السلام عليكم ورحمة الله وبركاته

جعلكم الله من المقبولين في هذا الشهر المبارك وكل عام وانتم بخير
اخواني مادعاني لكتابة هذا الموضوع هو كثرة الاحاديث عن النادي الملكي
كما تعودنا من الجيران في كل سنه لهم موال ولهم نغمه ولهم اختراع جديد
قبل 4سنوات لو تسئل اي نصراوي تقوله كم عدد بطولات النصر قالك 20
لكن بعد ا اقترب الهلال من الرقم 50 ووقتها الهلال توه يحقق البطوله رقم 48 مع الامير عبدالرحمن مساعد هذا الشيء لم يكون وقعه عادياً عليهم كانو يعلمون انه بحال وصول الهلال للرقم 50 سيكون وقع جماهيرهم عليهم قوياً جداا
فجئه !! طلع لنا ملف اصفر عجيب يحوي بطولا للنصر مقدارها 36 بطوله
يارباه من وين جت 15 بطوله فجئه كذا
قامو يظمون بطولات هم نفسهم كنصراوين يعرفون انها غير رسميه ولا فيه اي نادي اضافها لسجله البطولي رغم توفر هذة البطولات حتى عند نادي الوحده ولو اضافها الهلال لاصبحت بطولاته 80 ولكن هم ارادوا تسكيت جماهيرهم باي موضوع ولو مؤقتاً واشغالهم عن فشل ناديهم وفق خطه جهنميه محكمه
وفعلا نجحت الخطه ولو تسئل اي نصراوي الحين كم بطولاتكم قال 36 تقول كيف ووشلون مايدري بس خلاص هو مصدق ومقتنع رغم وجود مقطع فديو لرمزهم عام 1402 يعد فيها بطولات النصر ويفتخر انه وصل للرقم 8 من البطولات ومن 1402 الى 1428 لم يحقق النصر الا 13 بطوله ومع كذا مازالو مصدقين الكذبه ومقتنعين

وكل فتره يطلع النصراوين سواء اعلام او اداره بموضوع جديد الهدف الرئيسي منه هو اغاضه الهلال واشغال الهلاليين عن فريقهم بالمهاترات والهدف الاخر تسكيت جماهيرهم المغلوب على امرها واشغالها عن فريقها لكي لاتنصدم بالواقع

ودائما ماتنجح مخططاتهم لان جمهورهم اهم شي عنده هو اغاضه الهلال وبالعربي (( حنا قويين زي الهلال ))
هالموسم لهم سالفه جديده اتفقوا بالخفاء ان يديروها قبل فتره ولكن الخطه انكشفت بدري وقررو ياجلونها لموسم اخر
وهي عندما ارسل الحكم السابق ابراهيم النفيسه للمعلق غازي صدقه في مباراة النصر والاتفاق وكان وقتها يطلب من غازي ان يقول ان نادي النصر هو النادي الملكي
وغازي لم يعر هذه الرساله اهتمام وارسلها لغازي اكثر من مره وغازي لم يهتم
وغضب هو على غازي ويبدو انه كان بينهم اتفاق سابق وغازي صدقه لم ينفذه لان غازي يعرف الحقيقه وسبق ان وصف الهلال في احدى المباريات بانه النادي الملكي والمسمى وفق مرسوم ملكي
اشتكى غازي صدقه من ايذاء هذا الحكم السابق له حيث انه من الموضفين بالاتحاد السعودي <

والان ارادو اعادة هذا الموضوع للواجهم بعد ان وضعو التاج فوق شعارهم تمهيدا لتسمية ناديهم بالنادي الملكي لكي يكون هالموضوع الي يشغل بال جماهيرهم بالمنتديات و ((البالتوك)) وينشغلون شوي عن الفريق ويشغلون الهلاليين معهم



الي ابي اوصله
انهم يتفقون ويجتموعون ويتشاورون سواء اعلاميه او اعضاء شرف او موضفين بالاتحاد السعودي((ينتمون للنصر)) لكي يجعلوا لكل موسم قضيه وكذبه جديده يكذبونها ويصدقها جمهورهم وتكون مسكن مؤقت لهم ولقب جديد يحصلون عليه بدون جهد في الميدان وايضا اغضاب واثارة الهلاليين وقد تكون قصة النادي الملكي هي القصه الي يفتتحون فيها الموسم ويتسلون عليها الى ان تاتي زله من اي هلالي فينتقلون لها وتكون هي ام المصائب في الكون



فلذالك يجب ان لا نساعدهم في مخططاتهم ونقف مع اي هلالي مهما اخطاء ولانكون عون لهم على فريقنا مثلما فعلنا مع ياسر ورادوي وعزيز حتى غادر اثنين منهم والاخير كان قاب قوسين او ادنى

نثق في فريقنا ونعرف قدره ونعرف انه نادي القرن والملكي والزعيم ولانهتم بكلامهم ونرد عليم بالملعب وبالتواجد بالمدرجات
ومايحتاج ندخل بمهاترات معهم




بالختام

وياليت اعلامنا يكون اعلام قوي وهجومي مثل ماكان بالسابق ولا يكون فقط دفاعي
لان الاعلام الاصفر اصبح حاليا شرس للغايه فهو يقوم بالكذب والافتراء والتجريح والدخول بالذمم والاهانه مما يجعل له اثر قوي جدا على من يكونون ضده بشكل لايطاق
وياليت تكون فيه وقفه من وزاره على الاعلام على الاقل في المقالات والزوايا والمانشتات الجارحه والفاضحه


تقبلو تحياتي


اخوكم


عبدالعزيز

اتمنى انزال الموضوع يامشرفين ولكم الشكر

لا تتعب نفسك الشمس ما تتغطى بغربال

ياخوي .. ما ادري وش يحسون فيه ،

صدقني مرضى نفسيييييين

كيف يقولون ان ناديهم نادي ملكي ؟ ونادي الهلال هو اللي تم تسميته بموجب امر ملكي


يعني الملكي = الهلال

وانا اخوك مايهمني هو البطولات

والانجازات اللتي عودنا عليها الهلال

إقتباس الرسالة الأصلية كتبت بواسطة سالم بن عطيه وانا اخوك مايهمني هو البطولات والانجازات اللتي عودنا عليها الهلال

من جد

اهم شي لا يشغلونا بمخططاتهم ونركز على الزعيم

يعني لا نكون مثلهم نلتفت للغير وننسى فريقنا

أصلا اللي جاعلهم خلفنا هو تفكيرهم بنادي الهلال و تركهم لناديهم

اللهم لا شماته ولله فريق مريض

....................

مستشفى الصحه النفسيه مهوب نادي !!
لا اداره ولا اعلام ولا صحافه .. والله امره غريب ذالاصفر الصغير

والله هالفريق مدري وش يبي
فـــــــــــــاشل

ي ليت والله نعطيهم العلم الوكاد :$ الهلال الملكي فقط

يكذبون الكذبه ويصدقونها
والهلال هو شغلهم الشاغل
(نادي النطل)

وانا اخوك مايهمني هو البطولات

والانجازات اللتي عودنا عليها الهلال