البنيـــة التحتيــة الــهــلالــيــة , اكــادمــيــة الــهــلال , مســتــقـبـل الــهــلال .. - نادي الهلال السعودي - شبكة الزعيم

S a S · #1 05/09/2011, 03:10 AM

بسم الله الرحمن الرحيم

آعذروني هذي اول موضوع لي بالمنتدى ..

اولآ : احب اطرح بعض الافكار تدور في راسي ومن الممكن تدور في رؤوس الكثير منا

كلنا نعرف ان الكثير يتمنى ان يلعب في هذا النادي العظيم وانه يوجد مواهب مهمله يتمنون اللعب في هذا الكيان

دائما اسال نفسي متى ستظهر لنا موهبه في دفاع الهلال متمكنه ؟

دائما اسال نفسي متى ستظهر لنا موهبه في الاظهره ؟

دائما اسال نفسي متى ستظهر لنا موهبه في الهجوم ؟

دائما اسال نفسي متى ستظهر لنا موهبه في المحور الصلب ؟

انا متطمئن نوعا ما حول الحراسه والوسط فهناك من يجيدها

دائما اسال نفسي كيف سيكون الهلال بعد 7 سنوات ؟

من الضروري ان يكون هناك اهتمام اكبر من الاهتمام بالفريق الاول في مستقبل الهلال

ياما حصلت فلان يبي الهلال ولا قدر يسجل بالنادي وراح النادي الفلاني ويرجع الهلال ياخذه منه بمبلغ وقدره

ليه نعتمد على ( صياد مواهب الحواري ) ؟

ليه ما نعتمد على انفسنا ونجيب خبراء في تصنيف المواهب ونفتح ابواب النادي للمواهب ؟

ليه ما نفتح اكاديميات في المناطق الرئيسيه في المملكه في الشمال والجنوب والشرق والغرب ؟

ليه قبل لا يدخلون الملعب يدرسون اللعبه دراسه ويكون عندهم ثقافه ( التعامل مع المدربين , تطبيق الخطط , قواعد التحكيم , العقوبات الخ..) قبل لا يدخل المستطيل الاخضر ؟

انا عندي علم ان الادارات منفصله وكل له شؤونه بس من الضروري ان يهتمون بهذا الامر

ضروري يكون هناك ميزانيه خاصه للمواهب

خلونا نتكلم عن دخل النادي ضروري يكون هناك وسائل دخل كثيره ودعم

اتذكر يوم موضوع ايمانا كان عضو كاتب موضوع نجمع للنادي وناخذ الاعب

فيه عيب لو الجمهور يدعم ؟ فيه عيب لو يكون هناك حساب خاص للنادي للدعم ؟ ( صرحتآ لا اعرف مدى قانونية هذا الامر )

اتمنى ان يكون هناك متحف للنادي ويكون هناك تذاكر دخول ونقدر نستفيد من الاعبين

مثلا التصوير مع الاعب والتوقيع له اجر ودخول المتحف له اجر

اتمنى ما اكون طولت عليكم مجرد اسئله وبعض الافكار اطرحها عليكم

وانا تكلمت كرؤس اقلام ليس بالتفاصيل

تحياتي سعود

العوبثاني07 · #2 05/09/2011, 04:43 AM

اول موضوع ارد فيه الاول هههه

اولا شكرا sas على الموضوع الاكثر من الرايع

ومبروك تفعيل العضويه >>> بدري

والله يوفقك ويوفق الهلال

وفكرة حساب خاص حلووه وياريت يطبقونها

مشتاق ياأحلى بشر · #3 05/09/2011, 06:35 AM

يعطيك العافيه خيو
وانا بصراحه اتفق معك وبشده
لازم يكون في مواهب قادمه وبقؤؤؤؤؤه من داخل البيت الهلالي تفيد الهلال
ولازم يكون في دعم من اعضاء الشرف والجماهير.

كلنا هلال ... · #4 05/09/2011, 07:45 AM

اشكرك اخوي على هالموضوع الرائع ,,,,,,

ان شاء الله راح يكون هناك اهتمام كبير في الفئات السنيه في الفترات القادمه ولا نستعجل بشي والايام جاية

وبنشوف اللي يفرح كل هلالي ان شاء الله ,,,, وبالنسبة للحساب والله فكره حلوه بس ما ندري عن القوانين هي

تسمح بالأشياء هذي ولا لا .....

دع القيادة لهم ,,,,,, واستمتع بالرحلة

Hilali =$, · #5 05/09/2011, 08:06 AM

والله يالغالي انك طرحت اللي في بالي بالضبط بس علقت على رد باحدى المواضيع ,

كتبت فيه معنى كلامك ,

بس قلت افضل نطرح الفكرة بعدين بما ان الموضوع ينقرى من الادارة وعلى راسهم القميل اللي على يمين الشاشة

نكتب هالموضوع بعدين ونقدر نسوي له تجمع ,
لان هالصيفية ماقصرو الادارة دعمو النادي بمبلغ فوق ال90 مليون ريال ,

مبلغ مو هين

لاتنسى عندك نادي كرة قدم , نادي كرة سلة , نادي كرة طائرة , ومدربين , ولاعبين ورواتب شكثرها لازم تتسدد ,

اشوف نبدا بحبه حبه , الاول نشوف لنا طريقة يوصل دعمنا للنادي مباشرة
؛ نحتاج تفاعل من المشرفين

ونقدر نشوف الطرق والحلول لان عندنا ناس بعقليات مختلفة وموظفين بمختلف القطاعات اكيد عندهم خلفية , وحلول واراء

ومن ثم يتم النظر للأكادمية ,

هالامور بوجهة نظري اهم عندي من قدوم او رحيل لاعب < ماعدى ابو كلبشه فديته

لان ابغى ان الله كتب لنا حياه لعام 2020 , نحصل خزينة الهلال فيها فوق ال 70 بطولة رسمية = ) ماتكون فترة وتختفي

عاشق العريجاء · #6 05/09/2011, 08:34 AM

الله يعطيك العافيه على الموضوع الحلو
لكن هذا الموضوع ينقص الكره السعوديه باكملها
وانشاالله نشوفها في المستقبل القريب

99 سامي 99 · #7 05/09/2011, 08:45 AM

بالنسبة للمواهب اعتقد أفضل مواهب صاعدة في الوقت الحالي هي في الهلال من بين كل الأندية
بالحراسة : السديري
بالدفاع : شافي وعبدالله الدوسري ورضوان وسلطان وخيرات
بالوسط : عبدالكريم القحطاني ومبارك البيشي والعابد والفرج والقرني
الهجوم : فيه عبدالله الدوسري وفهد الجهني وسالم الدوسري
ولكن يحتاجون للاهتمام والتحفيز واشعارهم أنهم هم الأساس وليس الاهتمام بالأجانب ومن يأتي من الأندية الأخرى وجعلهم الأساس وأبناء النادي تكملة عدد
ولا يعني كلامي أنني لا أوافقك في البحث عن المواهب وفتح مراكز تدريب تابعة للنادي في مختلف المناطق ولا سيما المناطق المليئة بالمواهب مثل المنطقة الشرقية والمنطقة الغربية وخصوصاً مكة المكرمة
ولكن يجب أولاً إعطاء المواهب الموجودة عندنا الفرصة لكي تشعر وتحفز من سيأتي من أبناء النادي من بعدهم بأن الفرصة متاحة لهم وليس لمن يأتي من الأندية الأخرى فقط .. والله أعلم

هـ بحت ـلالي · #8 05/09/2011, 08:54 AM

يعطيك العافيه خيو
وانا بصراحه اتفق معك وبشده
لازم يكون في مواهب قادمه وبقؤؤؤؤؤه من داخل البيت الهلالي تفيد الهلال
ولازم يكون في دعم من اعضاء الشرف والجماهير.

هلاليه بكل حالاتي · #9 05/09/2011, 11:28 AM

فعلا إذا تبئ تطلع مواأهب في النادي

لازم نعمل من نقطة الصفر

يعني لازم النأدي الولمبي يلقى اهتماام

واقترح لو يسون مباريات وديه بين فرق نادي الهلال سوء الفريق الأول أو الالمبي أو الناشئين.
وفي آخر المباراه يطلعون أفضل مدافع وأفضل وسط وأفضل مهاجم وأفضل حارس
ويقدمون لهم جوئز تحفيزيه
بكذا اللاعب راح يتحمس ويقدم كل اللي عنده

أتمنى توصل الفكره
ومشكور ع الموضوع