|
أنتم اشغلتونا بأهداف ياسر ؟؟ وهاتريك ياسر ومادري ايش ؟ تراها اثنين على الفيصلي ونجران !! وينه ماسجل قدام الاتحاد 3 مبارايات ؟ وينه ماسجل قدام الأهلي ؟ وينه قدام الشباب ؟ وخلنا نقول وينه قدام النصر !! كلنا نذكر مباراة نصف نهائي ولي العهد .. من دخل ياسر كم هجمة هدف ضيعها ؟ وينه مايحسم لك مباريات وينه مايحسم لك بطولات !! اشغلتونا بياسر أقسم بالله الإعلام صادق وإذا هو سوا كذا بقصد أنه يجبر الإدارة توافق على العرض فألف شكر والله سوت في الجماهير (الواعية) ألف خير ياسر من نجم إلى أن صار عاله الأن على الهلال ! ماخذ مركز المهاجم بدون أحقيه !! ياسر ماقدم له اللي يشفع له أنه يكون في الهلال في الوقت الحالي ! والله جمهور غريب !! |
أنا من ناحيتي ما أشوف إنه صعبه لو صعبه ما خذينا 6 بطولات أسيويه وأكثر نادي من ناحية البولات الخارجيه وقد تأهلنا لكأس العالم لكن مو تقصير من الزعيم لعدم المشاركة التقصير كان من الشركة الراعيه لكن هذي الفتره لم يحلفنا الحظ لكنها ستأتي |
اوافقك 100% الاعلام شوش حتي علي بعض الجماهير اخرتها ياسر اعاره والغنام ونامي والزوري اساسيون ّّّّّ!!!!!!!!!!!!!!! عجب والله عجب |
إقتباس:
لاحول ولا قوة الا بالله !!!! وش اللي نهاية حزينة ؟؟؟؟؟؟؟؟؟ غريب امركم !!! وش تبغون بالضبط ؟؟؟ الهلآل تعاقداته الى الافضل وانتم مستعجلين بالحكم عليهم !!! رجـاءً لا تزعجونا والموسم توه ما بدأ اصلاً ولكن تفائلوا بالخير تجدوهـ كلنا ما ودنا ان رآدوي انتقل ولكن هذي رغبته .. ويآسر بعد هذي رغبته !! فلآ تقعدون تنوحون وتقرقون على روسنا |
فهد مع إحترآمي لك إنك غلطآن 100% يآبوي أنا هلالي ومتعصب ومحب ليآسر القحطآني تمنيت إنه يذهب للعين لأسبآب عده منهآ أول ششي الاعب نفسيته تعبانه فالملاعب السعوديه تخيل أنت تدخل الملعب فيه كم ألف ويهتفون بإسمك هتآفآت غير لائقه بالله بذمتك بتقدم شي فالمبآرآه ...؟ مستحيل وإذا جينا على كلآم الدكتور والمشرف ألي معآك يمكن فيه شي من الوآقعيه لكن وين بيكهآم عن المآن ...؟ ليه فرطو فيه ,ويكون بعلمك المآن أستغنى عن خدماته نهائياً ويآسر مع الرغم من هبوط مستوآه إلا أن الإدآره لم تستغني عن خدماته بل أعآروه لمدة سنه وصدقني بيرجع ياسر 2007 وبخصوص رآدوي وولي هآمسون لاتنسى كلمة رآدوي حين غآدر الهلآل وأنا أجزم إنه صآدق حين قآل لآبد كل ثلاث سنوآت من تغيير الدمآء فالفريق وهذا مآيسعى إليه شبيه الريح ومن معه من رجآل لاتقولي رآدوي ذهب وهو أفضل محور في أسيآء لاتنسى إن الي حل محله أفضل منه أو على مستوآه عآدل هرمآش وألي أفضل منهم كلهم إيمآنآ إذا وقع للهلآل يعني خلك وآقعي ولاتظغطون على الإدآره الهلآليه تتذكر لقآء مع الأمير عبدالرحمن حين قآل [يخآطب خصوم الهلآل] إذا ذهب رآدوي رآح يجي ألي أفضل منه...! ياناس أتركو الإدآره تشتغل أنا أجزم إنها إدآره نآجحه من جميع النوآحي أتمنى أبو مسآعد وإدآرته لايلتفتون لمثل هذه الموآضيع المحبطه |
إقتباس:
طيب كيف فرطوا ببيكهام :rolleyes: على العموم لا تأخذكم العاطفة من القرار رحل من الهلال أساطير النعيمة المصيبيح البيشي الحبشي عبادي سعد مبارك أبو أثنين التيماوي الثنيان سامي نواف الدعيع تفاريس التايب كماتشو رادوي والقائمة تطول ولم يتوقف الهلال عن الانجازات ولله الحمد بعد اعتزال الدعيع قالوا أن الحراسة الهلالية في خطر فحقق الهلال بطولة الدوري دون هزيمة !!!!!!!!!!!! اللي حاب أقوله ياسر لاعب كبير ولكن الهلال أكبر منه ولن يتوقف عليه فكم من مباراة كان يلعب ياسر ونقول ليت سامي يرجع يلعب تقبل مروري ولك فائق احترامي |
كلنا متفقين على ان ياسر نجم كبير .. لاكن هو هالحين يمر بـ مرحله صعبه ونازل مستواه .. والاداره اساسا ما سوت اعاره لـ ياسر عشان والله الاعلام اثر ع الامير عبدالله بن مسساعد كل الحكايه ان الهلال مشكلته الازليه هجومه العقيم - وجاب مهاجمين اثنين .. فـ هنا ياسر صآر ما له مكان وحتى لو حنا تمسكنا فيه ع رايك راح يكون اسير دكه الاحتياط = شوف هالشي شللون راح ياثر ع مستواه يعني هو اساسا نازل مستواه والدكه والبعد عن جو المباريات تنزل مستوى اي لاعب كل هالعوامل راح تنهي ياسر تماما افـ كان لحل السليم بـ اعاره ياسر شكرآآآ اداره عبدالرحمن بن مساعد |
ياحبايب المشكله بدات مع تعاقد الادارة مع مهاجمين لازم واحد يرحل ياسر او عيسى انا اقول رحيل ياسر افضل اخذ فرصته العام غير الاعلام المسلط عليه اهم شي راح اعاره مو انتقال وان شاء الله يرجع افضل ومعنويات عاليه وانا معاك ان الاعلام يقود الجمهور الهلالي والاداره والحين طالعين ان الهلال ماعاد يبغى بطولات محليه ؟؟؟؟؟؟؟؟؟؟؟؟ |
بالطبع اسيا صعبه قالها الاعلام و لا ما قالها و بالطبع الاداره راح تتعاقد مع لاعبين بالملايين و يقدمون مستوى ويبيعهم و كلنا نتذكر نيفيز لعب معنا سنتين ببلاش وربحنا فوقه انت مسوي كافش ام السالفه |
ما عليه اخوي اخالفك الرأي .. يآسر راح اعارهـ بمبلغ وقدره يستفيد منه النادي ويستفيد منه اللاعب ،، وبعدين الهلال تعاقد مع اجانب في الهجوم يعني مصير ياسر الدكه ! مدرى تفكيركم عاطفي اكثر من انه في مصلحة النآدي ،، ياسر لاعب كبير ولا احد يختلف في هذه النقطه ،، لكن وضعه الحالي لا يسمح له ان يكون ضمن القائمه الاساسية .. ايضاً في ظل وجود الاجانب الجدد،، كل التوفيق لأبو عبد العزيز ويجينا الموسم الجاي راجع بالمستوى اللي عرفنآه عنه .. وخلوآ الادارة تشتغل وتعالوآ نهاية السنه حاسبوها : ) |
: يفرط في نجومه مو في ياسر ههههههههه تشجع الارسنال ياسر يساوي من في الارسنال طيب خل عنك الارسنال أظن بعيد خبرهم بالبطولات خلك في برشلونة من 2008 قريب وش سوت الادارة فرطت برونالدينهو والمدرب وديكو وثمنها سداسية تاريخية طبعا رونالدينهو بأسوأ مستوياته لا يمكن يقارن بياسر نهائيا اثقل ياغالي والا منتدى العين ينتظرك . |
كلامك خاطي جدا من وجهة نظري فيما عدا أن الاسيويه صعوبتها في الدور الثمانية راادوي يسبب احراجات كثير للفريق بالطرد والايقاف ثم ان الاعب خلاص مل من الهلال . ياسر مشحون من قبل جماهير الاتحاد والنصر وسالفة .... أثرت فيه كثير خله يريح بعيد عن الوسط الرياضي السعودي المزعج اما تجديد الدماء فهي في مصلحة الهلال لكن استغرب عدم تواجد لاعبين محليين جدد |
سترى هذا العام هلال آخر سترى مدرسة الأفارقة القتالية و الورجولية في اللعب لن ترى هذا العام كثير العثرات |
نو كومنت بس أتمنى يكملها سمو الأمير بشراء مختار فلاته لأنه لايوجد مهاجم محلي يعوض غياب ياسر مثل مختار شكراً |
أدارة الهلال هذي ضعيفة بأمكان الاعلام يغير فيها بكل بساطة ومن خلال منتدى الزعيم من خلال المندسين يستطيعون اقناع ويتحكمون في ادارة الهلال حاربو ياسر وعبدالرحمن بن مساعد قال للمندسين والاعلام الاصفر ابشرو ورادوي كذلك للاسف ووووووووووووينك يا محمد بن فيصل هيبة وربي هيبة ما ينضحك عليه الامراتيين ينتظرون ياسر ويبونه كثل ما ننتظر ايمانا ونبيه للاسف ضحى بن مساعد بياسر بعد ما ياسر ضحى بالملايين لأجل الهلال بن مساعد جماهير الفقر واعلامهم يتحكمون بك أنتا ايضاً يا بن مساعد لنا الحق في نقدك فأنت لست ملاك بس اتمنى توقعون مع ايمانا ونقول ما قصرتي جبتي اربع اجانب جدد بس بعتي روح الزعيم ومرعب الخصوم لكي اجابياتك ولكي سلبياتك ياادارتنا فربما بعد اعارة ياسر أستطاعت سلبياتكم تتفوق على اجابياتكم ولكن ما نقول الا افرحوووووووووووو يا مندسين وسؤال لكم من النجم القادم الذي ستحاربونه حسن العتيبي او هوساوي ام الفريدي مع اني احس ان الفريدي هو الضحية اللي بعد ياسر |
| الوقت المعتمد في المنتدى بتوقيت جرينتش +3.
الوقت الان » 05:51 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd