|
بالفيديو.. سعودي بعد اكتشافه لخيار فاسد: أنا بني آدم زيكم هدد بالانتحار ما لم يسمح له بأخذ الكرتون معه لإبلاغ الشرطة هدد بالانتحار ما لم يسمح له بأخذ الكرتون معه لإبلاغ الشرطة http://sabq.org/sabq/misc/get?op=GET...512&height=320 سلطان المالكي -الرياض: كشف مقطع فيديو نشر على اليوتيوب مواطناً سعودياً يفضح أحد الأسواق التجارية الكُبرى بمدينة الرياض, حين أخذ كرتون "خيار" فاسد يظهر فيه بقع بيضاء أثناء تسوقه مع أسرته, وهدد بالانتحار ما لم يسمح له بأخذ الكرتون معه لإبلاغ الشرطة. وأظهر المقطع في بدايته المواطن وهو يتسوق قائلاً : "سوبر ماركت بهالكبر والله فيها مرض, والناس تأكلها, للأسف, أنا لقيت قبل شهر كذا وساكت, كل خضاركم معفنة, انتبهوا لا أحد يشتري, معفن, مو عيب إني أصارحكم أنا بني آدم زيكم, انا ما فيني شيء, انا جاي اتقضى لعيالي, شوفوا وش تبيعنا". وبعد أن عرض الكرتون على المتواجدين, أثناء تصوير البعض لهذه اللحظات, قام أحد الموظفين بسحب الكرتون من يده, ليدخل في دوامة من المشاكل مع الموظفين وحراس الأمن المتواجدين هُناك, وسط مطالبة البعض منهم بارجاع الكرتون له, في حين يطالب الموظف بحل المشكلة بهدوء. وهدد المواطن بالانتحار إن لم يأخذ الكرتون معه ليبلغ الشرطة و هذا رابط الفيديو .. 06082011043.mp4 - YouTube . |
والله انه كفوو خلهم يتأدبون |
أقسم بالله كبير , ياخي وين الرقابة أقسم بالله ظلم وياناس الخافي أعظم وقفت على خيار وخضروات حسبي الله ونعم الوكيل. |
#### اعجبني رد احد الاخوهـ بمقطع الفيديو و هو من دولة الامارات >> لو هالشئ حاصل عندنا في ابوظبي اقل شي مخالفة مالية من جهاز أبوظبي للرقابة الغذائية مايعادل 300 الف درهم واغلاق هالقسم لمدة شهر ردع وعقوبة للتساهل بحياة المواطن والمقيم |
ما ننكر ان الرجل معه حق بـ فضح المحل و التهشير فيه .. لكن اعتقد ان ردة فعله كانت مبالغ فيها .. بـ زيادة ! " بـ اذبح نفسي " و مسك احد الموجودين و ما الى ذلك كان تصرف ماله اي داعي ! عموما هي رسالة للمسؤولين .. بـ ان هناك فضائح في محلات السوبر ماركت الموجودة في السعودية ! |
^^ لـو مـاا سـواا ذاا الأسـلـووب ذاا غـطـوا عـلـى الـفـضـيـحـة ولا مـن شـاااف ولاا مـن دري لان الـتـشـهـيـر أقـل عـقـاااب لـمـحـلاااات مـثـل ذي .. بـس الـسـؤاال : هـل رااح نـشـووف عـقـاااب راادع لأمـثـاال هـؤلاء الـتـجـاار ؟؟؟ مـشـكـوور ابـورنـاااا .. والـلـه يـعـطـيـك الـعـاافـيـة .. |
مشكوور الله يعطيك العافيه |
كفوو اللة يكثر من امثالك الى متى التلاعب والاستخفاف في المستهللك يجب على المواطنين ان يحمو بعضهم بعض ولايعتمدون على حماية المستهلك اصبح المواطن السعودي ضحية طمع التجار |
هو معه حق ... بس مو هالشكل قدااام الله وخلقة ومسوي زحمة وهواااااش.. ياكرهي للرجال اذا تهاوش زي كذآآآ وترا هالشي مو عندنا بس .... في كل مكاااااااااان..يعطيك العاافية |
يشهر صح لكن بالاسلوب الهمجي ذا غير صحيح ابدا يعني لو صور الخيار بالمقطع بدون مصارخ ومزاعق وراح اشتكى يكون افضل |
ابعدي والله بيض الله وجهه البطل زين انه فضحهم و مرمطهم جليلين الحيا هذا خيار معفن حده يعني له مده طوووويله مكانه وين الرقابه و ين المسؤول عن هذا القسم طيبين السعوديين |
كارفور غلطانين لكن هو صراحه بالغ في رده الفعل ويهدد بالانتحار عشان خيار ؟! يقدر ياخذه ويوديه جمعيه حمايه المستهلك وما يصير الا خير ان شاء الله ويقول بياكلونها عيالي !! انت لا تعطيها عيالك ولا ياكلونها ! ويقول انه جاي قبل شهر ولاقي زي كذا وساكت ؟ لاقي زي كذا قبل شهر ليش تجي مره ثانيه ؟ الف علامه استفهام على هذا الانسان |
بصراحة كان فيه طريقة افضل من كذا احس دخل نفسه في مشاكل هو عن غناء عنها اوك لو خذا وراح لشرطة بيقلون انت الي سويت فيها كذا بس لو بلغ بدون الحفله الي صرت وانتظر احد الجهات المتخصه وبدا حفلته يكون افضل... انا اهنيئه على جراته ويعطيكم العافيه... |
| الوقت المعتمد في المنتدى بتوقيت جرينتش +3.
الوقت الان » 11:55 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd