اقتراح لدعم النادي ماديأ .. من قبل الجمهور واعضاء الشرف الغائبين عن الدعم
 

بسم الله الرحمن الرحيم

لا يخفانا مرور نادي الزعيم من فترة لاخرى بضائقة مالية تعصف ببعض مخططات الادارة في تطوير النادي او القيام بجميع الواجبات المطلوبة منها

كموضوع التعاقد مع اللاعب ياسر الشهراني او استبدال اللاعب المصاب المغربي عادل هرماش او تدعيم الفريق بإسماء اخرى او دعم الفئات السنية بالنادي

ايضا لاقامة حفل اعتزال النجم الكبير محمد الدعيع او لعمل احتفال بالانجازات كما هو الحال الموسم الماضي حين تحقيق بطولة الدوري بدون اي هزيمة وبطولة ولي العهد ولم يُقم اي احتفال يليق بنادينا العريق وانجازاته الكبيرة

اقتراحي هو

((القيام بفتح حساب موحد بجميع البنوك بإسم نادي الهلال))

الجمهور مو مقصر ابد

صدقوني فيه جماهير ودها تدفع الي وراها واللي قدامها لدعم ناديها

وفيه ناس كثير مقتدره بس ظروفها ما تسمح لها تدعم النادي بحكم البعد او صعوبة ايصال المبلغ او اعتبار المبلغ قليل مقارنة بالذهاب لتسليمه لادارة النادي او اي سبب كان

على سبيل المثال بعض اعضاء الشرف لا يستطيع الا دفع مبلغ10 او 50 او 100 الف ولكن لكي لا يظهر للاعلام ضعف المبلغ مقارنة بغيره من الاعضاء الذين دفعوا اكثر فيمتنع عن الدفع ولكن لو كان هناك حساب خاص بالنادي فسيقوم بإيداع المبلغ بدون علم احد

ولنا في ارباح شركات الاتصالات لدينا اكبر دليل فالغالبية تكون فواتيرهم مابين 100 الى 500 ريال شهريا ونرى وصول دخل هذه الشركات لاكثر من 10 مليارات ريال مجتمعه سنويا

وبحكم جماهيرية الزعيم الكبيرة فمن المؤكد انه سيتم حصول النادي على مبالغ بالملايين كل عام لدعم النادي بالذات وقت الازمات كما هو حاصل حاليا او للمساعدات الخيريه التي يقوم بها النادي مشكورا ومأجورا عليها بإذن الله

خاتمه:
جماهير كثير ما تحضر مباريات لكن صدقوني لو كان هناك ملعب للنادي كان فيه جماهير بتحضر بس عشان تدعم خزينة النادي .. يعني افتحوا مجال للجمهور الازرق للدعم والوقوف بجانب النادي

اتمنى هالاقتراح يوصل لادارة النادي وتقوم بتذليل العقبات لتحقيقه


دمتم بود
عبدالعزيز

نقطه سلبيه احسها
يعني نادي كبير بحجم نادي الهلال مايصير كذا

اخوي تبي تدعم الهلال اتصل على موبايلي وحول نقاطك فلوس للزعيم
مايحتاج فتح حساب

انا ضدك في ها الفكره فتح حساب ومادري وشو والتبرع ...

مثل القطه اللي كل سنه يبون يسوونها النصر ..

-----

ممكن يكون الحل :
1 - بيع تذاكر الموسم كامل في بطوله الدوري 26 مباراه 26 * 20 = 520 ريال
مع تخفيض وقرده 20% لانه اشتراها دفعه بمبلغ = 520 * .08 = 416 ريال

2 - فتح عضويه شرفيه ( بمسمي عضو جمهوري ( جماهير ) ) او اي اسم كان فضي ولا ازرق لمدة سنه بمبلغ 500 ريال او اقل 360 ريال

والافكار اللتي طرحتها وجدتها في مواضيع سابقه ..

واتوقع ان الفكره الاولى و الثانيه مطروحه في ادارة الهلال وعلى وشك التنفيذ .

وتقبل تحياتي

ما اعتقد انها فمره حلوه ’
الأنديه اللي في الدرجه الثانيه ماسوتها
صعبه يسويها بطل الدوري والكاس !

اي والله الي يبي يدعم الهلال يشترك بلمووج الازررق

هذي يمسكوونهاا عليناا جمهوور الفقررر

اللي حاب يدعم الهلال يدفع رسوم العضوية الشرفية كل سنة ..

أشكرك على فكرتك ..

يعطيك العافيه اخوي على فكرتكـ ..

لكن اذا تم ملعب الهلال سيكون وقتها لجماهير

الهلال شأن في دعم النادي يالله يتحقق الحلم

ونشوف ملعب الهلال .

واتمنى اخوي تشووف رابط موضوعي بخصوص

وضع ميزانية ثابتة لنادي الهلال تجعله يعتمد على

إيرادت سنوية وعلى المدى البعيد ايضاً.

تفضل الرابط
http://vb.alhilal.com/t1040420.html

وألف شكر لك على طرحك الجميل .

انا ضدك في هذي النقطه

وربي يكتب الللي فيه الخير

وان شاء الله اعضاء الشرف يدعمون

بالله يااخوان عدم طرح فكرة فتح حساب باسم النادي لتقوم الجماهير بدعم النادي حيث ان هذه الفكره تم طرحها عدة مرات من اكثر من عضو وذكرنا لهم سابقاً حتى سمو رئيس النادي سبق ان ذكر بأن نظام الدولة لا يسمح بمثل هذا الإجراء ومخالف للأنظمه اللي يبغا يدعم النادي وبكل بساطه يشترك في باقة الموج الأزرق واذا وصل عدد المشتركين إلى 400 الف مشترك راح يحصل النادي على 20 مليون ريال علما بأن عدد المشتركين وصل إلى 330 الف مشترك والعدد المتبقي عدد بسيط آمل من الجميع الإشتراك في اقرب فرصة وانا متاكد بان رئيس النادي راح يطلع في اقرب فرصة ويشكر الجماهير على هذا الامر اذا وصل عدد المشتركين إلى 400 ألف
تحياتي للجميع ،،،

لآلآلآ مــآنبئ نخطئ مثل هـآذئ الخطؤه
الله يوفق اعضـآء الشرف وبـآذن الله
رآح يرجعؤؤن مثل اول واحسن

اشتركو واخلو الناس يشتركون بالموج الأزرق بجي الهلال دعم كبيير 20 مليون تكفي وتوفي
الي يبي يدعم الهلال بس يشترك

وراهم مايعملو صحيفه يوميه خاصه للهلال وبعض الاخبار المحليه

والعربيه والعالميه ويكون فيها نقاد على مستوى

وبكذا ندعم النادي يوميا وعلى هالحال مثل اي صحيفه هنا

وحبه حبه الى ماتنتشر الصحيفه بأغلب مناطق ومحافظات المملكه

ومن ثم الخليج في حال النجاح وممكن تتوسع لابعد

هي مجرد فكره اتمنى التنفيذ ممكن يكون الدخل ضعيف في البدايه

ولكن بإذن الله سيزداد بعد مده

انا معك يفتحون حساب مافيها شي لان رئيس النادي يدفع لحاله وربي لو يفتحونه ان يكون جبنا الشهراني

صعبه ياصديقي ..


فيه نفس الفكره الي هي اشتراك بالموج الازرق ..

وتفيد الهلال ..

وحول نقاطك له وبس

نقبل عبوري ..