[ يوميات رمضانية "26" ] المتألقة حروف الغلا : ماعندها مشكلة لو فيمتو بالسمك .. وتطبيق قاعدة سنفروا بحياتكم .. يوميات متألقة من ارض الإمارات - نادي الهلال السعودي - شبكة الزعيم

المنتدى الاستشاري · #1 27/08/2011, 05:57 AM

فكرة : سندريلا الهلال
إعداد : فَيْلَـسُــ زَمَانَهُ ـــوفْ
تصميم : plastic

السلام عليكم ورحمة الله وبركاته ,,
مبارك عليكم الشهر
واعاده الله علينا سنين عديدة واعواما مديدة
وكل عام وانتم بخير ,,

▌ ▌|[ـΞـ يوميات رمضانية 1432 ـΞ]|▐ ▐

في سلسلة تعودنا على اللقاء بكم
حملتنا اشواقنا إليكم ودفعتنا رغباتنا لكم
عادت سلسلة يوميات رمضانية في كل
عام اعتدنا على لقائكم وهانحن نجدد
التواصل بكم مع وقفات مع اعضاء
برزوا واستحقوا الوقوف معنا
هم هنا ليسردوا لنا تفاصيل
يومهم مع الشهر الفضيل

۞ ❤

أهلا وسهلا بكم اعزائنا الكرام
دعونا نرحب وإياكم سوية
بضيفنا لليوم ,, السادس والعشرين
العضوة المتألقة :.
..❤{ حروف الغلا }❤..
لكي تقوم بسرد تفاصيل يومها مع الشهر الفضيل

ماهو رمضان بالنسبه لك ..؟

رمضان بالنسبة لي هو شهر الخيير و شهر الغفران و التسامح و شهر الاسراف ،
مع اني لاحظت هالسنة الاسراف خف شوية

برنامجك اليومي في رمضان ؟

برنامجي في رمضان ، أيام الدوام تختلف عن الاجازات ، وقت الدوام كنت أنام متأخر ،
ع الفجر تقريبا ، لكن بالعشر الاواخر صرت انام بدري ، دوامي من 9 لين 2 ،
اصلي الفجر و ارجع انام لين 7 تقريبا ، اصحى ، اشغل لابي و ادخل الموقع ،
اخذ لفه سريعة ع الاقسام ، بعدها اتجهز للطلعة ،
دايما اروح قبل الموعد بساعة ارتب اوراقي ، بالاجازات اصحى بين الساعة عشر و الساعة 12

ارجع من الدوام ، اقاوم النوم بالفرفرة بالمنتدى لين المغرب

انزل المطبخ دوري أنا و اختي ترتيب السفرة و تغسيل الصحون بس

بعد الفطور اجلس مع اخواني لوقت صلاة التراويح و بعدها ما اشوف اي
كائن حي لليوم الثاني ، لان الغالبية متزوجين ارجع للنت لوقت نومي

ماهي اكلتك ومشروبك المفضل في رمضان ؟

أكييييد الفيمتو و بالنسبة للأكل ، أي شي فيه سمك حتى لو كان فيمتو بالسمك

متى اول مره صمت فيها . واذا عندك مواقف مع الصيام اذكرها ؟

ما اذكر بالضبط متى أول مرة صمت بس أكيد بين الصف الخامس و السادس

اللي اذكره ، كانت جدتي الله يرحمها من تصيير الساعة عشر تقول افطروا و

تعطينا حلويات ، و أمي تعصب منا ، لكن بوجود القوى العظمى لا صوت يعلى

على صوتها

موقف لاينسى حصل لك بـ رمضان..؟

هذا الموقف صار لي من خمس سنين تقريبا ، خلصنا الفطور و قعدت اتجهز

لصلاة التراويح بالمسجد ، أذن و رحنا المسجد انا و بنت الجيران ، صلينا

ركعتين تحية المسجد ، و الامور تماااام للحين ، بدينا نصلي العشا ، لما جا وقت

التراويح ، وقفنا للصلاة ، بعد دقايق ما احس بنفسي إلا ع الارض ، اغمي علي و ليومكم هذا ما عرفت السبب مع اني

فاطرة عدل و ما كنت مريضة ، و حلفت بعدها ما اروح المسجد

كيف نظامكم واجوائكم في رمضان ونظامكم بالفطور والعشاء والسحور.؟

اجواءنا برمضان نحط الفطور و العشا مرة وحدة

عصاير فيمتو و تانج ، الوجبة الاساسية رز و سمك أو لحم أو دجاج بلدي

للشباب سمبوسه جبن و فطاير ، حلويات ، أي شي

يدخل البطن

نفطر تمر و لبن ، نصلي و نرجع نكمل أكل

بعد الفطور نتابع برنامج السمسار و فريج

بعد التراويح نطبق قاعدة سنفروا بحياتكم ، اللي عنده شغل يروح يخلصه و

اللي يرجع ينام و اللي يسولف مع نفسه زي أنا

السحور ما اتسحر ، و الشباب يتسحرون برا

هل ترى اختلاف بـ رمضان في السنين الماضيه عن السنوات الاخيره واذا نعم وش الاشياء الي افتقدتها.؟

أكيييد فيه اختلاف ، من سنتين تقريبا بدأت صحون الجيران تقل شوي شوي
و افتقدت جيرانا الباكستانييين ، كان أكلهم حلو ، و افتقد أخوي واااايد لانه
مسافر من سنتين و كل رمضان ما يكون موجود
و هذا أول رمضان اساهم فيه بالاعمال الخيرية
ش
اركنا انا و صديقاتي بمشروع كسوة العيد ، بالتنسيق مع الجمعية الخيرية
قضينا احلى ثلاث أيام بحياتنا بين السوق و شراء اغراض العيد و بين الاتصال
بالاسر المحتاجة و توزيع الاغراض
و كنا وااايد فرحانيين بدعوة الحريم الكبار و الشياب
و المشروع الثاني
كنت اوزع كوبانات التبرع و جمعت مبلغ محترم
و هذي صورة الكوبانات

رسالة في هذا الشهر المبارك .. لمن تبعثها وماذا تقول فيها ؟

رسالة ابعثها لكل شخص مقصر بحق ربه و اقوله هذي فرصة ترجع لربك و

تكون بداية التغييير

و رساله اعتذار اذا غلطت أو اخطيت بحق احد

أجمل رمضان عشته حتى الآن , متى ولماذا ؟

هذا اجمل رمضان بالنسبة لي

اولا

لاني اول مرة اختم القران اربع مرات بال 15 يوم

ثانيا

لاني ساهمت في بعض الاعمال الخيرية

هل تحب تصلي في المسجد القريب من بيتكم او تحب التغيير
ومن القاريء الذي تحرص على الصلاه خلفه في رمضان؟

بعد سالفة الاغماء احب اصلي في بيتنا استر لي و توبه اروح المسجد

نبي صوره تلتقطها لنا من يومك الرمضاني المجال مفتوح لك..؟

...

...

اليوميات الرمضانية :~

صحيت الساعة عشر و نص ، دخلت المنتدى و اول موضوع ارد عليه كان

يوميات سارة ، و بعدها قعدت افرفر بالنت و افكر بالحلم اللي حلمته ، احس كان

فيه شي مميز و نسيته ، بين الحلم و بين النت و بين مسجات الجمعة ، اذن الظهر ، و سبحان الله

تذكرت الحلم ، حلمي اني كنت اصلي صلاة الميت مع صديقتي و لخبطت شوية

قمت صليت الظهر و قريت سورة الكهف

و بعدين رحت اغسل ملابسي و ارتب غرفتي و سويت حملة تفتيشية على

لوازم المطبخ و اشوف النواقص ، الساعة 2 و نص رحت السوق اشتري

النواقص و رجعت الساعة 3 و نص ،،، قعدت ع النت لين اذان العصر صليت

و رحت اشوف عصافيري اضيع وقت ، و بما ان اليوم الجمعة و اللمة تكون خفيفة نزلت المطبخ الساعة 6

رتبت السفرة بروحي لان اختي مب موجودة و غسلت الدفعة الاولى من الصحون

اذن المغرب فطرت فيمتو و أكلت سمك و رز و بس

صليت و رجعت اكمل تنظيف

تابعت السمسار و بعد صلاة التراويح تابعت استديو الدوري الفرنسي و

بعدها استوديو مباراة البرشا

و الحين اتابع المباراة و اكتب اليوميات

بعد المباراة بقعد ع النت لين يجيني النوم

و هذا كل اللي صار اليوم

اتمنى لكم قضاء يوم سعيد و صبااااح مشرق بكل الحب

و بما العيد قرب كل عام و انتم بخييير

و لا تنسوني من عيديتكم

و اشكر فيلسوف و فريق العمل على الاستضافة

كل شكر موصول

للعضوة المتألقة --|" حروف الغلا "|--

وإنتظرونا غدا مع الكاتبة المميزة :-
۞~~| محبة الرحمن |~~ ۞