25/08/2011, 06:20 AM
|
| المجلس العام | | تاريخ التسجيل: 28/04/2003 المكان: المجلس العام
مشاركات: 2,104
| |
|
[ يوميات رمضانية "24" ] الشاعر المخضرم الحزن : طلع مدرب مشهور .. وجولته في محل العطور .. وسالفة نكبة النقل الجماعي .؟
  فكرة : سندريلا الهلال إعداد : فَيْلَـسُــ زَمَانَهُ ـــوفْ تصميم : plastic  السلام عليكم ورحمة الله وبركاته ,, مبارك عليكم الشهر واعاده الله علينا سنين عديدة واعواما مديدة وكل عام وانتم بخير ,, ▌ ▌|[ـΞـ يوميات رمضانية 1432 ـΞ]|▐ ▐ في سلسلة تعودنا على اللقاء بكم حملتنا اشواقنا إليكم ودفعتنا رغباتنا لكم عادت سلسلة يوميات رمضانية في كل عام اعتدنا على لقائكم وهانحن نجدد التواصل بكم مع وقفات مع اعضاء برزوا واستحقوا الوقوف معنا هم هنا ليسردوا لنا تفاصيل يومهم مع الشهر الفضيل ۞ ❤ أهلا وسهلا بكم اعزائنا الكرام دعونا نرحب وإياكم سوية بضيفنا لليوم ,, الرابع والعشرين الشاعر المخضرم :. ..❤{ A L 7 Z N }❤.. لكي يقوم بسرد تفاصيل يومه مع الشهر الفضيل  ماهو رمضان بالنسبه لك ..؟
رمضان شهر الخير والتسامح شهر التقرب الى الله بالطاعات اكثر واكثر
اسأل الله ان يتقبل من الجميع صالح الاعمال وان يغفر لنا تقصيرنا برنامجك اليومي في رمضان ؟ انام 9 الصبح هيك واقوم 5 تقريبا افطر مع الاهل والساعه 9 اروح الدوام
واطلع 1 اروح العب اذا كان فيه مباراة والا ارجع للبيت ..
ماهي اكلتك ومشروبك المفضل في رمضان ؟ بالنسبه للأكله اي شي ويعني يمكن الخليه افضلها كثير :$
والمشروب اه يالتانج بس ..
متى اول مره صمت فيها . واذا عندك مواقف مع الصيام اذكرها ؟ امممم اتوقع بخامس , وبالنسبه للمواقف اني اول ماصمت كنت طالع من المدرسه
ومريت البقاله وشريت سنكرس وماذكرت الا يوم رجعت البيت
ومن قرادتي علمت امي عاد مايحتاج اقول وش صار بعدها هههههههه
موقف لاينسى حصل لك بـ رمضان..؟
اخخخ يالموقف اللي يقهر بس هع كان قبل 3 سنين اتوقع
صراحه اسوأ رمضان مر علي  , انا وخواتي الكبار كنا بمكه عند عمتي
وابوي بالبيت بالدوادمي وامي وخواتي الصغار عند خوالي بالكويت تشتت خخخخ
المهم دق علي ولد خالتي بالدوادمي قال فيه بطولة كرة قدم وسجلتك معي
ومباراتنا 4 رمضان , الكلام ذا كان تقريبا اول رمضان
المهم صمت اول رمضان وثاني رمضان بمكه واليوم الثالث الصبح
قررت فجأه اني اروح ! لكن مامعي سيارة 
قلت لسواق عمتي ودني النقل الجماعي واشوا لقيت حجز بعد نص ساعه
وانطلقنا للدوادمي وبعد كم ساعه وقفنا بمدينه والله ناسي وش
قال حق النقل اللي يبي الرياض يجلس وغيره ينزل
انا من الفهاوه مانزلت على بالي الدوادمي تبع الرياض , يوم مشى الباص
وتعدى الرويضه استغربت المفروض يلف للدوامي مو يمشي للرياض خخخ
قلت للسواق يبو انا ابي الدوادمي , قال ياعم انا أيل < قايل بالمصري
اللي يبي غير الرياض ينزل , قلت وش دراني ياخي نزلني بس بالرويضه
ووقف ونزلت وانا اتصل على اخوياي وماقصروا جو اثنين وقفنا بعد الرويضه وافطرنا
ودزينا ويوم باقي عالدوادمي 35 كيلو والموتر يخرب < من قرادة الحظ هع
ويالله وندق على واحد من اخويانا ويجي يشيلنا وجت سطحه وشالت موتر خويي
المشكله ان المباراة تأجلت يومين بغيت اجلد ولد خالتي هع
وسوري عالاطاله :$ كيف نظامكم واجوائكم في رمضان ونظامكم بالفطور والعشاء والسحور.؟
نظامنا الفطور الاول يحطون تمر قشطه لقيمات الخليه سمبوسه شاي وقهوه وعصيرات
الفطور الثاني نفس الشي اللهم اللي يبي شوربة او مكرونه
والسحور عاد مايحتاج رز ولحم او دجاج هل ترى اختلاف بـ رمضان في السنين الماضيه عن السنوات الاخيره واذا نعم وش الاشياء الي افتقدتها.؟ والله فيه اختلاف عاد مدري منا والا من مين
افتقدت اشياء كثير يعني متعة الصوم وروحانية الشهر :$
لاتسألوني ليه ض1
رسالة في هذا الشهر المبارك .. لمن تبعثها وماذا تقول فيها ؟ ابعثها لنفسي بأن اجتهد بالطاعات والله رمضان ذا مقصرر مرره
الله يغفر لي ولكم يارب
أجمل رمضان عشته حتى الآن , متى ولماذا ؟
تبي الصراحه ناثنق ض1 هل تحب تصلي في المسجد القريب من بيتكم او تحب التغيير ومن القاريء الذي تحرص على الصلاه خلفه في رمضان؟ والله مسجدنا استغفر الله مافيه امام والمؤذن لاترتيل ولا صوت
فأصلي بمسجد ثاني
قراء ماتعرفونهم يعني مو لازم احط اساميهم هع
لكن ان حصلت اصلي خلف القطامي الله يحفظه احبه في الله :$
نبي صوره تلتقطها لنا من يومك الرمضاني المجال مفتوح لك..؟ عاد انا بصير طماع وبنزل ثنتين لاني احترت بينهم :$
بس قولوا مشاءالله > تكفى خخخ
يازين غند بس الله يخليها لنا ويحفظها يارب طبعا بنت اختي
... 
... هذا الشقي الدلوع العنيد اللي يحب يعاندني دايم مدمن التلفزيون وهو صغير
عبود ولد اختي الثانيه
...
...
اليوميات الرمضانية :~
تسحرنا 3 وبعدها جلست عالنت وبعدها رحت اصلي ورجعت عالنت
لما 9 ورحت انام وحطيت المنبه على 10 يعني ساعه نوم علشان
خويي موصيني اقومه لدوامه عشر < انا ابي من يقومني ويوصيني خخخخ
المهم قمت عشر ودقيت عليه ومن نحاسته عطاني مشغول
يعني قمت ولاشكرا ولا شي < تكفى مسوي معجزه ههههه
ورجعت نمت ومادريت الا ابوي يقومني المغرب يالله قم اذن
قمت يوم راح رجعت انام خخخخخخ والله فيني نوم غير طبيعي والا يجيني مره ثانيه
وقمت افطرت ورحت اصلي ورجعت اكمل اكل وانا عالكمبيوتر والتلفزيون شغال هع
اشوف سكتم بكتم وبعدها الفلته واذن العشاء وصليت ورحت للملعب مسوي
مباراة بين ابناء جمعية انسان وبين فريق ثاني وانتهى بفوز ابناء الجمعيه
لاني انا مدربهم :$ طبعا انا شغال بالجمعيه هذا كله الساعه 11 ونص
وبعدها رحت لمحل الحداده علشان بيبانّا وكنت جوعان بالحيل
ويوم وقفت عند مطعم الا خويي بالجمعيه يتصل علي على الساعه 12 ونص
يبيني امسك مكانه نص ساعه قلت طيب بس باكل وبروح 
طلعت من الدوام الساعه 1 ورحت لمحل عطورات اسوي تغطيه لمحله :$
جلست لثنتين تقريبا وبعدها رحت لصديقي العزيز مستر ايمن حاليا
سابقا جابر العثرات , وتسحرت عنده ورجعت البيت وهذاني ارسل اليوميات
للعزيز والغالي فيلسووفوه :$
احب اشكر جميع القائمين على الموضوع واخص اخوي فيلسوف
الله يعطيكم العافيه
واعذروني اذا طولت واذا تسيمجت شوي :$
للشاعر المخضرم --|" A L 7 Z N"|--
وإنتظرونا غدا مع العضوة المتميزة :-
۞~~| Ms. Star |~~ ۞
|
|
![[ يوميات رمضانية "24" ] الشاعر المخضرم الحزن : طلع مدرب مشهور .. وجولته في محل العطور .. وسالفة نكبة النقل الجماعي .؟](iconimages/t1041084_rtl.gif)
الوضع العادي
