09/08/2011, 05:58 AM
|
المجلس العام | | تاريخ التسجيل: 28/04/2003 المكان: المجلس العام
مشاركات: 2,104
| |
[ يوميات رمضانية " 8 " ] المبدع المعاتب : ليش الشعب السعودي مآ يركب سيكل ..!!! فكرة : سندريلا الهلال إعداد : فَيْلَـسُــ زَمَانَهُ ـــوفْ تصميم : plastic السلام عليكم ورحمة الله وبركاته ,,
مبارك عليكم الشهر
واعاده الله علينا سنين عديدة واعواما مديدة وكل عام وانتم بخير ,,
▌ ▌|[ـΞـ يوميات رمضانية 1432 ـΞ]|▐ ▐ في سلسلة تعودنا على اللقاء بكم
حملتنا اشواقنا إليكم ودفعتنا رغباتنا لكم
عادت سلسلة يوميات رمضانية في كل
عام اعتدنا على لقائكم وهانحن نجدد
التواصل بكم مع وقفات مع اعضاء
برزوا واستحقوا الوقوف معنا
هم هنا ليسردوا لنا تفاصيل
يومهم مع الشهر الفضيل ۞ ❤ أهلا وسهلا بكم اعزائنا الكرام
دعونا نرحب وإياكم سوية
بضيفنا لليوم ,, الثامن المتميز ..: ..❤{المعاتب }❤.. لكي يقوم بسرد تفاصيل يومه مع الشهر الفضيل ماهو رمضان بالنسبه لك ..؟ أفضل الشهور .. شهر عبادة و طاعة لِ الرحمن .. شهر تتصافى فيه القلوب .. ننسى فيه الهموم , شهر رحمه وَ غفران وَ عتق من النيران .. الله يتقبل منآ الصيام و القيام و صالح الآعمال و يرزقنا الجنان . برنامجك اليومي في رمضان ؟ مدري من وين أبتدي , لكن خلنآ نبدأ من أصحصح الساعة 3 .. ثم أصلي العصر و أجلس في المسجد أقرا قران إلى الساعة 4 ونص أرجع البيت أجلس مع أمي شوي و أشوفها و هي تلف السمبوسه بعدها أفتح لابتوب وعلى النت و قبل أذلان المغرب أقعد على الآيفون نشوف وش اللي جآنآ من برودكآست نرسل و نستقبل و نسولف . ثم يأذن وأفطر شي خفيف و أرجع بعد الصلآة و أدبغ في هـ النعمة الله يحفظها من الزوال ., , ومثل مآ تعرفون المغرب وقت التلفزيون و المسلسلات .. مآ في شي رسمي أتآبعه مثلآ .. طآش مآ طآش والدعايات فيها كثيره نغير على سكتم بكتم وهذي أحلى بكثير بعدها أشوف طارق العلي الفلته .. بعد صلآ العشاء و التراويح أكون في الآستراحة سواليف و قهوة و شآهي إلى الساعة 11 ونص ثم أروح لِ الملعب عندي تمرين يبدأ الساعة 12 أخلص منه تقريباً على الساعة 2 و أرجع البيت بالنسبة لِ السحور .. عآدة السحور يكون مع الوالدة في البيت و بعض الآيام أتسحر في الآستراحة مع الشباب .. طبعاً أهم حآجه في السحور هي : الموز .. إذآ مآ فيه موز مشكلة كبيره , ترى يَ شباب و يَ بنآت الموز فيه مآ يخليك تعطش أبداً جربوهآ تشوفون إن كلآمي صحيح بعد السحور . اروح أصلي الفجر .. بعد الصلآة أجلس ربع سآعه مع ناصر صديقي أسولف معاه أرجع البيت أقرأ قران ثم أفتح الاب توب و أدخل على المنتدى و على طول على رابطتنآ أنزل المسابقة ثم أضبط المدونه اللي بفتحهآ قريب و أشوف تويتر أجهزه > تعرفون نبي ندعس مع النآس . تقريباً إلى الساعة 7 ثم أروح لِ النوم وينتهي يومي ! , ماهي اكلتك ومشروبك المفضل في رمضان ؟ أهم شي عندي فيمتو بارد " أجلس أشرب أشرب أشرب إلين أغتث , بالنسبة لِ الآكل : شوربه خفيفه مآ أحب الثقيل و إذآ فيه شوربه بيضآء ي سلآم .. الشي الثاني : أي أكله فيها جُبن أحبهآ يعني مثل أمس ( فطيرة جُبن ) شي خيالي ي رب يسونهآ مره ثانيه بكره متى اول مره صمت فيها . واذا عندك مواقف مع الصيام اذكرها ؟ الحقيقة مآ آذكر بالظبط متى لكن أتوقع لما كنت في 3 إبتدائي توى أبوي الله يرحمه شآري لي سيكل كآنت ألاجوآء بآرده رمضآن ذيك السنة كآن في الشتآء أذكر يجينآ أمطار وخير وبركه نطلع من العصر دوران بالسياكل إلى أذان المغرب ومن يأذن نفترق وطيران على البيت طبعآ باب " الكراج " مفتوح ونجي " مدرعمين " ( دف قف طع ) > هذآ صوت السيكل يضرب في الباب وبعدهآ مسكر الباب ع السريع موقف لاينسى حصل لك بـ رمضان..؟ مثل مآ قلت لكم أول كآنت ألاجوآء بارده ذيك السنين يعني تلعب كوره الظهر و أنت صآيم عآدي تصير كنت تقريباً في 5 أو 4 إبتدائي ,. والله إني أذكر هذ اليوم بالظبط كيف أنسى و الموت بيني وبينه خطوه .. لكن لطف ربي بي و بحالي وكآن يوم أربعاء و التآريخ 9 / 9 بس أي عآم ما أدري ؟ كنت كعادة أي شاب سعودي يلعب كوره في بيتهم .. المهم وأنآ جآلس أشوت في الجدران ومن الحماس شت الكوره بقوة و طآرت عند الجيران .. رحت لِ ولد جآرنآ و آسمه محمد أصغر مني 3 سنوآت قلت له : محيميد كورتي طآرت عندكم جبهآ لي ! قال : مآ في شي ,, ولا جتنآ كوره ولا شيء قلت : كيف مآ في شي وآنآ قبل شوي شآيت الكوره عليكم ! قال : ي خي مآ في شي . قلت : طيب خلاص . - رحت عند جدآر بيتهم وبحكم إنه صغير قلت بـ ارقى و أشوف إذآ هو صآدز أو لآ ؟ طبعاً أنا من النوع اللي يخاف من المرتفعات .. ومن ذكائي قلت مآ رآح أجيب السلم بـ أجيب المسآند اللي في الملحق ! وأجمعهآ وحده وحده زنقه زنقه وأرقى عليهآ و أشوف الكوره عند الباب اللي كلمني عنده والله إني أتذكر الكوره زين كآن لونهآ أخضر و مخطط بـ أسود حرآم عليك يمحمد ليش كذبت علي ! وأنا فوق الجدآر > المسآند تحركت من مكآنهآ و آختل توآزني > وهيآآآآآآآآآآآآآ على ألارض وانا اللي أطيح على ظهري حسيت بشي غريب في حلقي عرفتوآ " المسقال " * كوره صغيره نلعبهآ أول لعبة أسمهآ مسقال أو مصقال > وصف تعبآن جداً ههههههههههه المهم كآنها واقفه في حلقي مآ أقدر أتنفس .. ي ربآآآآه دقت سىعة الموت دقت سآعة المووووت ومن حسن حظي إن أبوي الله يرحمه كآن في الحوش طالع وآنآ اللي أضرب في الآرض و أبي اصارخ أطلع صوت مآ أقدر كل الي طلع معي : باه باه اباه ابه باه .. اباه ابه باه .. باه باه ابه ابه واضرب بيدي في الآرض عشان يسمعني أبوي والحمد لله لحق علي .. ويشيلني و يوديني عند آمي في المطبخ ويضربون في ظهري و يشربوني مويه والحمد لله رجعت لي الحياة > بس مدري ليه جلست أبكي ! و أمي الله يطول عمرهآ تدهن ظهري من ذآ الفكس وكل مآ جلست أبكي ضربني أبوي في ظهري وهو يقول : آهآ .. خلاص عآد > بعدهآ توبه أقز على بيت الجيران أو ارقى أمآكن مرتفعه توبه توبه .. وبس خلاص > مدري جآني آحسآس وآحد منكم ينآظر بطرف عينه ويقول : مآسك بنآ خط وهذي سالفتك ! أ جعل اللي يقول ذ الحتسي يبلآه ربي بطيحه نفس طيحتي ويفقد التنفس أو الوعي أو أي شي لدقايق عشآن يعرف ! كيف نظامكم واجوائكم في رمضان ونظامكم بالفطور والعشاء والسحور.؟ نظآمنآ ي طويل العمر .. ( دفعه وحده ) > حآر بحآر يعني كل شي يكون جآهز في السفرة " الصمآط " يعني الفطور فيه لقيمآت , قهوة , فيمتو , عصير , فطآئر شي خفآفي .. هذآ لِ الفطور نصلي و نرجع نكمل الشغل مجهزين " الشوربة و المكرونه .. وسم بالرحمن و أدبغ في النعمة بالنسبة لِ السحور .. لا أحد يحتري أحد , يعني مثلآً مو مشكلتي إذآ أخوآني نآيمين عشآن الدوآم . من يحطون أهلي السحور و أنا مسمي .. مآ دآم معي أمي تأكل معي مآ علي من أحد .. بعد 5 دقآيق ينزلون أخواني على وآحد وآحد وكل وآحد عينه متفخه وحمراء > دورت فيس وىحد مىله خلق مآ لقيت المهم ينزلون ولو تقول لو آحد منهم : كيف حالك . يهفـ الملعقة بوجهك > أهم عنصر في السحور .. موووووووووووووووووز ! > ترى مآني قرد بس الموووووز مُفيد ! هل ترى اختلاف بـ رمضان في السنين الماضيه عن السنوات الاخيره واذا نعم وش الاشياء الي افتقدتها.؟ اكييييد يختلف .. لم يفقد أي شخص ربآن البيت وقآئدها , ستشعر بنقص وشيئا ليس مكتمل أفتقد إلى والدي .. أجمل رمضان عشته حتى الآن , متى ولماذا ؟ عآم 1424 و 1425 هـ .. كُنآ على مائدة وآحده في الفطور - أبوي الله يرحمهآ على رأسهآ أخواني خوآتي كلهم متوآجدين تشعر بطعم رمضان .. يأذن المؤذن تفطر و و اللي ينآديك رشود عطني الفيمتو لا ابي العصير اللي يبي شوربه واللي يأكل سمبوسه .. والبزارين عند أمهآتهم يصيحون .. وتشوف التوت صآير شنب على وجيهم شي لا يوصف .. والله أني افتقد إلى أبي بشكل فضيع .. ودي أجي كل يوم و أساله يبه في أي سوره أنت ؟ > عشآن أسبقه في ختم القران ويقول لي أنا في الجزء الفلآني . وبقول : خلآص بعد 3 أيآم تسألني وين أنآ ؟ وأجيه وأساله وألآقي نفسي متعدي أبوي بالآجزاء . لكن أتفأجى بعدين إن أبوي ختم القران المرة الثانية و الثالثة .. و أنا توني في الآولى وعلى بالي إني سبقته ! رحمك الله يَ أبي و أسكنك ربي فسيح جنآته كدرت عليكم الجو آسف رسالة في هذا الشهر المبارك .. لمن تبعث بها وماذا تقول فيها ؟ إلى كل من لم يصلهُ سلآمي .. كل عام و أنتم بخير .. و الشهر عليك مبآرك .. والله يتقبل منكم الصيام و القيام .. أتمنى أن تستغلوآ هذآ الشهر الكريم لِ التسآمح و لِ العودة إلى الله .. هل تحب تصلي في المسجد القريب من بيتكم او تحب التغيير ومن القاريء الذي تحرص على الصلاه خلفه في رمضان؟ أجمل رمضان عشته حتى الآن , متى ولماذا ؟ من نآحيتي أحب التغيير .. المسجد القريب من بيتنآ مآ آصلي فيه الآ الآوقات لكن التراويح كل يوم لي مسجد .. بالنسبة لِ القارى اللي احرص أصلي خلفه .. بتكلم عن ديرتي الخرج .. يعنمي إذآ أحدمن أهل الخرج وده يصلي التراويح عنده .. الشيخ خليل > طريق الملك عبدالله .. قبل دوار جامعة الخرج بعد عمو حمزه > اللي مآ بعد فتح الشيخ وليد السعيدان > الدلم جآمع بن خنين .. مع دوار دله يمين .. القارى " العون " > خالدية الدلم قبل محطة الممملكة القارئ " النمشآن " > طريق الآمير سلمآن عند بلدية الدلم نبي صوره تلتقطها لنا من يومك الرمضاني المجال مفتوح لك..؟ اليوميات الرمضانية :~ تسحرت في الآستراحة .. ثم صلينآ بعد الصلآة سواليف عن أشياء موجوهآ بعد الفجر
لكن مع العيال مآ تقدر تغمض عينيك تكلمنآ عن ( قيادة المرأة لِ السيارة , ليش الشعب السعودي مآ يركب سيكل ويقضي
مشآغله بهآ هل هو مغرور , الآحدآث في سوريآ > بعد خطآب الملك , ) أطول موضع تكلمنآ فيه شباب الجآمعآت > اللي كشخ واللي مآ يعرف يشخص واللي
يفسق وآشيآء كثيره . ثم طلعنآ ورحت أنآ و إثنين من أخوياي لِ بيتنآ وجلسوآ عندي يشوفون بو كريم في رفبته
7 حريم إعآدة طبعاً ثم خلصت و طلعوآ وآنآ رحت أنوم .. العصر صليت في مسجد على الشارع العام ثم قريت قران ورجعت البيت وعلى النت ثم أفطرت العشآء والتروايح صليت في مسجد جيديد الساعة 10 في البيت آتآبع بو كريم في رقبته 7 حريم .. خلصت وديت اهلي لِ السوق
.. وعلى مآ خلصوآ رحت اخلص بعض ألاشغال ثم رحت لِ الصرافة عشان آسحب فلوس لِ الآستراحة " قطه " ومريت أهلي الساعة 12 وخذيتهم من السوق وع البيت دخخلت النت ونزلت رد حق مسآبقة الرابطة . ثم جلست أكتب هـ الحتسي .. والحين برسله لِ مآجد موفقين إن شآء الله والسلآم عليكم
كل شكر موصول
للمبدع --|" المعاتـب "|--
وإنتظرونا غدا مع الاستشاريه المميزه :- ۞~~| zrqa|~~ ۞ |
|