|
في تمرين اليوم " توزيع استبيان على الجمهور لسحب شارة القيادة ,,وسوفو يسجل اليوم أيضا" ------------------------------------- <(بسم الله الرحمن الرحيم)>------------------------------------- أسعد الله مساؤكم بكل خير ..... ننقل من نادي الهلال تمرينات الفريق لليوم الثالث على التوالي "بعد العيد"...... تقرير اليوم يشمل على نقاط أساسية وسأتكلم عنها بشكل تفصيلي بالأسفل: "النقاط على الطاير": @ تم توزيع استبيان على الجمهور بشأن سحب شارة القيادة من سامي الجابر .....وأخذ تواقيع الجمهور اللي يعارض على سحب شارة القيادة......"التفاصيل بالأسفل" @ أقيمت مناورة إنتهت 4/3 لصالح الأزرق ...."التفاصيل تحت" @ تم تدريب اللاعبين على التسديد من خارج منطقة الجزاء.... @ تم تدريب اللاعبين على فتح الخانات مع اللاعب اللي معاه الكورة .... @ تدرب اللاعبون على رفع الكرات العرضية خارج منطقة الجزاء؟؟؟؟؟ @ جمهور جيد وملحوظ حضر تمرين اليوم ..... @ سوفو تفاعل كثيراً مع زملائه اللاعبين...... @ شارك اليوم بدرا,,,وواصل لطف ...والمفرج مادري ووينه ... ماحصل اليوم بالتفصيل....والممل بعد...: ### وزع أحد الجماهير استبياناً على الجمهور الحاضر للتمرين اليوم وكان هذا الأستبيان بشأن سحب شارة القيادة من سامي الجابر وهل أنت مؤيد أم معارض؟؟ ...وقرأت من ضمن ماجاء في الإستبيان (لماذا لم تدافع الإدارة عن سامي الجابر حينما يتعرض لحملات إعلانية) ...." على العموم أنا ماشاركت في الإستبيان بس قريته ....وأخوي شارك فيه " أرجو عدم الإستعجال في الردود حتى نعرف رووسنا من رجلينا ... ###أقيمت مناورة حماسية للغاية من اللاعبين,,,, والجمهور حسّـــوا أنهم يناظرون لمباراة حقيقية.....المناورة أقيمت في منتصف الملعب لفريقين بالأزرق والأبيض .....سوفو كان رائع في التمرين وسجل هدف وتفاعل كثيراً مع زملائه اللاعبين ....والجمعان مازال يواصل مسلسل الشوتات اللي في السماء وسجل هدف بالراس ... وألاحظ أن وزنه زايد .... أندريه عطائه لم يكن كما كان بالأمس ....نواف لعب على الجناح الأيسروسجل هدف ....عبدالله سليمان لعب مهاجماً؟؟؟ وسجل هدف بعد.....الشلهوب يلعب بحماس منقطع النظير وياليته يوزع الروح اللي يملكها على اللاعبين "ماشاء الله " عليه ......أحمد الحربي فنان ..فنان ...فنان ..يحتاج للتوجيه من اللاعبين الكبار ..لكي تُــستثمر مهاراته لصالح المجموعة ككل... على العموم سجل للأزق كل من : الجمعان "راسية " ,,عبدالله سليمان " انبراش" ,,المسعري " شوتة " وسوفو " بمهارة فردية راقية " ................. فيما سجل للأبيض : حسين العلي بعد مجهود خارق من التمياط....وسجل الهدف الثاني التمياط ....ونسيت من سجل الثالث ....أظنه حسين العلي.... ### أقيمت قبل المناورة عدة تمارين تكتيكية : مثل التسديد من خارج منطقة الجزاء اللي تحسن فيه اللاعبون عن الأمس ....ولكن الجمعان يشوت باستهتار كبير فبعض الكرات تُــجهز له على مشارف منطقة الجزاء ...ولكن يأبى الجمعان إلا أن يسطح الكورة:mad: :mad: ... أندريه تسديداته متقنة ...والبقية كما ذكرت تحسنوا عن أمس .... ### التمرين التكتيكي الثاني كان التركيز فيه على إسقاط الكرة من خلال الأظهرة للاعب يقف على مشارف منطقة الجزاء واللي يجهزها بدوره للاعب يأتي من الخلف ويسددها على المرمى ..."عساكم فهمتوا "...تراه صعب وبلاتشي قعد يشرح فيه ساعة ..... ### التمرين الثالث ..نفس تمرين أمس يتركز على فتح الخانات للاعب اللي معاه الكورة ...حيث لعب اللاعبون على شكل دائرة وتواجد في المنتصف ثلاثة من اللاعبين ليقطعوا الكرة ... ### واصل سامي الجابر علاجه ....ولطف واصل غيابه "لطف فهمها بس باقي المسعري مايفهم بسرعة " ,,,,وبدرا عاد وشارك بفاعليه خلال التمرين ....والمفرج والله ماأدري وينه فيه " ماودي أظلمه وأقول أنه غايب لأنه ماهي من عاداته " ... ### الجمهور اللي حضر اليوم أكثر من رائع ويشكر وكان مابين الجماهير نقاشات ساخنة حول بعض النجوم ياليت تحضرون وتستمعون لها ....على فكرة ترى التمرين يبدأ بعد صلاة المغرب مباشرة .... ### فيه بعض اللاعبين مستهترين لدرجة لايمكن وصفها وأحس أنهم يؤثرون على الباقين ....( الشهراني ,,فيصل الصالح:no: :no:للأسف ,,الجمعان ,, شكله يشوت وهو مغمض " والله غثنا بعدم تركيزه" )وغيرهم لايتفاعلون بشكل كبير ### هناك مجموعة كبيرة تشارك بحماس وانضباط كبيرين ...مثل الشريدة ..والتمياط ..والشلهوب ..وغيرهم وهم كثار ولله الحمد ...بس كما ذكرت هناك قليل من المستهترين ...وأحس أنهم هم اللي أثروا على روح الفريق.... نقطة أخيرة مدرب الحراس فاشل ...فاشل ...فاشل ...فاشل ...فاشل ... فنصف التمارين تروح سواليف والتمارين الباقية تمارين عجايز... هناك توضيح لجميع الردود في الصفحة الثالثة من الردود أرجو قراءته للشباب اللي شاركوا |
اشكرك على التقرير الفني المفصل. واعتقد ان غياب المفرج بسبب تادية فريضة الحج الله يتقبل منا ومنه |
هلا اخوي لن اعلق الا على الاستبيان الخاص بسحب الشاره من سامي,الا لهذه الدرجه وصل عدم الثقه في سامي ولهذه الدرجه تسمع الاداره لمن هو عدو للزعيم ,الهذه الدرجه نست الاداره التاريخ الحافل لسامي مع الزعيم الهذه الدرجه هان عليها سامي,ومن اجل من تستشير الاداره الناس في سامي,ياجماعة خير ان صدق ان هذا الكلام ( وانا هنا لا اكذب الاخ) فقولوا على الزعيم السلام لان هذه الفكره ليست من الاداره ولكنها من الصحافه التي همها القضاء على الزعيم وعلى من يمت للزعيم بصله وعلى راسهم سامي. شكرا لك اخوي. |
إقتباس:
بالعكس هذا تصرف أيجابي للغاية من الجمهور وذلك لإرجاع الشارة للكابتن سامي وتوضيح موقف الجمهور للإدارة.... أرجو التركيز لكي لايتم عكس ماأقوله.....وشكراً لك حبيبي |
هلا اخوي فعلا كلامك في محله والنظر شجر ,ولكن الا ترى ان مجرد التفكير في هذا الكلام يعني عدم الثقه في هذاالنجم الذي لن يتكرر حتى ولو كان من الجماهير. |
انا اقول ليش يخلون سامي يدفع الثمن ليش ننسى الي فعل سامي وسواه من اجل الهلال مايجوز اننا نسي ابدع سامي وتضحيتة من اجل الهلال وانا اشوف لا يستحق الكبتنية بعد الثنيان الا سامي |
مشكور اخوي شرشـبيل على مجهوداتك اليوميه وصراحه ابداع في التفصيل :) .. واستغرب عدم تـثبيت الموضوع ..! |
إقتباس:
|
الــــسلام before الكلام؛ إقتباس:
|
الله يكتب الي فيه الخيــــــــــــــــــــــــــــــــــــــــــــــــــــــــــــــــــــــــــــــــر المفرج يقولون حاج الله يتقبل منا ومنه واكيد يبي له يومين اوثلاثه ويجمع نفسه عقب ارهاق الحج لازم والله اعلم يكون فيه التهابات للجهاز التنفسي مثل بقية الحجاج ونادر مايوصل الحاج وهو ماخذا من الفايروسات الله يتقبل |
مع خالد اليوسف كلام سليم شكراً شرشبيل |
مهزززززززززززززززززله انا اسميها مهزله (( استبيان سحب الاشاره من الكابتن سامي )) والله مهزله كبيره اللي قاعد يصير الا على فكره اللي وزع الاستبيان هلالي؟؟؟ او من نادي اخر ؟؟؟ |
أشكر الأخ اللي يبدو أنها أول مرة يحضر تمرين ( أتمنى ماتكون الأخيرة ) ومشاهداتك مهمة ونقلك لها مشكور لكن ماهو شرط أن مارأيته ممكن يعمم على حال الهلال .... أما الإستبيان فبعض الإخوة ردوا بعد قراءة العنوان فقط دون قراءة الموضوع والسالفة أن اللي مسوي الإستبيان الجمهور ماهو الإدارة .... أما سامي فحتى لو نزل مستواه يستاهل التكريم والتقدير وتاريخه لاينسى ومكانته محفوظة عند الجمهور الهلالي .... |
مهزززززززززززززززززله انا اسميها مهزله (( استبيان سحب الاشاره من الكابتن سامي )) والله مهزله كبيره اللي قاعد يصير الا على فكره اللي وزع الاستبيان هلالي؟؟؟ او من نادي اخر ؟؟؟ |
ياهلا بالجميع,,,, مشكووور اخوي شرشبيل على نقلك تمرين الهلال بالتفصيل كن الواحد حاضر التمرين الله يعطيك العافيه :yes::yes: والله يوفق الهلال دووووم.,,,,,:yes::smilewink تحياتي ..,,,,:):):):) |
| الوقت المعتمد في المنتدى بتوقيت جرينتش +3.
الوقت الان » 05:21 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd