05/08/2011, 04:51 AM
|
| زعيــم نشيــط | | تاريخ التسجيل: 08/07/2005 المكان: نــــــــجــــــــــد
مشاركات: 810
| |
|
جمهور اللاعبين ماتحسون انكم اشغلتونا ؟؟
السلام عليكم ورحمة الله وبركاته ....
اخواني الاعزاء ...
ان كان بالهلال مشكلة فهي ليست مادية
وليست مشكلة الهلال في ايجاد صانع العاب
وليست المشكلة في احضار ظهير ايمن
بل المشكلة كل المشكلة جماهير اللاعبين
بعد ان عانينا في سنوات سابقة من جمهور ياسر
خرج علينا الان جمهور عيسى
ومستقبلا بانتظار جمهور العابد والدوسري
والحبل على الجرار
من يقرأ اسئلة بعض الجماهير لسمو الامير عبدالرحمن بن مساعد في تويتر
لا يدري هل يضحك على تفاهتها ؟ او يغضب لاستفزازها ؟
او يتحمل ويصبر ويوضح فقط ؟
اقسم بالله العظيم عندما ارى بعض تلك الاسئلة انني لا اتوقع ان هذا المشجع هو مشجع هلالي مخلص
يقول الامير عرضنا على عيسى نفس عرض الشباب ورفض وهو يريد الانتقال
يأتي الشخص الي سهران في بيته على كاس شاي ومروق يقول
انتم اصلا يا ادارة النادي تبونها من الله انه ينتقل ؟؟؟؟؟؟؟؟؟
ويجيك واحد ثاني مطفي النور يكذب الامير عبدالرحمن ويقول مصدري عضو في شبكة ؟؟؟؟؟؟؟؟
وصل الامر بالبعض ان يتهم الرئيس عيانا بيانا ومصدره عضو يكتب خلف معرف لانعرف منهو
ومع ذلك يتحمل الامير ويقول عيسى مازال حي يرزق روحوا واسالوه عرضنا عليه نفس عرض الشباب ورفض
وطبعا الي مايبي يصدق ماراح يصدق
لو تم سؤال عيسى وقال بالفعل الهلال عرض لي نفس عرض الشباب
بيطلع مثل هؤلاء وبيقولون الادارة اصلا قالوا له قل كذا والا عرض الهلال 100 الف بالسنة ؟؟؟؟
رغم حبي لعيسى واحترامي لادائه ورغبتي في بقائه بالنادي
واحترامي لاحترافيته ورغبته في افاده النادي
الا ان جمهوره الذي يدعي انه يحب الخير للهلال بدا يجعلني اكره عيسى رغم انه لاذنب له
لاعب يريد الانتقال وتقدم له نفس عرض الشباب ويرفض يبي ينتقل
تبون نطقه بالعصى عشان يوافق ؟
والا تبون نروح نحب راسه عشان يرضى ؟
اذا انتم تبون عيسى يجلس كرها في ياسر هذي مشكلتكم
واذا انتم تحبون عيسى اكثر من الهلال هذي مشكلتكم
واذا انتم ماتقدرون كل مايسويه رئيس النادي وتستفزونه باسئلة مالها داعي
ومع ذلك يتحملك ماراح نسكت لكم
اشغلتونا ياجماعة الخير والله اشغلتونا
الواحد متكي في بيته ولايقدر عمل الاخرين ويجي يسب وبس
اجل لو عبدالرحمن بن مساعد عاشق للفلاشات ويجيب لاعبين مشاهير للتصوير بعدين يجيب لكم رخيص وكويس وش بتسون ؟
اجل لو عبدالرحمن بن مساعد ضارب بارائكم الجدار ولافتح حساب تويتر ولا شي
حتى جماهيره الشعرية بدا يتضايقون من الامير عبدالرحمن من شدة تعلقه بالهلال وان اغلب وقته للهلال
وياتي من ينتقص منه ويشكك فيه
لكن فعلا ابن ادم مايعرف قيمة النعمة الا لافقدها
سياتي اليوم الذي تتذكرون فيه هذا الرئيس الي يدفع بسخاء ويتناقش معكم
وبالنهاية يقول انا مقصر واتمنى ان تعذروني
جمهور عيسى المحياني
اتمنى اذا انكم تنتقلون معه اذا انتقل
واتركوا الهلال لمن يشجع الهلال فقط
لايشجع رئيس ولا لاعب ولا احد
يشجع الكيان
اما اسئلتكم واستفزازكم وعدم تصديق الامير في كل شاردة وواردة فهذا اقل شي يقال عنه انه عيب
لاعب مايبيكم ويبي ينتقل لاتزعجونا فيه
تقولون مانبي الا لاعب يقدر الشعار ويحترق لاجل الفنيلة
وانتم جالسين تركضون ورى لاعب مايبيكم
حتى لو كان ما خذا فرصته عرض عليه الامير نفس عرض الشباب ورفض يبي ينتقل
نجلس نطارده الى متى ؟
اتمنى ان جمهور اللاعبين يجلسون بالمدرجات مع ياسر او ينتقلون مع عيسى
والجمهور الي يشجع الكيان يبقى وبس |
الوضع العادي
