اولا: اشكر الشاعرالاميرالخلوق عبدالرحمن بن مساعد على جهوده المتواصله في اسعاد الجماهير الهلاليه من خلال جلب افضل اللاعبين المتميزين لمواصله الزعيم في اعتلاء المنصات وحصد الكؤس وتحطيم الارقام القياسيه.
وانا هنا بصراحه اعذر الامير واعرف مدى صعوبه اتخاذ القرارات الهامه في نادي جماهيري يتزعم القاره الاسيويه ولمست ذلك من خلال قوله انه يعذر الجماهير الهلاليه في قوه رده الفعل حين تمت اعاره القناص لنادي العين الاماراتي حتى ان الامير عبد الرحمن ذكر انه لو كان مكان الجماهير لكانت نفس ردة فعلهم وهذا راجع لمكانه وقيمه لاعب بحجم ياسر القحطاني.

ثانيا:اقول لعلى في الامر خيره ويعود لنا القناص بأكثر قوه وحيويه في جلد الحراس.

والله صعبه اتخيل الهلال بدون ياسر الكاسر وهنا تذكرت اغنيه

الفنان الكبير "ابو نوره" محمد عبده في اغنيته الشهيره الاماكن.

اعذروني في تغير بعض الكلامات لتناسب الفتره التي ستبعدناعن لاعبنا الكبير ياسر القحطاني.

.( الأماكن ).

الاماكن كلها مشــتاقة لك

والشباك اللي انرسم فيها خيالك

والحنين اللي سرى بروحي وجالك

ماهو بس انا حنيني

الاماكن كلها مشتاقة لك

كل شي حولي يذكرني بشيء

حتى قولك وفرحتك لك فيها شيء

لو تغيب الدنيا عمرك ما تغيب

شوف حالي آه من تطري علي

الاماكن كلها مشتاقة لك


الاماكن اللي مريت انت فيها

عايشة بروحي وابيها

بس لكن ما لقيتك..


كنت اظن.. وكنت اظن

وخاب ظني

ومابقى بالعمر شيء

واحتريتك..

الاماكن كلها مشتاقة لك.


المشاعر في غيابك ذاب

فيها كل صوت


الزعيم وين الزعيم

وانا قلبي من رحلت

ماعرف طعم الزعامه
وليه كل ماجيت اسأل

ها المكان

اسمع الماضي يقول

ماهو بس أنا حنيني
الاماكن كلها مشتاقة لك

سنتابعك ونشاهد كل مباريات العين الاماراتي وما نقول الا الله يوفقك وتصير هداف الدوري الاماراتي وتعود لنا ان شاء الله بالسلامه.