-



السلآم عليك ورحمه الله وبركاته
قبل مانبدأِ في الشغل الصح بقولِ سالفتنا فيِ بداية الطريق وحنا رايحين من شقراءِ للمدينه
قبلِ مانوصلِ للمدينه بـ 300 كيلو ! كان العدادِ حق البنزينِ يقول ترى باقي لكم تقريبا 140 كيلو ويفضي البنزين .
عاد انا قلت خلهِ لين يقول باقي 70 كيلوِ واعبي ان شاء الله
يومِ مشينا حول 100 كيلو كل الطريق مقطعه مافيه ولا حبه بنزينه يعني محطه بنزين
وانا مسوي واثق اقول ماعليكم اكيد فيه تخيل كل الطريقِ كذا مافيِ محطات
عادِ عداد البنزين رن من جديد وقال باقي 35 كيلو وانا تورطتِ الصدق قلت لهم تحملوا اللي
بيصير الحين , واهدي واطفي المكيف ونفتح الدرايش وامشيِ 40 عشان مايصرف بنزين ويوصلنا بعيد !
المهم قلت ندق على امن الطرق نشوف وادق واقوله الله يسلمكِ لي 300 كيلو مافيه ولا محطه !!
قال وينك فيه بالضبط قلتِ قبل المدينه بـ 190 كيلو يمكن , قال ايه أقرب محطه لك بعد 50 كيلو
انا هناِ وقفت عيوني وتشنجت كليا وش السواه وش الحل !
قلت تعالوا يرحم امكم هناك ترانا عائله لو انه انا لحالي يمكن اهون , قالوا زين .
المهم العدادِ يقول باقي لكم 15 كيلو وتموت سيارتكم خلاص
المهم وقفت يمين وامن الطرقِ يقهرون ماجواِ وحنا حرر موت فطسه
ودعاءِ واستغفار وكل شئ الظاهرِ بعدِ صلينا استخاره مافيه شئ ماسويناه :|
يوم تأخر هالحلوِ حق الامنِ قلت بمشي واللي يصير يصيرِ ونمشي ونتلفت يمنه ويسره < متعوب عليها
المهم التفت واحد من العائله وقال يمين هناكِ قريه قلت وش دخل القريه في المحطه .
ورحتِ قلت ادخل في القريهِ واخاف تطفي السياره ونتورط صدق
المهم دخلت وتوكلت على الله ونمشي يمكن كيلوين مدري 3 ونلقى مسجد
ثمن التفتنا يسار ولا فيه هالمحطه اللي رايحه فيها
قلت لا وين ذي شكلها قديمه ومهجورهِ مصدي كل شئ فيها , المهم اني رحت للمحطه وقفت اضرب
كود احد يطلع لو جني من تحت الارضِ بس اهم شئ نعبي .
والحمد لله طلعِ لنا يمنيِ وقالِ ان فيه بنزينِ , والله ياكانتِ كربه وانفرجتِ وقممه السعاده بعدها
شوفوا هذي هيِ قريتنا الحلوه اللي عليها مربع احمراني



وهذي محطتنا الاحلىِ من القريهِ مع اليمني الحلو



وهذا عداد البنزينِ يوم وقفت عن المحطه




وبس هذي السالفه كلها
اللي تعلمناه من درسنا اليوم ان كثره الاستغفار تفرج الكرب
هاهِ اكيدِ هذي عبره لكم عشان تعبون وتخلون معكم اجياك بنزين في الصندوق ولا الشنطه
وبسِ

هذيِ مقدمه ترى للموضوع
يالله الحين نبدا الموضوع الصدقي

نبدأ يالله بجده ؟



أختيِ رابعه فيِ جده
عادِ اول مرهِ ادري انها تحب الشاني
احسِه شئ قديم مره



كورنيشِ جده الظاهر , عادِ فكروا في الصورهِ وحطوا شعرِ حزين على ذوقكم هماه



ياحظه ودي كذا اوقف زيهِ ويحيط بي البحرِ من 4 جهات < عرفت الاجابهِ [ الجزيره ] صح ؟ < أرجوكِ كمل بدون ماتعلق على الصور
ايهِ اقولكم من 4 جهات وافكرِ لين يطلع شيب في راسي .



الصدزِ اني ماعرف هالاوادم بس من قدهم صاروا مشهورين
بس قهر لو انهم لابسين سروال وفنيله احلى ولا ؟



هههِ , هالشئِ الكبيرِ يوم شفته قلت راكبه راكبه الله لايعوق بشر
بسِ المشكله وش لون بروح له
وديِ اني طبيت اسبح واسبحِ لين اوصل واقول وقف وش لون ناخذِ دوره يابو الشباب < يِ زين القرآوى بس :$




مافيه شئ غريب في الصوره ؟ < لحد يتحمس مافيه شئ بس مافيه تعليق




الاحمرِ اسرع واحد ماتوقعت مفروض السمين يصير ثقيل وبطيءِ !





أعجبتني حركه الموجِ وكانه ينقزِ و يرقصِ فرحاِ بقدوم الصيف < عارفِ بصرف نفسيِ لحد يدف









وهذيِ صورة القمرِ قبل شهرِ تمامآ من الحين



أعجبني ِتدرج الجبالِ .



يَ رب يجينا شوي في الرياض .
النقطهِ اللي يسارِ فله شكلها



واكيد ِوقت المطرِ مانستغنى عن هالحركه .






ع البرتسهِ الكامِ لَ أخيتي
تكسرها بالعافيه



وهذا شلال في المدينه المنورهِ - حديقه الشهداء الظاهر .



ههههههههههههههههههههههههههههههههههههههههههههه
تكفونِ علموني وش معنى دقهليه !!
دقيقهِ برب بترجم بالاردو في قوقل

باكِ
ماشِ ماطلع ترجمه لها
ترجمتِ من عربي لاردو مافيه ! من عربي لفارسيِ قلت كثار الايرانيين في المدينه
يمكن فارسيه بعد مافيه اجابه
يمكن قصدهم سياحه داخليه ؟ صح !




برضوِآ اخواتي هنا عنِ مسجد القبلتين الظاهر



عاد الحين نجيِ لخرابيطِ القطرات والماءِ وكذا




دايمِ سلاح الجريمهِ هاللي يفكِ ازمات في التصوير



هناِ الماءِ ملأ العدسهِ بس اشوا صورت قبل مايصقع صورت وهو جاي في الطريق



كِ أنه مطرر . . < بديتِ افقدِ السيطرهِ وادروخ ترى لاتشرهون قلِت بربرتي

عادِ بما انِنا جبنا قطرات وكذاِ نختم مشوار القطرات بَ الصوره ذي



لوِ آن الصوره افتح شويِ كانِ طلعت احلى بس وش نسوي العوض ولا القطيعه
ولاتسرفون في الماءِ هماه




وهذيِ مقبره البقيعِ الله يرحم صحابتنا ِوكل المسلمين
ايهِ صحِ مافيه شئ غريب في الصوره هَ المره صدق فيه شئ غلط
شوفوا اللوحه , اللي يمينِ مكتوب ِ[ دعاء زيارة القبور ] صح ؟
طيب اللوححه اللي جنبها ؟ كاتبين [ دعاء زيارت القبور ] حاطين تاءِ مفتوحه
شكلهمِ مسوين كل لوحه عند خطاط .








فقطِ لِ زياده المعلومات لدى الجميعِ



اعجبني الغروبِ وقلت لازمِ اخّذ صوره له .



مدري وش لون ماخافت
فله عيون الثعبانِ

الحينِ نروح للقرود



وهيِ تمسكه كذا وتحن له وتشتاق حسيتِ انها امهِ < قلِ قاء



دعايهِ لِعصير سنتوب
الظاهرِ محدن شاربه بعدِ هَ الصوره



هذاِ أحيان احسِ انه ملكعِ مع هالحركه بالخشه واحيان اقول تسنهِ شايب



الله يفرج لهم بس

تفضلوآِ محاولِتي لتصويرِ صوره متحركه :$
صورت كم صوره وشبكتها في بعض






وطبعاِ بعد ماحنوا فوقِ روسنا وازعجونا ركبناهم ,
ولو هالسودانِي لعابِ عطانا سعرِ مدري وش يبي عشان دوره وش صغرها
بسِ الحياة حلوه



أعجبتني الالوان
بس ماعجبتني الركبهِ < محدِ قال شئ وش فيكم تناظرون




إي والله كانتِ ايام حلوه ليتها تنعادِ كل سنه بس
جمعهِ وسواليف ووناسهِ كل يوم
الله يوسع صدور الجميع بس



شكلِ المويه فلهِ وهي متشابكه كذا








يالله انكِ تسهل علينا ونعتمر في رمضان ثانيه
وتخف الزحمه بعد



طبعاِ اكيد هالشئِ ضروري في تصوير في مكه



تصويرِ ثاني للغروب , والله يِ اني مرهِ ماشوف طريقي بسِ بكأفح حتى النهايهِ







الصدقِ بس كذاِ قلت اقهركم
ولا لوِ تبون الصراحه مافيه شئ يميزه عن باقي المطاعم بس معروفِ الشئ اللي موب عندكِ
تبيه حتى لو انه شئ عادي < تكفى كمل وانت ساكت



طبعِآ قلتِ احطه بالتأثير ذا ادري بايخ بسِ الصوره الاصليه بحطها في الرد الاخير



سنه ودي اقرا وش مكتوب على شنطتها بسِ عجزت



كشفتهمِ متى يفتحونها < لعد تتكتشف مره ثانيه




الحمد لله انيِ وزيت الكامِ فِ عباة اختي عشان اطلع لكم بصوره زي كذا



الولدِ اللي فوق بارِ بَ أمه , ربناِ يدخلوا الجنهِ ويانا وكل مسلم



وهذيِ صوره لمسجد الرسول صلى الله عليه وسلم








حبيتِ اجرب العزلِ على الطيور والحمد لله ضبط



بنت خالي لمار
الله يخليها لاهلها



تروع هالقطوه
مدري على ايشِ غاليهِ , كل ماجينا نلمسها هاوشونا

وانتهى الموضوع اخيرا
ماصدقِ والله
الحمد لله انهِ ماصار شئ في النت بس ثمِ يجينيِ شئ
الموضوعِ بين اياديكم ,
انطلدزوآ

الله علييييييك مبدع ~

اعجبتني الصصور صراحه

واهممم شي السالفه اللي بالبدايه

ماقصصرت ياراعي شقراء

ابدااااع ماشاء الله وصور مكه حللللوه

الله الله .. بصراحـهـ .. ابداااااع ..... وش اقول بس .. راااااايق الله لايغير علييك وتصويرك راااايق والرحله راايقه وكل ابوو شي راايق

الصور رهيبه وواضح عليك الابداع ماشاء الله ...

على فكره الصورة ذي :



هذي مقبره الشهداء وهي بجوار جبل أُحد ...وليست مقبره البقيع ...
ذلك انه لما استشهد سبعين من الصحابه في معركه احد ... قام المسلمون بدفن شهداءهم السبعين في هذه المقبره .. فيهم أسد الله حمزة بن عبد المطلب ومصعب بن عمير رضي الله عنهم اجمعين .

ومقبره البقيع بجوار المسجد النبوي تماما ..





ماشاء الله تبارك الرحمن .... الله يحفظهم ويصلحهم ..





كل الصور مثل ماقلت ابداااع بس صراحه الصوره ذي :




كلام ثاني .. مبدع والله




لاتحرمنا يابعدهم << قلوووووب

شغل متعوب عليه / مجموعة صور جميلة
بر و بحر و فالفضاء ، قديم و حديث !

أهم شي البيك / ليته يفتح عندنا فـ دبي ،،
بصير زبون دايم لهم خخخخخ

تسلم الأيادي عزيزي

ماشاء الله ابداع بصراحه
الله يعطيك العافيه

الصور رائعه والمجهود تشكر عليه