من كلمات مخاوي الليل ...

في غربتي تغرب النور عن عيني

وش حاجتي في نور عين غاب غاليها

امر السفر يانظر عيني قضا فيني

نفسي على ماتعاف امر الله حاديها

يمك حبيبي عظيم الشوق يدعيني

يسري بعروقي كما تسري الدما فيها

علي خطرها حياتي يا معنيني

بعدك عطبها وشوفك حيل يشفيها

اخاوي الليل وهاجس ليلي خاويني

يمك سرابي داعي الذكرى بحاليها

اقضي بدنيا لعيني شوفها مشيني

الى متى عيني على شوفك تمنيها

...........................

شوفوا رد الشاعر الكبير بندر الرشود عليها ..ويالله لو تنزل بألبوم رسمي لابو نايف .لان بالجلسه طالعه رهيبه.

هزت شعوري معاني ذكرها زيني

ورديت من شافت عيوني معانيها

راح الفكر يامخاوي الليل لسنيني

اللي مضت من حياتي زاهد فيها

ذكرتني اللي على بالي وناسيني

اللي معه نبضة احساسي معنيها

بيني وبينه مسافه وينه وويني

عزاي ذكرى الموده مع لياليها

مرسالها الطيب لامنه لفى عيني

يطمن الروح في لحظه ويشقيها

ليت السعاده رهينة راحت ايديني

واعطيك واعطي البشر باقي امانيها .