بسم الله الرحمن الرحيم

اعتذر عن انقطاعي عن المنتدى و ان شاء الله تكون عودتي بموضوع يلقى استحسانكم..

طبعا راح اطرح افكاري على ثلاثة محاور عشان توصل الفكرة وتوضح الصورة.

المحور الأول :

تعاقدات الفريق:

السنة كانت تعاقدات الزعيم (من وجهة نظر شخصية) ناجحة نسبيا
جلب الكوري بيونق سوو (ممتاز جدا) وأشكر الإدارة على جلب هذا المهاجم.
جلب الكاميروني اكيل ايمانا (هو الاميز والافضل والامتع والاروع) اللاعب راح يكون العلامة الفارقة مع الهلال في جميع البطولات وراح يكون نجم الفريق الاول . صراحة أحي الإدارة على هذا التعاقد.
جلب المغربي يوسف العربي: لاعب (من وجهة نظر شخصية) لايصنع فارق كبير مع الفريق .
جلب المغربي هرماش: (غير مقتنع فيه بتاتا).
رحيل رادوي:خسارة كبيرة للهلال.
اعارة ياسر: فيها فايده له وللفريق.


المحور الثاني:

استعدادات الفريق:

الفريق خاض معسكر في ألمانيا ولعب ثلاث مباريات غير البطولة الدولية. الفريق ادى فيها مستوى مطمئن وما عليه خوف محليا والعودة للمدرسة الاوروبية ان شاء الله بيرجع الفريق مثل الموسم قبل الماضي (موسم غريتس) وافضل ان شاء الله.
خط الدفاع الهلالي يبي له ترتيب و لازم يرجع مثل أول ترى ما عاد فيه رادوي عشان يغطي الأخطاء الساذجة في بعض الألعاب.


المحور الثالث:

مشاركات الفريق:

طبعا الفريق الأول بيشارك في أربع بطولات.

1- الدوري:
بالنسبة للدوري اشوف انه محصور السنة بين الزعيم والاتحاد و المنافسة راح اتكون اشد من الموسم اللي راح لكن ما علينا خوف ان شاء الله لأن باقي الفرق فيه فروق فنية واضحة بيننا وبينهم وبأختصار
(الدوري هلالي) بإذن الله.

2- كاس ولي العهد:
طبعا بيكون فرصة صقل المواهب عن طريق حسم بطاقة التأهل في مباراة الذهاب واللعب بالإحتياطي في الإياب..
(بإختصار كاس ولي العهد هلالي بإذن الله)

3-كأس الملك
بما انه راح يلعب في نهاية موسم طويل بالنسبة للهلال راح يقل فيه العطاء و يبين الارهاق والاجهاد على اللاعبين ومن الممكن اننا نودع البطولة لكن في الأدوار المتقدمة.

4-دوري أبطال آسيا
الصراحه انا كلش مب متفائل واحس ان هالموسم ما راح نجيب الآسيوية لعدة أسباب لكن ما راح أستبق الأحداث بس كل شي يبين من دور المجموعات.

بالنسبة للتشكيلة ما أقدر أحكم فيها الا من بعد أول ثلاث جولات من الدوري مثل مايقول المثل (اللي في الجدر يطلعه الملاس)


في الختام

ان شاء الله أكون قد وفقت في طرح الموضوع واللي ما يحلى الا بمشاركاتكم و آرائكم.

وادعوكم للإنضمام الى صفحة الفيس فوك على قولت السعوديين

أرعص هنيا :d

ولا تنسون تلحقونا على التوتير على قولنتا احنا يا البحرينين

طق هني :d

الرسالة الأصلية كتبت بواسطة غيـَث (مشاركة 18706169) عاد بالعكس ، انا متفائل بالثنائي المغربي ومتوقع منهم بروز افضل واقوى في المباريات الجايه خصوصاً من هرماش ، وان شاء الله يصدق تفائلي ولكن ماني متفائل بالمدرب ولا اعتقد انه راح يفيد الفريق ، وراح تكون استقالته في نهاية الموسم الحالي اما من ناحية البطولات ، فـ اعتقد السنه هذي ما راح يقدم فيها الفريق المستوى المطلوب ولعدة اسباب ، منها ان الفريق يعاني بقوه في خط الظهر وفي خانة المحور ، ويعاني من البدلاء المميزين اللي بمستوى الأساسيين يعني في الدفاع من فيه غير خيرات نقدر نعتمد عليه في اسيا ! وفي المحور من فيه غير عزيز (اذا رجع) وهرماش نقدر نعتمد عليه في اسيا ! وفي الهجوم من فيه غير الأجانب وعيسى نقدر نعتمد عليهم في اسيا ! والظهير الأيمن ، الله يعينا عليه .. لا بالشهراني الصغير بالسن ولا بنامي الله يعين وان شاء الله تزين الأمور ونحقق الأسيويه هالسنه

ياخي العربي هداف الدوري السعودي الموسم القادم وبتشوف وسونج لا لياقه ولا سرعه ولا مهاره بس اهداف بالراس تصيب وتخيب لكن ان طلعله اسامه المولد بينحاش اقوى نحشه هرماش لا تحكم والله شكله يدعسس ايمانا لياقه لياقه لياقه سرعه سرعه مهاره مهاره تسديد تسديد بنيه بنيه زنقه زنقه ههههه تسجيل وكل شي انا اكثر واحد مو عاجبني هو الكوري بسالله يستر .

الرسالة الأصلية كتبت بواسطة عشقي الزعيم.. (مشاركة 18706523) بــآ التؤفيق للزعيم مشكــؤؤر طرحك قمه فئ الذووق ربئ يوفقكـ