[ يوميات رمضانية " 9 " ] المبدعة zrqa: المسلسلات سبب ضياع عيالنا !! - صفحة رقم 2 - نادي الهلال السعودي - شبكة الزعيم

المنتدى الاستشاري · #1 10/08/2011, 05:39 PM

فكرة : سندريلا الهلال
إعداد : فَيْلَـسُــ زَمَانَهُ ـــوفْ
تصميم : plastic

السلام عليكم ورحمة الله وبركاته ,,
مبارك عليكم الشهر
واعاده الله علينا سنين عديدة واعواما مديدة
وكل عام وانتم بخير ,,

▌ ▌|[ـΞـ يوميات رمضانية 1432 ـΞ]|▐ ▐

في سلسلة تعودنا على اللقاء بكم
حملتنا اشواقنا إليكم ودفعتنا رغباتنا لكم
عادت سلسلة يوميات رمضانية في كل
عام اعتدنا على لقائكم وهانحن نجدد
التواصل بكم مع وقفات مع اعضاء
برزوا واستحقوا الوقوف معنا
هم هنا ليسردوا لنا تفاصيل
يومهم مع الشهر الفضيل

۞ ❤

أهلا وسهلا بكم اعزائنا الكرام
دعونا نرحب وإياكم سوية
بضيفنا لليوم ,, التاسع

المتميزة ..:

..❤{zrqa }❤..
لكي تقوم بسرد تفاصيل يومها مع الشهر الفضيل

ماهو رمضان بالنسبه لك ..؟
روحانيه تألف بركه أمان هو من اكثر الشهور اللي تصيبني بحاله لين

ربي يتمم علي
ويبلغني اياه هو الشهر اللي أخاف افقده وياخذني الموت منه

برنامجك اليومي في رمضان ؟
عادي الظهر اقوم اصلي بعض الاحيان اجلس ما أنام وبعض الاحيان ارجع أنام وأصحا العصر اصلي
وعلى طول للمطبخ لين المغرب نفطر نصلي بعض الاحيان اروح لتراويح وبعض الاحيان السوق
واذا ماصار عندي التزامات نمت لين حدعش وجلست لين الفجر تسموا ونمت

ماهي اكلتك ومشروبك المفضل في رمضان ؟

مافي بس مهما كان الفنتو والتانج والسمبوسه لها طعمها

متى اول مره صمت فيها .واذا عندك مواقف مع الصيام اذكرها ؟

للأسف ما اذكر

موقف لاينسى حصل لك بـ رمضان..؟

اول يوم كنت بخامس مدري سادس رحنى لمكة طبعا فوجئت بطول الوقت وانتها فيني الحال
أني ما صمت ولا يوم

ومن زين الطبائع مانفطر الا اذا بقى على الأذان ربع ساعه

كنه بوكر لو انتظرنا ربع ساعه ولا شعريه حلوه كنا ناكل الله يكرم النعمة بس

كيف نظامكم واجوائكم في رمضان ونظامكم بالفطور والعشاء والسحور.؟

عادي سفره وحده للفطور طبعا كلها اطباق عاديه صواني خضار وحلا ومقبلات بس مكرونه رز هذي
ماقد حطيناها على الفطور والسحور عادي كبسه لحم او دجاج

.
اما وشلون أنا وامي واختين واخو اربع افراد وبين فتره يجون أخواتي المتزوجات

هل ترى اختلاف بـ رمضان في السنين الماضيه عن السنوات الاخيره واذا نعم وش الاشياء الي افتقدتها.؟

اكيييييييييييييد في اختلاف كبير من عده نواحي
اول شي على الصعيد الاسري تناقص عدد افراد العائله

وأما الروحانية فهم ماقصرو حسبي الله عليهم من هالمسلسلات

اللي ماخلت عيالنا يروحون
ولا يستريحون اتذكر اول ام بي سي تنقل شعائر التراويح والحين اللهم ياكافي اتمنى يرجع اول

فرحتنا حتى بطعم الفيمتو والسمبوسة والقيمات فعلا اول اتذكر لمى كان كل عيال الحاره قبل الأذان بربع ساعه
كلن يذوق جارهم اللي مصلح وكلن يعطي المحتاج فيهم

رسالة في هذا الشهر المبارك .. لمن تبعث بها وماذا تقول فيها ؟

رساله من القلب لكل من لها عن فضل هذا الشهر الكريم

لو استشعرت انه اخر رمضان ستبلغه ما كان هذا عملك

وان كنت تريد خير الجزاء اعمل وان الصوم لله وحده فقدم هديتك لله جميله

ومن القاريء الذي تحرص على الصلاه خلفه في رمضان؟

والله اتمنى اصلي مع خالد الجليل وعسى ان يكون قريب

حنى قريب من الدوسري ونصلي معه

أجمل رمضان عشته حتى الآن , متى ولماذا ؟

والله كلها حلوه وكل سنه لها مواقف ونستشعرها

رمضان قبل رمضان طفوله ورمضان الحين وعي وعمل اللازم
وكلها جميله وتستحق الإمضاء على ذكرها الجميلة

نبي صوره تلتقطها لنا من يومك الرمضاني المجال مفتوح لك..؟

الماده تزحم بالصور لكن الاي باد مايرفع الصور وكمرته سيئه

اليوميات الرمضانية :~

طبعا اليوم يبدأ من الفجر واللي كنت في بالطريق لمكة تبع حمله الأخيار ويلهم بهذلونا كل دقيقه موقفين

ما صدقت اوصل الميقات احرمنا وكملنا طريق وصلنا لمكة الله يشرفها

يمكن خمس ونص
دخلنا الفندق حطيت اغراضي على السريع ابي ادخل للحرم واركب أنا واختي متزوجه واختي اللي اكبر مني
وبنت اخوي الصغيره النقل الجماعي وصلنا الحرم سته ونص شعور رائع ابي أصيح اصارخ ابي اسجد
سجود شكر كل شي مر في خيالي صرت بس ابي ادخل داخل وقفت وصلت شكر لله التفت على اختي بصدمه
وقلت لها الموقف اكبر من أني اوصفه الحمدلله يارب طبعا لي يمكن اكثر من 11 سنه ما رحت لمكة

بدينا عمرتنا الساعه سبع الا ربع وهالايرانيين وعلى شكل جماعات الله يهلكهم ويخربطون الواحد جلست
ادعي بيني وبين نفسي الا فيه رجال كبير بالسن سعودي يدعي ومغير يمشي معي عجزت أوخر عن المكان
اللي هو فيه من الزحمه وهو يدعي الله يعافي الله يرزقني الله يشفيني ومن هالشكل اخر شي صرت اقول
امين امين امين

ومن الحماس خائفه على بنت اخوي وماسكتتها مع المعصم وهي ميييييته حر وتعب
وانا اقول لها معليش لين نخلص واذا وقفنا على بدايه الطواف اطلق يدها وأقول بسم الله الله واكبر
وارجع امسكها من جديد احس انها تنتظر هالموقف عشان تعدل نفسها قبل امسكها من جديد

وعند مقام ابراهيم واقف العسكري ومسكين متبهذل من اللي يتبركون حوله كل ما مرت وحده وبدت تمسح
يقول حرام ياخاله ومن كثرهم شوي الايدخلون فيه قاله الثاني اقول دفها قال وش ادف لو ماتت ذنبها علي

خلصنا طواف وشكلي لا يعلا عليه وخصوصا أني متغطيعه بغطات أمي ومغير تزلق

صليت ركعتين
وكانو العاملات ينظفون السجاد وتكلموا لوحده عشان تقوم عشان ينظفون اللي تحتها وشكلهم بدو يتهاوشون
الأنقول لبعض افركو قبل يجي شي ونبداء سعي وبديت احس بالتعب استغفر الله الله يتقبل بدينا الاول مشى
الوضع وصلنا المروى ويوم جيت الف الا بنتين قدامنا طاقين أمها سوالف الا زلق وحده منهم أنا وقفت
من الخوف على بالي استنزلت جت اختي مسكتني قالت حسبتها انتي قالت وش فيها قالت زلقت قلت احسبها
مستنزله قالت خير بالحرم ورمضان الشياطين متربطه قالت وش دراني وصلنا الشوط الثالث الا قلت خلاص
خل نجلس شوي تعبنا ونجلس نرتاح الا بعد شوي نشوف اخوي قال تعبتهم قلنا مره اي دوره انت قال هذي
الثالثه قلنا اجل نكمل مع بعض ونرجع أنا وأخواتي نروح نكمل وصلنا لصفاء الا عجوز

جلست بشكل على طول رفعت رجولها ودووووف على الارض أنا خلاص مسكني ضحك حسبي الله عجزت
أوقف وحتى نمشي اسمع صوت الإيرانيين نراهم مقبلين عاد هم مافي تفاهم يمشون ولا همهم احد
الا اقولهم حطو رجلكم خل نسبقهم ونركض وحتى منهده حيولنا وتقولون بالحركه البطيئه وصلنا لشوط السادس
وانا اقولهم خلاااااص خل نوقف قالت اختي اقول لو وقفنا منب مكملين وعلى الشوط السابع يالله يالله نتحرك
وتمت بحمد الله

ونطلع من بوابت المروى ونجلس ننتظر اخوي وامي واختي وزوجته الا في عساكر
عند الباب تجيهم ذيك المصريه ضايعه والأخ مروق جلس وسائلها من المطوافتي بتعاكو ياحجه وايه الفندو اللي
سكنينوه وهي تقوله أنا قيتك من الاخر أنا سالت ولا عرفت حاقه طلع جواله بيدق على زوجه الا تقول زوقي

مامعوش جوال ولا فيلوس ويأخذها ويوديها المكتب مدري وشو وحنى ننتظر اخوي ويدق علينا ونروح له
تقريبا خلصنا عمره عشر الا ربع وصلنا للفندق عشره دخلت غرفتي أنا واختي وانا ما أشوف على طول تسبحت
وتوسدت الوساده وطبعا جوالي كان مقفل فاضي شحنه نمممممممممممممممممت ما حسيت بنفسي الا اخوي
يقول نهائيا انتم نقما من فراشي وشو أقاربها نائمين ومخلين باب الغرفه مفتوح يدخل اخوي الثاني يقول له
نائمين والباب مفتوح قال منسمين ذولا حسيت أني ماعندي دبره

طبعا كان الوقت ست ونص وعلى طول
قمت وغسلت وارح لغرفة أمي الا ياذن ونفطر موية وخبز وجبن قالت أمي بنزل اصلي التراويح وراحت معها
اختي الصغيره ومرت اخوي وجلست أنا واختي اللي اكبر مني واختي المتزوجه صلينا العشاء ونزلنا نحتري
الباص حق الفندق يؤديها لنقل حق محبس الجن وصلنا هناك والمعيقلي

يدعي دخلنا الأبراج جلسنا بستار بوكس
شوي الا هم مخلصين صلاه وامي تبي ترجع طلعنا على اساس نرجعها ونطلع كلنا مره ثاني للأبراج كلمة خالتي
على أمي قالت برسل لكم علي يجيبكم لشقتنا ويرجعكم بعد السحور وقولي للبنات البنات يبون يشوفونهم
قلنا خلاص وصلنا للفندق وشوي يجي ونروح عندهم وجلس معهم لين بعد صلاه الفجر
هذا يومي وصل الله وبارك

سبحانك الله وبحمدك اشهد ان لا اله الا انت أستغفرك وأتوب إليك

شكرًا المجلس

كل شكر موصول

للمبدعة --|" zrqa "|--

وإنتظرونا غدا مع الكاتبة المميزة :-
۞~~| بلو كادي|~~ ۞