية الواضحة للجميع

فهو يتبادل المصلح بينه وبين ادارة النصر ولك الكثير من الامثال الخيبري و السهلاوي فلاته

وعندما طلب من الهلال في الموسم الماضي الصويلح وقع معه بدون مقابل للهلال ياليت ادارة الهلال تتغير ذلك المناهج وان تتعمل

مع الأندية مثل مايتعملون معنا

وان شاء الله ياسر الشهراني سوف يرتدي فانيلة الزعيم بدون زايدة للمبلغ

99 سامي 99 · #6 05/09/2011, 08:21 AM

كل الأنديه تعاملها مع الهلال كذا والسبب لأنه نادي عظيم
انت لاحظ إذا ريال مدريد يبي يجيب لاعب كيف يرتفع سعره وإذا غيره يكون سعر اللاعب معقول
هذه ضريبة إنك تكون نادي كبير هذا غير تخريب الفقراويه

Řєєм ẢLΉĬĻαĻ · #7 05/09/2011, 08:37 AM

أنـا ما ادري ليش كل هالمماطلة و رفعة الضغط الي مسبـبـينها اداراة القادسية

يعني يحرجون على لاعبهم ولا يحرجون عليه الا غصب تجيه عروض اقوى و اكثر

كم لاعب هلالي لعب لهم و ما صارت كل هالحوسة و منهم الصويلح
ما اقول الا الله يعين الاداره

آخيـراً .. يا ليت ما نحط شيء بذمتنا ..
صدق السالفه مصخت

!!
بس ان شاء الله انها خيره

..

الزعيم&القنرز · #8 05/09/2011, 09:23 AM

أموووووووووت وأعرف وش يحس فييييييه هالهزاع وش بيوصل له بالنهايه
بس أنا أظن انه عارف ان الهلال هو النادي اللي يملك أكبر ميزانيه بالسعودية واذا جو يشترون من عنده
قال ماعليه عندهم فلوس ويبون يشترون مهما رفعنا السعر

لكن انا اقول خلنا نقطع العلآقه معهم ولا نعير اي لاعب لهم واي لاعب من عندهم رفعوا سعره مانشتريه
بس المشكله لو قدم نادي ثاني اقل من فلوسنا بيوافق لكن اذا ماعرنا ولا بعنا لهم لعيبه

بيصير مرد ..... لأهله

والا نعامله بالمثل يبي لاعب من عندنا نرفع السعر الى ان يغير رأيه

da_7_om · #9 05/09/2011, 09:33 AM

فيه لاعبين في اندية الدرجة الاولى والثانية من هم افضل من ياسر الشهراني وبمبلغ اقل
لازم يكون عندنا ناس يكتشفون المواهب

برنس14الخرج · #10 05/09/2011, 09:41 AM

وازيدك من الشعر بيت عبدالكريم الخيبري لعب مع النصر 6 اشهر مجانا وعبدالعزيز فلاته انتقل للنصر مجانا وخالد الغامدي انتقل للنصر بمليونين وانا متاكد لوالهلال طلبه ما راح ينتقل باقل من خمسه مليون

خـــاطري · #11 05/09/2011, 10:48 AM

الهزاع ذا اعووذ بالله ... اذا جت مباراه اسيويه قط وجهه مسوي وطني

واذا طلبنا لاعب منهم قد يتمنن علينا ... خل الشهراني الين يقتنع بعرض ناديك المفضل ... (والله مافيه أمل يقتنع )