|
لاصحاب العقول الراجحة :: ليس من العيب والنقص .. ان تفشل صفقة اكيلي ايماما :: اسعد الله جميع اوقاتكم بالخير والمسرات في هذا التوقيت لاحديث يشغل الشارع الهلالي .. والبعض من غير الهلاليين (( اللي البعض منهم ينتظرون الفرصة لكي تفشل الصفقة حتى يسنون حرابهم ضد الهلال وادارته النموذجية )) سوى الحديث عن المفاوضات الهلالية و ( الريال بيتيسية :d) حول انتقال النجم الكاميروني اكيلي ايمانا . والكل يشاهد المفاوضات لاننا في عصر التقنيات اللتي بوجودها لن يستطيع احد كتم انفاس مفاوضاته حتى تتم الا ان كان من يتم مفاوضاته من فئية ( الهاف ستار ):naughty: فالكل يطالب الاداره بالتعاقد مع نجوم ( فايف ستار .. وعالميين )) ومن ثم يطالب الاداره بالتكتم حول مفاوضاتها .. فصعب نجم كبير مثل اكيلي ايمانا ان تتعاقد معه بطريقة السكتم بكتم .. دون ان يكون للصحافة العالمية اي دور في تناقل خبر مفاوضاته .. (( كذلك الحال ماحدث في صفقة السنغالي انداي )) .. فليست اداره الهلال وحدها من تفاوض اللاعبين .. وليست الادارة الهلالية وحدها بالعالم من يعلم القاصي والداني عن مفاوضتها للنجوم .. وسأضرب مثال حالي ووواقعي ومشابه لمسلسل مفاوضات الهلال مع ايمانا وبشكل اوسع واكبر واخذ حجم ضخم من التركيز الاعلامي العالمي في اخر ثلاث مواسم .. الكل يعلم عن رغبة افضل نادي بالعالم برشلونة في استقطاب كابتن المدفعجية الارسنال وابن برشلونه السابق سيسك فابريغاس .. وبرشلونه هذا موسمه الثالث وهو يطارد اللاعب في ظل تمسك مدرب الارسنال ارسين فينجر باللاعب .. اضافه الى طلب الارسنال مبلغ 45 مليون يورو مقابل التخلي عنه .. في وقت نرى ان مسئولي البارشا في شد وجذب لتخفيض المبلغ اخرها ماكان اليوم .. الذي رفض فيه الارسنال عرض البارشا السؤال : هل من يلوم ادارة الهلال (التي تعتمد على جهودها الشخصية ودعم بعض اعضاء الشرف + عقد رعاية موبايلي + والمبالغ التي لاتكاد تذكر من حقوق النقل والبيع للمنتجات ) في مفاوضاتها مع ريال بيتيس .. في سبيل الحصول على افضل عرض وطريقة للتعاقد مع ايمانا قادر على انتقاد ادارة برشلونه النادي الافضل في العالم وبطل واوروبا والدوري الاسباني وصاحب عقود الرعاية المتعدد والخرافية من عدة شركات وحقوق النقل اللي بالمليارات والمبيعات والدخوليات التي لاتعد ولاتحصى ( التي لها موسمين وهي بين كر وفر مع الارسنالينن من اجل التعاقد مع فابريغاس ) . ولكل من انتقد تصريح الاداري الانجح في منصبه سامي الجابر بخصوص عدم الحاجة لايمانا في الوقت الحالي اذا لم يتم التعاقد وفق عروض الهلال المقدمة لادارة البيتس .. اتركه مع هذا التصريح لرئيس نادي برشلونه اللي لازال حتى تاريخ هذا الموضوع وهو يفاوض الارسنال .. (( وقال ساندرو روسيل رئيس نادي برشلونة: "المدرب جوسيب غوارديولا يعرف قيمة اللاعبين، وسيسك يساوي اقل من 40 مليون يورو (57 مليون دولار)". وتابع: "برشلونة سيعرض مبلغ أقل، وإذا لم يوافقوا، فإذا اللاعب لن يأتي". )) هل نشاهد من يقول انه كيف يقلل من قيمة لاعب وهو يفاوض فيه ؟ اترككم في حفظ الله :smilie47: |
يا رجال ما تدري وين الخيره والله يكتب اللي فيه الخير |
انا مؤيد لكلامك وادراتنا تعمل عمل جباااااار بس نتظر ياسر الشهراني ياتي |
الخيرة فيما اختارة الله اخوي |
الادارة مافصرت سوت الي تقدر عليه عمره ماجاء اشغلنا هو وناديه ياليت يبقى ويلي عارف لنا وعارفين له |
يعطيك العاافيه ع الموضوع .. والاداره ماقصصرت .. والله يكتب الي فيه الخير للهلال ..~ تـــحــيــآتــي ..~ :smilie47::rose: |
بعض الجماهير الهلالية يحسسونك انهم ليسوا هلاليين.. والمعروف عن الجماهير الهلالية أجتماعهم على كلمه وحده ووقوفهم مع أيا كان من الرؤسا واللاعبين والإداريين .. أنتقاص من قيمة لاعب ومهاجمة إداري .. ومطالبه بأشياء خياليه .. ( وكأننا عايشين في أحسن دوري بالعالم .. وعندنا فلوس كثر فلوس برشلونه وريال مدريد , وميسي يبي الهلال ) , القناعه ايها الهلاليون كنز .. قفوا مع الهلال ولاعبيه وإدارييه فالهلال بحاجتكم وأخيرا : أتمنى من بعض الأخوان أصلحهم الله تحسين ردودهم واحترام الآخر والله الكلمة الطيبه صدقة .. لانصير مثل بعض جماهير الاصفرين في مستوى الردود وطريقة التفكير.. شكرا لك أخي ... موضوع رائع |
صحيح ليس عيبا أن تفشل الصفقه لأي سبب كان وهذا يحصل في أكبر أندية العالم ولكن........ العيب كل العيب أن تطارد لاعبا لمدة أسبوعين وتعرض عليه العروض تلو العروض ويكتب عن مفاوضاتك له الشرق والغرب ثم تطلع للجمهور وبكل برود لتقول لهم:: نحن لا نحتاج هذا اللاعب !!!! هذا الكلام هو الذي أغضب الجماهير وأشعرهم أن إدارتهم تستخف بعقولهم وتتصرف معهم بمبدأ (( سيصدقون كل شيئ نقوله لهم )) وهذا برأيي عيب....... فأرجوا أن لا يتم تسطيح الأمر أكثر من كذا وإظهار الجمهور بمظهر سخيف وكأنه معترض على (( فشل الصفقه)) ومحاولة إظهار الجمهور أنه لا يفقه شيئ في عالم الكره ولا يعلم أن الصفقات معرضه للنجاح والفشل في محاولة للبعض لصرف النظر عن السبب الحقيقي لغضب الجمهور وهو محاولة الإستخفاف بعقله وإستغفاله. يارب ياكريم وفق الزعيم |
إقتباس:
صح عليك وادارة منتدانا وصلنا المليون زائر للموضوع ولم تقفله لماذا!!!! يعني يحسسون الجمهور ما يفهم شي الموضوع لما وضعوه كلنا اعتقدنا ان ايمانا لاعب هلالي وادارة النادي => ولما وافق بتيس على عرض الهلال تردون عليه لا بطلنا !!!! |
وكمان ما هو عيب انك تعلن اجنماع طارئ لاعضاء الشرف تقول النادي ناقص مادة لاتمام صفقة لاعب وتجديد منشات النادي وتجهيز معسكر وتجديد عقود لاعبين |
الاداره ماقصصرت .. والله يكتب الي فيه الخير للهلال مشكور الله يعطيك الف الف الف عافيه تحياتي لك |
اقول خلو الهياط عنكم تستخف وماتستخف الاداره اقدم كل شي الى الاعب بس الكل يعرف ان النادي الاسباني طلب ضمنات بنكيه وهاذا ماعرقل الصفقه وكلام سامي الجابر صحيح ماحنا بحاجته لان ولي موجود ولي مايختلف عليه اثنين ودمتم .......... |
مشكور الله يعطيك الف الف الف عافيه تحياتي لك |
الْلَّهِ يُعْطِيَكَ الْعَافِيَهُ اؤَيَدِكِ فِيْ كُلِّ مَا ذَكَرْتَ عِنْدَنَا جُمْهُوْرِ انْتُقِدَ سَامِيَ مِنْ شِدَّةِ الْعَصَبِيَّهْ وَلَاكِنْ اكْثَرُهُمْ اعتَذُوّرا فِيْ الْمُنْتَدَىْ فَهَاذَا شَيْ طَبِيْعِيُّ تَتَمَسَّكُ بِلَاعِبَ وَمَنْ ثُمَّ يَأْتِيَ شَخْصٍ مسِوؤلَ وَيَقُوْلُ مَا نَبِيِّهِ(عَلَىَ حَسَبِ فَهُمْ اغْلِبِ الْجَمَاهِيْرِ) دُمْتُمْ بُوِوِوِد |
الاداره ماقصرت يعطيها الف الف عافيه والدور ع اللعيبه |
يا رجال ما تدري وين الخيره والله يكتب اللي فيه الخير |
حلووووووووووووه سكتم بكتم شكلك تتابعها كثير |
بس الفرق بيننا ان برشلونه مليان نجوم غير هالااعب لكن حنا اذا جاء هالنجم بيكون النجم الاول بالفريق |
إقتباس:
يا ابن الناس .. الحين الموضوع كله على هالنقطه واللي ذكرت فيها تعليق رئيس برشلونه .. على مفاوضات فابريغاس وهو اللي له سنتين يطارد ففي فابريغاس .. لان اللاعب طالبن فيه الارسنال 45 مليومن يورو والبارشا يقول مالكم الا 35 واللاعب مايسوى 45مليون لكنك مافهمت وش غرضي من الموضوع لاتسوي فيها انك زعلان وان الهلال متوقف على ايمانا .. وانه اذا ماجاء لن تقوم لنا قائمه وتسطيح وماتسطيح .. اذا انت فهمت من كلامي او كلام سامي انه تسطيح .. فسامي ليس في مايطلبه المشاهدون .. سامي ضمن اداره تسير بخطى موزونه ووفق امكانيات محدده .. وتتفاوض في حدود المتوفر والمفروض انك كشخص محب ومتابع للهلال .. تكون ملم بكل صغيره وكبيره عن الهلال .. الهلال يسير بمجهودات رئيسه واثنين فقط من اعضاء الشرف وغيرهم ماحولك احد فهل تريد منهم .. مجرد ان فاوضوا اللاعب ان يوقعوا باي قيمه من ان لايسطحوا رغبات الجمهور .. الهلال .. كثر خيره فاوض ايمانا وانداي وكانت مفاوضاته في حدود المعقول والمتوفر .. غيرنا ولله الحمد لاعب خليجي وجالسن شهرين يفاوضون فيه عالعموم بترك لك هالتعليق من مدرب برشلونه .. يمكن تفهم قصدي من الموضوع غوراديولا قال : " فابريغاس ؟ لا أخبار عنه .. إذا انتهى الصيف بصفقة سانشيز فقط , سأكون راضيا ً .. لن أحتج بل سأشكر الإدارة وايضا ً اليكسس على القدوم للعمل معنا " .<!-- google_ad_section_end --> شخص يفاوض لاعب .. ويقول اذا ماجاء ساكون راضي .. طيب ليه تفاوضه طالما انك لست في حاجته وبتكون راضي بدونه :s2: هذا تفكير بعض الجماهير الله يهديهم :d |
إقتباس:
والا فريق ثاني يلبس اصفر وازرق عزيزي : الهلال طول عمره ماتوقف على نجم .. لعب للهلال واعتزل او انتقل فما بالك انه يتوقف على قدوم لاعب سنتعاقد معه ونحن لانعلم هل سينجح او يكون مصيره الفشل (( واذا تفهم في الكوره اكيد واضع هالنقطه ببالك )) قامت الدنيا على قدوم ابرا للبارشا .. لكنه لم يلعب الا مباريات قليله اساسي ومجرد ما انتهى الموسم .. صرفوه ببلاش وعلى طريقة من ياخذه ويفكنا منه ففشل الصفقه شي محتمل .. ولاتستطيع ان تضمن لي نجاح ايمانا |
| الوقت المعتمد في المنتدى بتوقيت جرينتش +3.
الوقت الان » 10:44 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd