|
أكبر حمله للمطالبة بإقامة حفل بعد العيد يا إدارة الهلال و موبايلي..ما حققه الشباب و الأهلي لا يوازي ماحققناه ونريد الإحتفال أسوة بهم..تفضل لا تستعجل ! بسم الله الرحمن الرحيم سلام الله عليكم ورحمته وبركاته وتقبل الله منا ومنكم صالح الأعمال .. كل الشكر لسمو رئيس النادي الأمير عبدالرحمن بن مساعد ولسمو الأمير عبدالله بن مساعد وللأستاذ سامي الجابر وللمهندس أحمد محجوب ولكل من كان له يد أو صوت في التعاقدات والتغييرات التي حصلت مؤخرا في النادي .. احتفلت قبل فترة ليست بطويله إدارة نادي الشباب بفريقها ( الأولمبي ) مع جماهيرهم وبحضور الفنان ماجد المهندس لتحقيقهم البطوله الأولمبيه كأس الأمير فيصل بن فهد للفرق الأولمبيه وكان احتفال رائع جدا واليوم الخميس 11 / 9 / 1432 هـ يحتفل نادي الأهلي بحضور جماهيرهم وبحضور كبار الأهلي وبحضور المعلق المبدع معلق لاين سبورت عامر عبدالله بتحقيقهم كأس الملك للابطال ( البطوله الأفقر فنيا ) ولكن هو احتفال بمعنى احتفال وقدم المنسقين للحفل فقرات رائعه جدا ومازاد من جمالية الحفل الحضور الغفير للجمهور الذي ملأ مدرجات الملعب الموجود بمقر النادي ,, إدارة نادي الهلال وموبايلي .. أليس من حقنا كجمهور هلالي أن تقيموا لنا احتفال في مقر النادي ونحن من حقق نجومنا البطوله الأقوى بطولة الدوري وبطولة كأس ولي العهد وبأرقام قياسيه .. أليس نحن من حقق الأفضليه في الحضور الجماهيري للموسم الماضي رسميا والتي أعلنتها هيئة دوري المحترفين .. أليس نحن من حققنا الأفضليه في شراء المنتجات والمبيعات الرسميه للنادي وأيضا كان ذلك رسميا .. أليس من حق نجومنا بما حققوه هذا الموسم الإحتفال معنا .. أليس من حقنا أن نحتفل أمام الملأ والتفاخر بما حققناه أمام الجميع وبحضور نجومنا وكبار رجالات نادينا .. أمنيه نتمنى أن تتحقق وقبل بداية الموسم القادم .. نريد أن نحتفل يا سمو الأمير نريد أن نحتفل يا موبايلي .. اقتراح بسيط .. بما أن فترة الإجازه لجميع منسوبي النادي هذا الموسم ذهبت فترة تعاقدات وفترة إعداد وفترة تجهيز وعمل ولم يكن هناك وقت للحديث أو الخوض في موضوع الإحتفال بشكل جدي .. والآن الفريق مشارك في بطولة وديه في الرياض ولن نجد الوقت للإحتفال في شهر رمضان .. الإقتراح : أن يتم الحفل في بداية شهر شوال ويتم التنسيق مع إدارات أندية اللاعبين الأجانب والمحليين اللذين كان لهم دور بارز في تحقيق نصف بطولات الموسم الماضي وليسوا موجودين الآن بالسماح لهم بحضور الإحتفاليه لليله واحده فقط .. وبذلك يكون الإحتفال ( بالبطولتين - باللاعبين الأجانب والمحليين اللي ذهبوا من الفريق - بقدوم العيد - ظهور اللاعبين من جو الإعداد وتحفيزهم للموسم القادم نفسيا - والتعرف أكثر على اللاعبين الي تم التوقيع معهم مؤخرا ) ,, هذا مجرد اقتراح متواضع ليس بمهم قدر ما هو مهم إقامة الحفل ,, أتمنى منكم التفاعل يا جمهور الزعيم لأخذ الموضوع بشكل جدي من قبل الإدارة وموبايلي .. وكلنا ثقه في أبو فيصل و موبايلي للعمل على سعادة وفرح جمهور الهلال دوما .. صحيح ثقلنا عليك يا ابو فيصل وصحيح مفرحنا بصفقات جباره في الفتره الأخيره .. ولكن كل ما نريده من إقامة هذا الحفل هو أن نعامل أسوة بجماهير الشباب و الأهلي وأن نفرح معكم مثل ما فرحوا هم مع أنديتهم وصدقني يا أبو فيصل حضورنا للحفل إن أقيم هو ليلة وفاء لنجومنا السابقين ودعم لنجومنا القادمين ووقفه شكر ووفاء مع سموك وإعلان التحدي للموسم القادم .. اعذروني على الإطاله .. محبكم / يزيـــد الهلالي .. تحياتي وودي..... |
للرفع يا مشرفينا الأعزاء تحياتي وودي...... |
شكرا على الرفع تحياتي وودي...... |
الله يعطيك العافيه والله انك صاادق نبي حفل كبير في النادي بمناسبة تحقيق الدوري وكأس ولي العهد |
اشوف الحفل بهالوقت ماله داعي وجهة نظري |
إقتباس:
|
إقتباس:
أحترم وجهة نظرك وشاكر مرورك .. |
الله يهديك اخوي احنا لو كل بطوله بنعمل حفل كان بالسنه نسوي 3 او ار4 احتفالات الاحتفالات للي ماعندهم الا بطوله وحدة وبس الله يهديك بس |
إن شااء آلله بيكون حفل لآعتزآل آلدعيع هآلموسم .. <_ أتوقع .. آمآ بآلنسبةة لحفل بعد آلعيد .. مآله دآآعي آبد آبد .. لآنه بيكون بدآيةة موسم .. لآ وآللي يضحك بعضهم يطآلبون بمآجد آلمهندس وكم فنآن يحيي هآلحفل .. بس برد عليهم بهذي آلآيةة : قآل تعآلى : ( ولئن شكرتم لأزيدنكم ) مع آلشكر تدوم آلنعم .. ومآ أتوقع حفل به مآجد آلمهندس ولآ آي فنآن جآبوه آلآنديةة آلثآنيةة يعتبر شكر .. شُكرآ ويآليت تتقبل رأيي بصدر رحب .. |
مجانين نحتفل الحين ببطولات الموسم اللي راح خلنا نستعد للموسم المقبل احسن |
اي والله ياليت نحتفل كل موسم بطولتين < ماشاء الله ومانحتفل وفيه ناس تأهلوا لبطولة بالتصويت قبل 10 سنين ويبغون يسووا حفل هههههههههه |
لا نريد احتفالات نحن كزعماء تعودنا ع البطولات من بطوله لبطوله وهالازرق من يطوله نحقق إنجاز وهات الي بعده ماننتظر احتفالات وبعدين مايكفيك هداياااااا ابوفيصل أجانب مميزين وبعقود طويله وبمبالغ عاليه تبي غير كذا هدايا تبي اكثر من كذا احتفال واحتفالاتنا في المنصات شكرًا ابوفيصل انت كل شي وماقصرت ولا نبي حفل فنحن ننسى الإنجاز ونبحث عن الي بعده والله طماعين انتم لاعبين وبطولات وتعب وجهد ريئس واداره فاضين انتم الناس متفرغه للبطولات والإنجازات لا تكثرون طلبات بايخه وغير منطقيه والا صار صاحب عسل ....................... ولا قضيتنا الحين ولا عندكم شغله خلاص دلعكم وحقق ماتبون وطغيتوا خلاص انتظروا الحصاد وجاااااااء دور الجمهوووووور الحين لدعم الفريق وخلوا عنكم الكلام الفاضي |
إقتباس:
شااكر مرووورك أخوي أنا لم أطالب بحضور أي فنان أبدا أنا ذكرت إن ماجد المهندس حضر لحفل الشباب فقط والقصد إنه فنان بحجم ماجد حضر لحفل بطولة أولمبيه صغيره ونحن حققنا أكبر البطولات ولم نقيم حفل متقب رأيك بكل صدر رحب حبيبي |
ما فيه وقت للحفل يا غالي اتمنى الحفل بعد انتهاء من ها الموسم لاني اتوقع بيفجر الدنيا الزعيم إذا الله اراد . |
اللي رادين معصبين يذكرون الله ويهدون اشوي ترى الموضوع ماهو رسمي مجرد اقتراح وأنا لم أطالب بكل سنه ولا بكل بطوله نحتفل هو احتفال بسيط ليلة وفاء دعم لاعبينا الجدد نفرح معاهم طيب الشباب تقريبا كل سنه يحقق بطوله وأقام الحفل .. يعني كل سنه بيقيم احتفال ؟؟ طبعا لأ هو حفل وفاااء فقط ومانبغي مطربين ولا ناس مشهورين بين بعض حنا ولعيبتنا فقط شاكر مروركم |
وهل ترضى يساوونك بغيرك من الانديه بطولاتيا وأجانب لن ترضى ،،، اذا لا تطلب المساواة فانت غيررررررر نحن غيرررررر |
ياليت لو فيه حفل يبعدوا عن الاغاني اذا يبون توفيق الله والمنشدين وش زينهم .. ومن رايي خلاص مالها طعم .. نسينا البطولتين إذا أخذ الهلال بطولة آسيا ساعتها نحتفل .. أما الهلال يفوز بالبطولات المحلية فشيء متعودين عليه حنا .. نرفع سقف التطلعات شوي ونوفر فلوس الاحتفال بجلب لعيبة يخدمون الفريق وبالتوفيق للهلال , :) |
يا اخي حنا في الموسم تعودنا اقل شيء بطولتين .. وهذا طبيعي لفريق بطل الاهلي كم له من سنه ما خذ بطوله وخالد بن عبدالله تعب لين حققها فمن الطبيعي هالاحتفال عموما حنا متعودين على البطولات الله لا يغير علينا وما ننحتاج احتفال غير في اليوم الي نحقق فيه البطوله |
لاتكون حفل ابو دعيع احسن |
مااااااااااااااله داعي وانا اليوم اضحك على حفل الاهلي الناس تعد للموسم القادم وذولا يحتفلون انا يوم سمعت ان فيه احتفال توقعت انه اعاده لكن للتذكير على ما اتعقد انه كان فيه حفل للموبايلي نهاية الموسم للاحتفال ببطولات الهلال لكن الغي لسبب انه ماله داعي وان الاعبين يبون يقضون اجازتهم واجازتهم قصيره فماله داعي >>> والله ياهي ماسكه معي ماله داعي وتقبل مروري |
بعد رمضان نبيها ونبي رابح صقر ههههههههههههههههههههههه |
#### صآدق و اول من طبق الاحتفال الهلال مع موبايلي اول سنهـ كانت منقوله على ART ان شاء لله يكون فيه احتفال في النادي .. بالتـــوفيق + مشكور |
انا بنسبه لي ما اؤيد اقامة احتفال لان الاحتفال للانديه المحرومه من الانجازات فيحق للشباب و الاهلي الاحتفال لا الومهم ابدااااااااااا |
| الوقت المعتمد في المنتدى بتوقيت جرينتش +3.
الوقت الان » 08:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd