|
هذا المنتخب يشششرف لازم نعطيهم الثقه لان كم سنه ويمثلون المنتخب الاول الامكانيات موجوده لكن النفسيات يبي لها شغل كبير دايم نفسيات منهاره ومايثقون بانفسهم قدام المنتخبات القويه |
والله قهر قدموا مستوى رائع بس فرق اللياقة والاجسام لهم مستقبل جيد بس تبقى المشكلة الهجوم او اللمسة الاخيرة لازم يلقون لها حل بالتوفيق لهم في قادم الايام |
مادمر المنتخب الا التفاؤل الزايد والنفخ الوااااجد |
قهر والله قهر قدموا مستوى رائع جدا ,, والبرازيل نفعهم اسمهم اكثر من مستواهم اليوم لكن مشكلة المنتخب تنقصه اللمسه الاخير والا ياسر مسخرهم ويوصل كور لكن مافيه مهاجم عليه الكلام .. تمنيت من القروني يسحب ولد عطيف اول الشوط الثاني ويدخل السالم ,, ويدخل ايضا فهد الجهني ويكون مع دغريري ,, لكن الحمد لله المنتخب يبشر بالخير ومع الوقت والخبره والمحافظه راح يبدعون في الايام القادمه ان شاء الله ,, ونشكر الجهاز الفني المدرب خالد القروني والبقيه والاعبين على ماقدموا من جهد جبار .. |
خيرها بغيرها بس حرام الخلل واضح في المنتخب من الجهة الي يلعب فيها الزبيدي الهدف الثاني مع الثالث بدون اي مراقبة؟؟!!! صراحه خطااء ماله اي معنى يالله نعوضها في البطولات القادمه |
والله العظيم وانا صايم بعد الهدف الاول قلت لاخوي جنبي المفروض يطلع الظهير الايمن اللي اسمه الزبيدي لانه يرتكب العديد من الاخطاء وواضح ان كنتروله ضعيف وادائه سئ !! وين الدوسري !! برضه المحور اللي اسمه معن خضري تسبب بكرة الهدف الاول !! وتسبب بخطا فادح كاد يكلف هدف ثاني !! المفروض يطلع او ينبه لاخطائه الكوارثية من زملائه والمدرب !! بصراحة الشوط الاول ماقصروا شبابنا خاصة المهاجم فهد المولد اللي نقصه الحظ والتوفيق ولكن الغريب انه فرق اداء المنتخب بالشوط الثاني !! ماندري وش الاسباب يمكن جتهم مكالمة بين الشوطين نفخت فيهم ونزلوا بثقة مفرطة وبرود وهذا بلاء ابوك ياعقاب !! وسجل فينا باول دقيقة وبصناعة بالكعب باول لمسة من لاعبهم الجديد رقم 9 توه نازل الشوط الثاني !! مع ان شبابنا ماقصروا تحركوا بعد الهدف وصنعوا اكثر من هجمة والغى حكم الراية المتنح :ranting: اكثر من انفرادية بداعي التسلل :ranting: !! المعلق اليوسف للاسف مع احترامي له مايدري وين الله حاطه يقول باكثر من لقطة فيه شك تسلل !! فيه لقطتين مافيهم تسلل الاولى انفرادية لدغريري وسط الملعب عند الدائرة بالاعادة لايوجد تسلل :ranting: !! الثانية اللي اوضح من الشمس المهاجم اللي ارتبك فيها وطقها راس عند الحارس اظنه دغريري مافيها تسلل وابو الشباب حكم الراية اوتامتيك رافع ايده جعله الكسر :ranting: !! الثالثة الاهم ركلة جزاء صريحة لمنتخبنا بعد دعس قدم مدافع البرازيل على قدم مهاجمنا ياسر :ranting: !! والنتيجة كانت 1-0 :ranting: !! والحكم بدل البلنتي يعطي لاعبنا كرت اصفر بعد مشورة من لاعبي البرازيل :ranting: !! حسبي الله عليه حنا نلقاها من وين ولا من وين من الاخطاء الفردية ولا من اخطاء الحكام والحظ !! انا لا اتحجج بالتحكيم لكن قهر نواجه اقوى منتخبات العالم البرازيل ونواجه بعد تحكيم !! ع العموم ماقصروا شبابنا خاصة الشوط الاول والاهداف اخطاء فردية من المحور وقلوب الدفاع والحارس . وان شاء الله شبابنا يكسبون الخبرة مع الايام ويشرفون الكرة السعودية . |
عكس كل ما قيل كنت متفائل قبل ان ارى التغيرات التي طرأت على الاخضر في هذه المباراة المهمة تنويه بسيط لاحضت ان القروني غير جبه كامل وهي الجبهة اليمنى بدخول معتز هوساوي وفهد المولد و علي الزبيدي (اضطراري) بحكم اني مدرب حواري ولي في التكتيك شوي اتوقع راح تكون الجهة اليمنى منفذ للبرازيل الي يتمتعون يقوة هجومية هائلة وضعف في خط الدفاع تمنيت لو كان دخل عبدالله حافظ كقلب دفاع ومعتز هوساوي كظهير ايمن ونقفل الدفاع بحكم تواجد معتز الي توه راجع من اصابة فبذالك بيكون عنده المعدل اللياقي ضعيف قليلا فما يتحرك من مكانه اليوم الوسط ادخال فهد المولد في هذي المباراة خطاء كبير جداً لان فهد يعتمد على سرعة والبرازيل أيضاً سريعيين فبالقوة الغلبة للبرازيلين وما راح يأدي اليوم المتوقع منه لو كان متواجد سالم الدوسري كان أفضل و بكثير لان يلعب الباص القصير افضل من فهد ومهارت الفردية في المراوغة وفتح اللعب افضل من فهد وبذالك يكون التشكيل الي كنت متمنيها : السديري الشهراني الحافظ الفتيل معتز هوساوي معن البراهيم الفهمي عطيف الدوسري دغريري ======================== اتمنى يكون تحليلي خطاء وينجح الاخضر بخطف التأهل اليوم ================================= تحليلي قبل المباراة صح بالنسبة للمنتخب ما قصروا لكن كان عندهم افضل بالنسبة للحافظ المفترض كان يلعب اساسي ومعتز يلعبه كظهير ثابت أيمن لان الزبيدي ضعيف التغيرات كانت فيها نوع من الخطاء خصوصاً خروج عطيف لون ان عطيف ما كان مأدي لكن كان أفضل خصوصا في توزيع اللعب تغير محمد ال فتيل خطاء كبير جداً لان كان ماسك صح والله هذا اللاعب اللي اعجبني كثير في هدوءه |
ياخي ذا المدرب ليه مالعب القميزي الظهير اليمين الاساسي ؟؟؟ خيرها بغيرها |
صحيح اليوم المنتخب ماقدموا مستوى .. .. لكن اللي فيهم رهبه من منتخب البرازيل .. رغم ان البرازيل اليوم اسم فقط .. يعني مستواهم ماكان توب .. ف لعيبة المنتخب كانوا خايفيين من البرازيل لذلك ماقدروا يركزون ف المباراة .. .. أنا ..أقول المنتخب هذا لازم يهتمون فيه صدقوني لو اهتموا فيه .. عام 2014 .. بينتج لنا لعيبة شباب وممتازين .. حرآم نهملهم ... .. |
أعتقد القميزي اصيب ضد نيجيريا كل مباريات سعودي لعب كانوا 5 لاعبين في خط الوسط اليوم لديهم سوى 4 لاعبين. عطيف يلعب دائما صانع الالعاب وهذا يعني 3 لاعبي خط الوسط في السعودية... وأضاف مدرب البرازيل المهاجم اضافي ، والتي تسببت في الكثير من المشاكل للسعودية كانت خسارة تكتيكية |
يالله هارد لنا وما قصروا الشباب ولا المدرب وخصوصاً في دور المجموعات يعطيك العافية |
إقتباس:
كفيت ووفيت .. بارك الله فيك على التوضيح .. هاردلك ياوطن .. مادام نواجه مشكلة مع الحكم :cry: عز الله أن منتخبنا رايح فيها .. |
عـــوأأأأأأأأأأأأأأأأأأأأأأأأأأأأأأفي ..... |
إقتباس:
يالبيه :wub::smilie47: :alzaeem: |
| الوقت المعتمد في المنتدى بتوقيت جرينتش +3.
الوقت الان » 06:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd