|
هواة التطبيل لأنصاف اللاعبين .. كفى؟ كمتابع جيد لمايطرح بمنتدى الجمهور الهلالي اقول وبماتمليه علي امانة الانتماء للكيان الازرق انني استغرب وبشدة ماوصل اليه وضع بعض المشجعين الهلاليين من تطبيل وتلميع لاشباه وانصاف اللاعبين بوقت سمعت فيه اشد العبارات النقديه وصلت لحد التجريح والقسوه بحق نجومية لاعبين لايختلف على موهبتهم اثنين الا لمن كانت على اعينهم (نظاره سوداء) ترى مالايراه الاخرين ! واسمحولي ان اعطي مثل آني بهالفتره وهو ماطرحته بعض (المعًرفات) المستعاره تجاه اللاعب ( نااامي ) من تهليل فاق الوصف ومطالبات بالوقوف والمؤازره علما بان عمر ناامي قد يتجاوز عمري بالحياه! ونجدمن يسلك او يمشي بهذا الخط مؤيداً لتلك الحمله المنظمه كتنظيم ( قروبات الفيس بوك) يعني موجهه. ايعقل وصل بناء الانتماء والتشجيع الى هذا المستوى من اللاعقلانيه ايعقل ان يكون هذا هو المشجع الهلالي بصدقه بنقده وصدقه بفرحه وصدقه بتشجيعه ومدحه ايظاً ماذا ينتظر من اللاعب محمد نامي سوى ( الكووبري ) بخط الــ 18 ــــ ومرور اقل المهاجمين خطوره من امامه وبسهوله حتى نضع العناوين وفبركة تمجيد ريكارد بنامي يااااااا للعجب ! لماذا هل تم نسيان ما ارتكبه من اخطاء كوارثيه بحق الهلال حتى ان الجهه اليمنى صارت معروفه على مستوى اسيا بانها نقظة الضعف الوحيده بالهلال على مستوى ايام تدريب كوزمين المعروفه بالقوه الدفاعيه لدرجة بانه لم يجد حل لعلاج النامي !؟ يااخوان ارحمو عقولنا شوي يااخوان اذا اردت معرفة ناامي فلاتنظر لمباراة التعاون للاعداد والاتفاق لدرجة انه يتمشى لوحده بخط السته بدون مضايقه ! وللتوضيح اكثر ناخذ مثال ثاني لتناقض بعض اطروحات المشجع الهلالي , وهو من يختلف على خالد عزيز )؟ انا اقولكم تلك الجماهير هي من ذكرت هنا وبصفحات وبمواضيع انه لافائده منه تخيلو من تطلبه الانديه وتحاول خطفه واغراءه هنا المشجع العلالي يقول لافائده منه وناااامي يبقى !!!! مع تاكيدي بان عزيز ارتكب حماقات خلال مسيرته كانضباط اخواني وحتى لايلتبس مااود طرحه لكم اود ان اقول انني انظر لكيفية التعامل مع الاحداث اليوميه بالشان الهلالي من واقع طرح شريحه بدت تكبر وتاخذ مساحه يجب ان لانساعدها لتتفشى هنا لانها ليست واقعيه وتطرح اطروحات تهدم ولاتبني ولاتتسم بالموضوعيه مثلاً لماذا لم يقال لـــ نامي "ارحل ارحل" وذلك لتعاقب جميع المدربين عليه وجميعهم نظرتهم واحده تجاهه انه الخيار الثاني لعدم وجود الثاني اصلاً يعني ( احسن من الخلا) !! سنه كبير ومستواه يليق بالدرجه الثالثه ومع هذاا كل او اغلب الاصوات تطالب بالوقوف معه ! ليه عسى ماشر وش حلل نامي وحًرم عزيز وغيره ! لماذا لاتكون الاصوات موحده لصالح الفريق ككتله واحده وبمنظور واحد ,, عزيز غير منضبط يبحث له عن علااج لكن والله لو يصف جنبه من ناامي عشره بيرجح عزيز بقوه. يااخوان نامي هو تكملة عدد الجيزاني والذياب والخالدي والكعبي والجمعان فلماذا لم يذهب معهم الا يوجد شباب يستطيعون الزج بهم ؟ فهم من يستحقون الوقوف معهم والاخذ بيدهم لا نامي ! لماذا استثناء هالناامي من التنسيق على مدى هالسنوات وتسببه بالاهاات لنا ياخوووفي يقولون قرار فني زي بعض القرارات ! بالاخير دعونا نتفق على شي واحد وهو ,لا للتطبيل الا لمن يتحد عليه الجميع من واقع اجادته (مهمات مركزه) والمطلوبه منه وهي من الاساسيات ولمن يستمر مستواه ثابت ومن يملى الخانه كعطاء . مب مباراه امام التعاون او الاتفاق وقت الاعداد ولايوجد غيره ويجيب العيد في مباراتهم القادمه امام اقل منهم مستوى فنحنو في غنى عنه . كما اتمنى من مدير الفريق ان يرحمنا شوي من بعض قناعاته كما هي قناعاته بكالديرون والجمعان والخالدي وان نوجه اهتمامنا على منظومة الفريق بشكل اكبر من رئيس الى اداري الى مدرب ومن ثم اللاعبين. وعلى دروب الصدق والواقعيه وحب الكيان نلتقي ونتفق. |
انا معك ان ناامي ضعيف دفااعيا وكلنا عارفينه بس وش نسووي هاذا لاعب في الفريق واساسي لازم ندعمه ونشجعه بدل ما نحطمه |
اجل ماتبي ندعم نــامي ..!! وش رايك اجل تجي تلعب مكانــه رايي ندعم نامي // تنسيق خالد عزيز لاعب ينكبك بالمباريات الحساسه ياخي المنتخب وهو المنتخب سحب عليه |
ابوهديل اذا إحنا نلبس نظارات سوداء الحمدلله نشوف أكيد بس المشكله الي اعور مايشوف الا بعين وحده محمد نامي اساسي حتى لو جاء الشهراني والشهراني بديل لزوري واتمنى ان تذهب للنادي وتقوم بظاهره يكفيني بس انك جاوبت على جميع تسائلتك بنفسك (اجل محمد نامي اكبر من عمرك بلحياه ) يكفي انه لاعب بالهلال وانت من تكون |
وانا اتوقع ان تفكيرك ربع تفكير اصغر مشجع هلالي على وجه الارض ياصلا انا غلطان قريت موضوع .. بس دامني قريت تقبل النقد بصراحه انا برجع كلمه انت كتبتها (تقول كوزمين ) نامي وهو يلعب مع الهلال وكوزمين مدرب ماجا على الهلال الا سته اهداف طوال مشوار كوزمين مع الهلال في الدوري قبل طرده من الرئاسه العامه اتوقع ان السته اهداف كلها بسبب نامي ومن جهه ...؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ شكلك غلطان تدري بقولك كلمه باختصر موضوعي ... انت لو تلعب بنادي اسمه الهلال .. بقول عنك لاعب ماراح اقول نص لاعب تدري ليه ..؟ الله سبحانه وتعالي قال (( ولا يسخر قوم من قوم عسى ان يكونوا خير منهم )) ثانيا : ضمك نادي الهلال .. نادي بكبر الهلال وبحجم الهلال انت تلعب فيه اكيد انك لاعب فنان مو نص لاعب او اشباه لاعبين وشكرا |
أرد عليك في قولك (بالاخير دعونا نتفق على شي واحد وهو ,لا للتطبيل الا لمن يتحد عليه الجميع من واقع اجادته (مهمات مركزه) والمطلوبه منه ) ومن قال أننا نريد التطبيل لأحد ، نحن نقول مانراه ، نامي مثل بقية الأظهرة في السعودية وهو ظهيرنا ليش نحطمه ، وقد مر على الهلال عدة مدربين منهم كوزمين وجريتس والآن كول وكلهم يعتمدون عليه في الظهير الأيمن بالله أنت أعرف منهم ، نحن نعترف بأن نامي ليس متميز ولكنه ليس سيء وأنت ما الذي يزعجك إذا قام بعض الجمهور بمدح نامي لرفع روحه المعنوية والمستفيد الهلال ، أنت ليش زعلان ، والا كل هذا عشان نمدح عزيز اللي مدحناه ياما ورفعنا فيه ياما لكنه خذلنا يامام وياما عرفت الفرق ، بين واحد يقدم كل إمكانياته ويخلص وبين واحد يسحب رجليه وينكبك في الشدائد ، حتى اهتزت به الثقة |
ياليت من جمهور الزعيم يعطي الثقه لنامي لانه والله لاعب جيد ولا نستعجل عليه واذكركم بالشهراني اذا تعاقدو معاه الهلال معا اني اظن انه اتحادي 100% |
ان شاء الله ناامي يطلع كووول و يشتري بلاكبيري ويطول شعره ويحط جل وسوي صنفره عشان يعجبك لاعب بدع بمباراة اشاد فيه مدرب عالمي تقول لاتطبلون عشانه نكبنا ايام كوزمين اي منطق هذا |
إقتباس:
بس ماتشوف ان دعم شاب والوقوف معه اهم من نامي بكثير على الاقل نصدق بتبريرنا بكلمة دعم شاكر لك اخوي على رقيك بالرد مهما اختلفنا |
إقتباس:
والله راي كوويس بس ماعندي واسطه مع ادارة الفريق كما هو حال نامي وايظاً لست ممن يجيدون تنفيذ الاوامر بدون اعتراض او مناقشه بسبب لقمة العيش! ويشبهني لاعبين لاتحضى بالدعم من ادارة الفريق مثلي مثل الدعيع وياسر والتمياط واعتقد بان المنتخب وغيره لايشكك بموهبة عزيز بل بسلوك عزيز الغير انضباطي |
إقتباس:
ارتق جزاك الله خير بماتكتب |
إقتباس:
واعتقد بان الانتماء للكيان الازرق يزرع فينا الرقي وهذا مالم يزرع فيك كما هو حال نامي وعدم استحقاقه تمثيل الهلال لان فاقد الشي لايعطيه اتمنى ان تراجع حساباتك |
إقتباس:
جميع الردود اتفقت على انه غير كفئ للمركز سؤااالي: الايوجد بالاولمبي والشباب لاعب يستحق ان يعطى الفرصه فلماذا الجميع متفق على عدم احقيته ورافضين فكرة اعطاء الفرصه لغيره من الشباب هنااا السؤال واجابتي هي التطبيل للاعب نفسه وليس الهدف هو الفريق وهذا مايزعجني من تلك الشريحه للاااااااااااااااااسف |
إقتباس:
لان ادارة ال مساعد لاتستثمر الا فيما ستجني منه العوائد والمحليين لايستطيعون فيهم الاسثمار بغض النظر عن اهمية اي لاعب للفريق يعني ادارة تبحث عن مصلحتها الشخصيه بالاضافه الى هدفها اسيا ومن ثم الاداره القادمه بعدها ليست معنيه بها وغدا لناظره قريب |
إقتباس:
لكن حكاية بدع امام الاتفاق تبي لها ايااام عشان تشوف الابداع اللي يحرق قلبك هلابك اخوي |
| الوقت المعتمد في المنتدى بتوقيت جرينتش +3.
الوقت الان » 08:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd