[c]


السلام عليكم ورحمة الله وبركاته

يسرني ان اكتب عن احد وابرز من انجبتهم الجزيرة العربية
وهو الشيخ شالح بن حطاب بن دهلان , من مشاهير قبيلة قحطان
وسوف اهتم بالقصيد الذي ذكره رحمة الله عليه
هذه قصيدة باخوه الفديع والذي لايقل عن شالح بالشجاعة والكرم
قال الشيخ شالح في اخوه

[poet font="Simplified Arabic,5,black,normal,normal" bkcolor="transparent" bkimage="backgrounds/5.gif" border="none,4,gray" type=0 line=200% align=center use=ex length=0 char="" num="0,black" filter=""]
لا واخو لي عقب فرقاه باضيع "=" كني بما يجري على العمر داري
اخوي ياستر البني المفاريع "=" ومطلق لسان اللي بهلها تدراي
[/poet]

ومن اشهر ماقاله من قصائده في ولده ذيب وهو يرثيه :

[poet font="Simplified Arabic,5,white,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
ماذكر به حي بكا حي ياذيب "=" واليوم أنا اببكيك لو كنت حيا
وياذيب يبكونك هل الفطر الشيب "=" إن لايعتهم مثل خيل المحيا
وتبكيك قطعان عليها الكواليب "=" وشيال الي يبون الكفيا
وتبكيك وضح علقوها دباديب "=" إن رددت من يمة الخوف عيا
ويبكيك من صكت عليه المغاليب "=" ان صاح باعلى الصوت ياهل الحميا
ننزل بك الحزم المطرف لياهيب "=" إن رددوهن ناقلين العصيا
انا اشهد انك بيننا منقع الطيب "=" والطيب عسر مطلبه ماتهيا

[/poet]

وقصيدة الثانية في ولده

[poet font="Simplified Arabic,5,white,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
ياربعنا ياللي على الفطر الشيب "=" عز الله إنه ضاع منكم وداعه
رحتوا على الطوعات مثل العياسيب "=" وجيتوا وخليتوا لقلبي بضاعه
خليتوا النادر بدار الاجانيب "=" وضاقت بي الآفاق عقب اتساعه
تكدرن لي صافيات المشاريب "=" وبالعون شفت الذل عقب الشجاعة
ياذيب أنا بوصيك لاتاكل الذيب "=" كم ليلة عشاك عقب المجاعة
كم ليلة عشاك حرش العراقيب "=" وكم شيخ قوم كزته لك ذراعه
كفه بعدوانه شنيع المضاريب "=" ويسقي عدوه بالوغى سم ساعه
ويضحك ليا صكت عليه المغاليب "=" ويلكد على جمع العدو باندفاعه
وبيته لجيرانه يشيد على الطيب "=" وللضيف يبني في طويل الرفاعه
جرحي عطيب ولا بقى لي مقاضيب "=" وأفخت حبل الوصل عقب أنقطاعه
كني بعد فقده بحامي اللواهيب "=" وكني غريب الدار مالي جماعه
من عقب ذيب الخيل عرج مهاليب "=" ياهل الرمك معاد فيهن طماعه
قالو تطيب وقلت وش لون اباطيب "=" وطلبت من عند الكريم الشفاعه


[/poet]

كان الشيخ شالح ومعه فيهد ال ذيبه في ضيافة الأمير محمد العبدالله ال رشيد ووجدا عنده كل احترام وتقدير لأنهما من خيار قومهما
في احد الليالي عزم فهيد ان يذهب الى جماعته في نجد حيث انه اشتاق لنجد ولقبيلته وعندما شاهد شالح ان فهيد يشد على راحلته عازم الرحيل
قال شالح هذه القصيدة وأسندها على الأمير محمد ال رشيد ويطلبه ان يسمح له بالسفر لجماعته في نجد وعندما سمع الأمير محمد قصيدته سمح له بالسفر بعد أن اجزل له العطاء

وقصيدة الشيخ شالح

[poet font="Simplified Arabic,5,white,normal,normal" bkcolor="transparent" bkimage="backgrounds/22.gif" border="none,4,gray" type=0 line=200% align=center use=ex length=0 char="" num="0,black" filter=""]
أبطا علي محمد ماكتب لي "=" لا وهني اللي سرا مادرابه
خليت انا خيلي وخليت انا ابلي "=" في شف من كل المراجل هبابه
يافهيد انا باوصيك وان رحت قبلي "=" سلم على خل تلاعج عذابه
الناس في هبل (ن) وهو صار هبلي "=" وأعرف ترا من حب شي حكابه
عهدي بخلي مابعد هل وبلي "=" واليوم نبت الوسم كلن رعابه
[/poet]


ارجو ان تعذروني لأن تاريخ الشيخ شالح يستحق الكثير والكثير

وارجو اني وفقت

[/c]

هلا بمشرفنا الغالى ابو سليمان

إقتباس الشيخ شالح بن حطاب بن دهلان

يستاهل وهو من الفرسان المشاهير لقبيله قحطان ( قحطان نجد )
ولكن اخى العزيز ابو سليمان الا ترا معى بأن التاريخ اشاد بشجاعه ذيب اكثر من والده الشيخ شالح ورواء عنه القصص الكثيره اللتى برهن فيها ذيب شجاعته وفروسيته وهذه لاتقلل من شجاعه الشيخ شالح او حتى اخيه الفديع ولكن لان ذيب بن شالح تصدا لجيش وذبح ؟؟؟؟؟؟؟؟؟ ( علشان مانروح فيها ) اقول ابو سليمان ماودك تكمل انت احسن






مشكور ياابو سليمان وبالفعل فرسان الجزيره يجيب ان يخلدو

هلا وغلا أبو سليماااااان

انتبه لاتسمع من أبو الذهب يبي يعجل عليك ولا عاد نشوفك بالمنتدى ..

يبغاك تزور الفيصلية اللي بالحاير ...يؤيؤيؤيؤيؤ

تحياتي لك ولفرسان الجزيرة الأشاوس ... شالح بن هدلان وشقيقه وابنه ...

وإلى ( أبا الشيوخ , وساجر الرفدي )

هلا فيك مشرفنا الغالي..
مشكوووور ألـــــــ 1000 ـــــف
والله يعطيك العافيه على هالموضووووووع..

هلا وغلا اخوي ومشرفنا الغالي ابو سليمان
ومشكور على ايراد بعض من قصة هذا البطل الذي يعد بطلا من ابطال الصحراء
وقصائده الجزله وقصيدته في ابنه ذيب من اعظم القصائد
ويليت كل مره تذكر لنا قصه من قصص هالابطال

ونعم والله بقبيله قحطان ...

ونعم وسبعين بالشيخ شالح بن هدلان ...

والله يرحمه ويسكنه الجنه ...

اخوي ابو سليمان يعطيك العافيه والله لا يحرمنا منك ...

الصراحه ذكرتنا بأحد فرسان الجزيره ...

إقتباس إقتباس من مشاركة عــــ الهلالي ــارف ونعم والله بقبيله قحطان ... ونعم وسبعين بالشيخ شالح بن هدلان ... والله يرحمه ويسكنه الجنه ... اخوي ابو سليمان يعطيك العافيه والله لا يحرمنا منك ... الصراحه ذكرتنا بأحد فرسان الجزيره ...

تحياتي لك ابو سليمان

يعطيك العافية على الموضوع الرائع
وانا مع ابو الذهب ذيب اشجع من ابوه
اما عن تصديه لجيش ال سعود مافيه شي يخوف والملك عبد العزيز رحمة الله عفى عنه , مع انه قتل ولد عمه والامير محمد السديري ذكرها في كتابه من ابطال الصحراء وهم سبعة ابطال خمسة من قبيلة عنزه واحد قحطاني والاخر والله مدري من اي قبيلة

اما انا ارى ان اشجع اثنين بالجزيرة العربية ( طبعاً بعدي )
فهم شيخ الشيوخ ساجر الرفدي العنزي وذيب ابن شالح القحطاني