السلام عليكم ..

بالبدايه أعرف بتقولون تراك كاثر هالأيام وكل يوم منزل لنا موضوع
بس أوعدكم هذا آخر موضوع أنزله بهالشهر الفضيل
* حبيت أنوه أن آخر موضوعين مو صاحب العضويه الحقيقي الي منزلها شخص أخذ العضويه لمده ما *
أشكر صاحب العضويه لإتاحتي الفرصه


حبيت أعتذر من كل الي زعلوا أو عصبوا من موضوعي السابق الشعب يريد نامي والبيشي ولا يريد الشهراني ... تمنيت يكون أسلوب ردودكم أفضل وأرقى من كذا ، فالبعض وصفوني بالمندس !!!
لكن آسف على كل حال

قبل ما أبدأ موضوعي لاحظت وبعد مشاهدتي للمباراة أكثر من مره أن مكان اللاعب محمد نامي جناح أيمن (( يعني مكان اللاعب السويدي ويليهامسون )) فنامي ممتاز هجوميا
وياسر الشهراني في حال مجيئه يكون ظهير أيمن .. فنحن لدينا الزوري وشافي في خانة الظهير الأيسر .


نبدأ بموضوعي :

ناس بطولاتها غايبه وتحضر .. وحنا كل سنه بطولتين ونهجر
حـــــــــــــــــــمـــــــــــــــلــــــــــة ( أعـــــــــــــــــــــــــــد )

شي مخجل ومحزن ويحز في الخاطر لما يطلع الأسطوره سامي الجابر على الطبعه الرابعه ويقول لما عرضنا المباريات على المدرب شد نظره حضور الجمهور الهلالي ، فالمدرب كان جزء من موافقته على عرض الهلال هو جمهور زعيم اسيا !

أيضا بالنسبه للاعب المهاجم الكوري قال جئت لنادي جمهوره الأكبر في آسيا
وفي نفس الحال بالنسبه للمغربيان هرماش والعربي .

لكنهم صدموا بعدد الحضور الذي لايتجاوز الـ500 في المباراه الأولى ، والذي قل في مباراتهم الثانيه ... أما المباراة الثالثه ؟
مباراة تحديد البطل ... مباراة مع بطل
أتمنى أن نشاهد حضور قوي

أنا هنا لا أتراجكم الحضور !
فهذا حق من حقوق اللاعبين والنادي وواجب عليك كمشجع

أنت مشجع مهمتك الحضور والتشجيع والمؤازره
أنت لاعب / أنت إداري مهمتك أن تأدي مهمتك بأكمل وجه لتسعد جمهور ناديك

وأنتوا ماشاء الله عليكم ما أشوف تأدون مهمتكم !!!!
قاعدين متكين على هالمنتديات وهاتك سب بالاداره والاداره مو احترافيه ماتعرف تشتغل ماجابت اسيا !!!!
ليش تسوي كل هذا عشان مين تسويه ؟؟
على جمهور قاعد متكي وينقد ومايحضر ؟؟
إذا أنت ما أديت الي عليك تبي الإداره تأدي الي عليها ؟؟

شبيه الريح ماقصر ابدا ابدا هذا الموسم !!!!
أنتوا تدرون فلوس الأجانب والمدرب والجهاز كل تعاقداتنا هالموسم من جيبه الخاص !!!!
من جيبه الخاص !!!
محد فكر يوقف معه ويدعمه ..

بعد هذا كله شبيه الريح قاعد ينتظر رد الجمهور عليه ...
مايبي منكم شكر بس يبي حضور ......... حضور !!

والمشكلة إيش الآعذار الي تمنعكم من الحضور ؟؟
كل يوم عذر

جمهورنآ يالغوالي ترى مو بس جمهور الهلال يتعامل هالمعامله من أمن الملعب ،،، كل جماهير الأنديه تتعآمل بالمعامله نفسها !!!
بس هو يصبرون لعيون نآديهم..

أجل آلجماهير الثانيه بالتدريبات تملي مدرجاتها وأنتوا بالمباريات تبخلون

حملة ( أعــــــــــــــد )
الحمله للشنبات بس يعني البنات برا
مو شرط لجمهور الرياض .. لجمهور الهلال في كل مكان
كل واحد يحط هالجمله بتوقيعه ( أعدك ياشبيه الريح )

تعده بأنك ستحضر كل مباراة في مدينتك تستطيع حضورها وتشجع وتؤازر 90 دقيقه .

جمهور الزعيم الهلال من يوم ماطلع على الدنيا وهو يحتل الصداره في جماهيرته في كل البطولات سواء وديه أو رسميه
حرام نخرب صدارة كل هالسنوات

وزي مايقولون ....
يالله ننسى الي حصل ونجعل الدنيا أمل ونفرح ببكره سوا

يعطيك العافية على الموضوووع

ان نشاء الله باذن الله اللي ما تنام عينه


ومن اللحظة هذي الجمهور باذن الله حاضر ليوم الاربعاء


تكمل فرحه الزعيم بالجمهور وباللاعبيين الجدد


يعطيك العافيه ع الموضوع والطرح المميز

طيب يصلح ارد بما اني لست من الشنبات ولا مايصلح

انا اقول الناس اللي بطولاتها غايبه وتحضر .. عذرا إنها غــــــــــبية

وايش استفادت من حضورها لمدة 13 سنة ولاشئ

ولو اني بمكانهم غيرت ميولي لأي نادي وش لي بالامراض ووجع الراس وآخرتها كورة وخسائر



.

إقتباس الرسالة الأصلية كتبت بواسطة ghrshop , بصراحه الحظور مطلوب المباراة القادمة واللي حاب يتعذر بمباراة البرشا مع الريال , فَ البطولة لـ برشلونه حنا بـ الشهر الفضيل ومكاني يبعد عن الرياض 700 كم فقط شمالاً ولا كان جيت من بعد الفطور حتى اتسحر بـ الملعب لازم يحظرون جماهير الرياض , وش يبون اكثر من كذا كل شئ وفرته لهم الأدارة من لاعبين اجانب ومعسكرات قوية انا كل موسم احظر 10 مباريات تقريباً وانا من رفحاء , اجل لو كنت فـ الرياض كان دقيت خيمتي في استاد الملز

اي قسسسم ,’
حتى أنآ من رفححاء ,’ وأكثر من مررهـ أمسك الخط 700 ميه كم لعيون الزعيم . . !
يآليت لو إني في الريإض ,’

العتب على جمهور الريإض ,’

بإذن الله نشوف حضؤر عال العآل ,’
بالتوفيق للزعيم ..!

مشكوووووووووووووووووووووووووووووور

لايهمك احد انت المشجع الحقيقي .. قال ايش قال مندس ..!!
انا متابع لمواضيعك المتميز على طول , موضوعك بطل وكان فـ بالي ..!
تــشكر

جمهور الرياض يرفع الضغط كلام بس ونتاقادات على الادارهـ وليش راح ياسر !!

والحضور اخر اهتماماته ليش بله مب ناديك ! ليش ماتدعمونه معنوياً ترى الحضور يأثر في مستوايات الاعبين وتحفيزهم كي يقدمو مستويات افضل والله ان مشكلتكم مشكله صار حتى الحضور الجماهيري مشكله !!

ووربي جد ًٌَ ابو فيصل ما قصر معنا وخدمنا ًٌَ نبي بس نثبت الحضوور في كل مباراه ًٌَ غيرنا 13 سنه ما شوووف البطوووله وتشووفهم يطامرون في المدرجات وتقووول متصدرين الدوري وماخذين البطولات كلها ههههههاي ترى ماقصد الفقراااويه ًٌَ والاتحاد السنه هاااذي يطااامرون في المدرجات وانبحت احلوووقهم وفي الاخير ولا بطوووله ههههههاي الحمد لله ًٌَ بس احنا كل مووسم اقل القليل بطووووووووووووووووولتين ًٌَ ولا نخلي لهم الا بطوووله لعشان يتحمسووون ًٌَ وايضا من باب الرحمه لهم هههههاي ًٌَ فلازم انا نساااند الفريق الملكي ًٌَ نادي الزعيم ًٌَنادي القررررن ًٌَززززززززززززززعيم اااسيا ًٌَ وانا وعد مني ان شاء الله اني احضر كل مباراه في الرياض ًٌَ ووعد وووعد ًٌَ وشكرن يا زعماء ًٌَ

الله يعطيك العاافيه وبأذن الله يكوون الحضوور في المباراة القاادمه افضل

.

.

يعطيكم ألف عافيه على الردود .. وشكراً يامشرفين