عمرك حسيت انك بتبكي وبكيت!!!! - نادي الهلال السعودي - شبكة الزعيم

ســـــ SMN2002 ـليمان · #1 15/08/2011, 08:36 PM

السلام عليكم ورحمة الله وبركاتة
اخواني واخواتي
يقولون دمعة الرجال صعب انها تنزل
بس معي غيييييير
عمرك حسيت انك بتبكي وبكيت
سبحان الله احيااان يجيك شعووور غريب
ترغب فيه بالبكاء وبقدرة قادر تبكي
انا تقريبا قبل شهر او شهر ونص وانا للحين ما جيت الجوف
كنت مع عيال خالتي عاملين لنا قروب بالوتس اب
المهم قلت لهم مااا ادري وش فيني حاااس اني
ابي ابكي الوكاد بعد كنت شغال على قروب اخواني
قولوا ماشاءالله سته بالقروب واثنين برا ما هم حقين قروبات
المهم الا اخووي الصغير اللي تو خلص الثانووي
يرسل صورة امي وهي جالسة تسووي لهم الخبز خبز المطحن(صاج)
وطبعا مااا لي به علم من شهر خمسة وتو جيتهم اول رمضااان
الا واقوول قبل العين بالعين والحين نتشفق على شوفتها بالصور
الله يالدنيا واقووم وتصير الدمووع اربع اربع وبكاء غير طبيعي
المهم بعد مااا هديت وعينت خير
طبعا ما عندي احد بالشقة المدام وبناتي طالعين للسهرة عند احد اقربائنا
وطبعا مستحيل ابكي قدام بناتي
رجعت لقروب عيال خالتي واقوولهم حصلت لنا البكووه مثل ماا قلت لكم

السؤال/هل انتااابك شعوور بالبكاء وبكيت؟

الله يبعد عنكم الحزن والهم وكل ما يكدر خواطركم
اعذروني على هذا الموضوع
للجميع احلىواكبر 
تحياتي

الزعيمه منو · #2 15/08/2011, 09:23 PM

[QUOTE=ســـــ SMN2002 ـليمان;18680173]

لهم الخبز خبز المطحن(صاج)

تســــــــــوونوه زينا ((شـــــــطحه!ّّّ

اخـــــــوي بالنسبــــــــــه للموضوع انا مقــــــدر افيــــــدك في هذا المــــــوضوع تعرف البنات دووم دمــــــوعهم

نـــازله ع اتفــــــــه حاجــــــــــه

يمـــــــكن الشباب اللي زيــــــــك يفدونك

لكــــــــــن اللي اعــــــــرفه زين انو اي بني ادمي ادمـــــــي مايمســـــــك دموعوه عن اي حاجه تخــــــــص الام

تقــــــــبل احتــــــــرامي

HILALYA ]~ · #3 15/08/2011, 09:34 PM

.

وعليكم السلام ورحمة الله وبركاته ..
يالله حي جدنا المخضرم ض1ض1 ..
بس الشعور بعد البكاء حلو ض1 ..
تحس أنك حاربت بالحرب العالميه الثالثه

..
عاد من زمان ما جربته ولله الحمد ض1ض1 ..
بس اذكر اخر مره ، يوم سمعت عرس حبوبه جلست شسمه

..

إقتباس


	الله يبعد عنكم الحزن والهم وكل ما يكدر خواطركم

اللهم امين وياكم ، بالتوفيق و1 ..

ارين14 · #4 15/08/2011, 09:47 PM

مدري ليه الرجال يحسون انه البكاء ضعف بالعكس هي نعمه المفروض تحمدون ربكم عليها
انا اخوي فتره ماكان يقدر يبكي لأنه عنده جفاف في العين ومستحيل تنزل الدمعه يقول احس انه ودي ابكي لكن مافي دموع شعور صعب جداً
ماأتمنى غير ربي يجمعك بأمك وتشوفها بأحسن حاال

لاعب الزلفي الواعد · #5 15/08/2011, 10:14 PM

انا تطيح الدمعه بس ما اصيح

اذا صرت ملصق وجهي في الاب توب

مراوغ هلالي77 · #6 15/08/2011, 10:34 PM

هلا وغلا اخوووي سليمان

الصراحه شدني موضووووووعك...!!!

انا واحد اذا حسيت اني متضايق وفيني بكاء ابكي، لأني مراح ارتاح الا اذا بكيييت

عندي اشياء ودي اقوووووووووووووووووووولها بس صعبه.......!!!!

وبالتوفيق لك

,,محمد,, · #7 15/08/2011, 10:36 PM

إقتباس


	السؤال/هل انتااابك شعوور بالبكاء وبكيت؟

دمعة الرجال أشد من دمع اليتيم

تحياتي مستر سليمان

Swarovski · #8 15/08/2011, 10:39 PM

إقتباس


	يقولون دمعة الرجال صعب انها تنزل

دمعة الرجآل سهل آنهآ تنزل بس صعب آننآ نشوفهآ

لآن الرجآل مأيبكي الآ اذا كآن بخلـوه غير شرعيـه مع الشيطآن

الرجآل مآيبكي الآ آذآ غآبت عنه عيون النآس

إقتباس

الرسالة الأصلية كتبت بواسطة ســـــ SMN2002 ـليمان


	الا واقوول قبل العين بالعين والحين نتشفق على شوفتها بالصور الله يالدنيا واقووم وتصير الدمووع اربع اربع وبكاء غير طبيعي المهم بعد مااا هديت وعينت خير

السلمي هيضتنـي

ذكرتني بآ آتعس وآشنع لحظـة مرت علي وآستمرت معآي لمدة 12 سنـه

آذا قمــت من النـوم على صوت آمي << نآصر قم تآخرت على المدرسـة

من آسمع هالكلمـة آبدآ بعزف السيمفونيـه وتخـر دموعي بغزآره

إقتباس


	السؤال/هل انتااابك شعوور بالبكاء وبكيت؟

ومن ذآ الذي لآ يبكـي

شعور البكآء آذآ آنتآب الشخص رغم عنه يبكي .. حتى لو كآن بكآئـه بصمـت بلآ دمـوع

الشعور بالحرقـه والقهـر هو البكآء الصآمت

قناص القرن · #9 16/08/2011, 12:46 AM

إقتباس


	السؤال/هل انتااابك شعوور بالبكاء وبكيت؟

جُلّ من لا يبكي .. !

بالنسبة لي ..: أحاول ما أكتم شيء . أتغيفل أهلي بمكان وأجعر < استسلم للبكاء على قوله بعض أخواننا ض1ض1 > ، بس عاد مو أي شيء تصيح عليه .. !

نصيحة إذا كان فيك البكاء .. لا تسكت روح لمكان لحالك وابكي .. بس مو قدام العالم عشان ما يتصلون على مستشفى الصحة النفسية < أستغفر الله ض1ض1 >

بلو كادي · #10 16/08/2011, 12:56 AM

وعليكم السلام ورحمة الله وبركآته

اهلاً بالمخضرم سليمان

إقتباس


	يقولون دمعة الرجال صعب انها تنزل

لانها ماتنزل على اية حال مثل دموعنا تقول صنبور

ولكن ماأجمل دموعهم عندما تكون بين يدي الله عز وجل في الصلاة
ولا الإمام عندما يشهق بالبكاآء سبحان الله على ان عندي اصيح انا ولا اشوف دمعة رجال
ولكن في هذه المواقف تشعرني بانه مع صلابة هاؤلاء الرجال الا ان قلوبهم ترهف بين يدي مولاهم
وانت بموقف حق يبكي يآخي الام من يصبر فراقهآ

الله يخليها لكم ويخليكم لها ولاتنحرمون حسهآ

>>>خرجت عن الموضوع قليلاً ولكن لاني لااملك إجابة لسؤالك

شكراً

عطـــارد · #11 16/08/2011, 01:00 AM

:
خالي سليمان

..
يمكن هيضتك بـ خبر الصاج حق الوالدة

..
والله يخليها لك وتنقل عندها وتقر عينك كل يوم ويرزقك برها

..

:
أنا عاد بكااااي من الدرجة الأولى ..
ومن ذا الذي لا يبكي ..
صدقني البكاء يفتح في القلب باب من شعور مريح ..
لكن لعلها تختلف من رجل إلى رجل ..
فأنا لو كنت أحكي بـ حديث عن شيء يؤثر فيني ..
يجدون المقربين مني لمعة في محاجر عيوني ..
وإن كنت أرغب في بكاء لا أستطيع معه شهيق أو زفير ..
أعتزل الناس ..
لأنني أكره نظرة الضعف ..
فـ دموع الرجل ليست هينة ..
وهناك بكاء الفرح وهو المبهج

..
أذكر أني بكييييت من قلب أنا وصديقي حين تخرجنا سوياً من الماستر ..
ياالله خمينا بعض بشكل ماقد صار ولا صار بعده

..
بس من الخجل ماعاد طرينا هـ السالفة

..
يمكن لأنها مؤثرة جداً ..

:
البكاء يغسل الرووح فلا تتوانى عن ممارسته متى ما إحتجت لذلك ..

:
الله يسعدك دووووم خالي سليمان

..
> خلاص تراك صرت خالي

..

:

اللؤلؤة البيضاء · #12 16/08/2011, 01:21 AM

الدمع مآهو عيب رح علم اللي .. يقول عمره مآ بكى في حيآته
الدمع مآيقطع صلآة المصلي .. و الضحك مثل أبليس يقطع صلآته

/

إذآ السؤآل لكل الجنسين .. فـ أكيد حنآ مآ تعوق معنآ الدمعه جآهزه خخخ
و بالنسبه الرجآل عآدي يبكي , حتى هو من لحم و دم و عنده إحسآس , و البكآء وسيلة
لتفريغ الحزن و الكبت .. ,

الله يبعد عن الكل الحزن و البكى ,

الفريني · #13 16/08/2011, 02:32 AM

والله موضوع حلو

:
:
بالنسبة لي وهذي اعتبرها من نعم ربي لي (اللهم لك الحمد والشكر) مع ابسط موقف تلقى دموعي تسابق
والمشكلة ماقدر ابينها لاحد تلقاني ملزق وجهي بالجدار

:
:
:
وبالنسبة للوالدة الله يحفظها ويخليها لكم ويخليكم لها فالله يرزقك برها وعلى فكرة ترى رضاها توفيق من رب العالمين
وهي اكبر نعمه لمن يملكها والله يعين من فقدها
الله يرحم والدي ووالدتي وجميع موتى المسلمين

موج الخليج الأزرق · #14 16/08/2011, 02:52 AM

السؤال/هل انتااابك شعوور بالبكاء وبكيت؟

فعلآ أحيانآ يجيني هالشعور بس بالطبع اكون لحالي

انا اذا شفت مقطع فيه فخر او مجد للإسلام يقشعر جسمي وتنزل دموعي غصب عني

كولا هلالي · #15 16/08/2011, 03:58 AM

هذي الحاله احسها --ملازمتني --بس عادتي اذا حسيت بشعور البكى ---رحت لمكان مظلم --وبكيت --

واكثر ماابكي --يوم اشوف دمعة امي ---ولا ابويه --وربي اني اتقطع عليهم ---

موضوعك اعجبني اخوي الغالي --تسلم يالغلا --