نادي الهلال السعودي - شبكة الزعيم - الموقع الرسمي - اطلآلـه ترد الروح ،، بس يبيلنآ كثيييير ،، [ ارآئكــم ]

سلآم عليكم يازعمــآء ،، :ba:

كلنآ شفنا امس هلآلنا لعب مباراته الاخيرهـ الوديــه ،، وحبيت تشاركوني ملاحظآتكم وتعليقآتكم على ادآئهـم
كـ فريق و كـ مستوى كل لآعب .. :naughty:

انا باتكلــم واقول وجهه نظري اول شي كـ فريق :

اللي بصرآحه مستوى ينخاف منه :cry: ،، قدمــوو اللآعبين ادآء وماقصرو ويعطيهم الف عآفيه
ولا ننسى انها مبآراه وديه والهدف منــهآ الوقوف على مستوى واداء الفريق لكن كـ مستــوى عليه الف استفهــآم والله يستر من القــآدم ! :ranting:

انا مااستعجل الامور وانظر نظره تشآؤميه ! بالعكس ،، متفائل خير لكن ان شاء الله برجوع اللآعبين الدوليين يتعدل الحآل خصوصا الخط الخلفي لكم عليــــه يبيله ترميم بمعنى كلمه ترميم !!:mad:

وارجو الاسرآع في عمل صفقآت محليــه لان الخط الخلفي فقط هو اللي يحتآج له عمل كبير وكبير جدآ ! :yes:

امآ من نآحيه كـ لآعبين :

خالد شراحيلي : مستوى رآئع وفعلآ الحمدلله الحرآسه الهلآليه في امــآآن ،، :smilie47:

سلطان البيشي : مع انـه بآك ايمن لكــن قدم مستوى لاباس فيــه انطلآقته جيدهـ لكن التغطيه يبيله يتحسن فيهآآ ،،

حسن خيرات : عودهـ موفقه بعد اصآبته بالرباط ،، تغطيه جيده لكن يحتاج ان يتحسن من ناحيه توصيل الكره ولاحظنا الشوط الاول ماحسن التعآمل للكوره واعطآها للآعب الفريق اليوناني بس الله ستــر ،، :yes:

ماجد المرشدي : ماادري وش اقول !! مستوآه يخوف وانا احس اننا اثرنا فيه كـ جمهــوور صار مهزوز ولا يلعب بثقه ،، على بلآطه صرنا نحط ايدينا على قلوبنا اذا الكوره في جهتــه وهو احس نفس الشي احس يفكر فينا اكثر من تفكيره وهو يلعب في المباراه ،، مانقول الا الله يعيين وتتعدل الآموور ،، :cry:

محمد نامي : والله ياهـاللآعب والله يقدم مستوى حلو صح عليه هفوات بس لاعب نشيط ويبيله بس ثقه بنفسه اكثر من الحين ،، وصدقووني هالشي مايصير الا اذا حس اننا كـ جمهوور معاه مو ضدهـ ،،! :yes:

شافي الدوسري : اليوم ماهو مضبوط مسرح ماادري مع مين مع الجمهور والا مانام زي الناس ،،!!! :to:

بندر البيشي : يبيله شويه تركيز وثقه لسـآ صغير سن وان شاء الله المستقبل امآمه ،، :yes:

عادل هرماش :ba: : كاني اشوف رآدوي ثآني ،، مع اني ضد نظآم المقارنات بس لاعب كله ثقه في ثقه ولاعب مميز والله يوفقه معآنا ،، :wub:

عبدالعزيز الدوسري : مميز ومهآري والله يوفقه ،، لاحظت لمساته لمسآت صانع لعب وشفناه لتمريره لـ يو سو بيونغ ولـ يوسف العربي ،، :smilie47:

محمد الشلهوب : لاعب ماختلف عليه اثنين موهوب بلمسآته وبلعبه وفنــه بس في هـ المباراه لاحظت انه يحتفظ بالكوره كثير وهالنقطه ضده بدل ماتكون معه لان بنيه الجسمآنيه لكم عليها بس كله فن ،، :wub::ga:

احمـد الفريدي : بروده يذبحني سوى يذبحني عشان الضغط عندي وصل لـ 750 من برووووودهـ والا يذبحني اذا صار مروق ومحد ناشب له يطقطق على روس اللي قدآمه وهدفه الثاني اكبر دليل ،، بس والله لعيب لمسته للهدف لمسته لاعب صح بس يارب انك تخليه تجيه ام العبيد قبل اي مباراه ب 5 دقايق وماتروح الا اذا صفر الحكم عشان يشتغل صح بس مايتهور على هالدعوه واول دقيقتين الا هو منطرد !! :s2:

ويلهامسون : احسه يلعب بدون نفس شكل ايمآنا لعب بحسبته وهو ماجاء ! مو انت يا ولي اللي نعرفه ،، ! :s5s:

محمد قاسم : مشروع خالد عزيز ثاني توه صغير سن يبيله يكسب خبره ويتحسن ان شاء الله مستواه ،، :yes:

مبارك البيشي : نسخه من وجه ماادري وش يصير له عبدالرحمن البيشي لاعب عيال جيراننا « تراه يقصد النصر استغفر الله بس سريع ومهارات الولد وله مستقبل حلو ان شاء الله بس يحاول يتبرا من ولد وشسمه ماادري وش يصير له عبدالرحمن « ياساااتر ،، :laugh:

يو سو بيونغ : مميز وان شاء الله نشوف هجوم ناري منـه ،، كآمل والكامل الله وصح انه بدري نحكم عليه بس مثل ماشفت انه يستقبل صح يسلم صح كنترول ممتاز مهارات رائعه رجله وراسه والمرمى وهدفــه اكبر دليل ،، من زمــــآن ماشفنا هدف من ركله ركنيه وبالهيد ( الرآس ) قوول من مهآجم ،، متفــآئل فيه ،، :ba::yes:

يوسف العربي : كنت متفآئل بشكل جنوني عليه ،، لكن زي ماقلت بدري ان نحكم عليه من مباراه وديــه ،، احس انه ثقيل وتحركاته بطيئه بس لمساته جيده نوعا مآ وان شاء الله نشوفه قآدم الايام بمستوى افضل ،، :yes:

ياسر القحطآني : نصبر عليه شوي وندعمه بعيد عن مستوآآآآه مرررهـ ،، :to:

عيسى المحيآني : باختصــآر ،، ماله نفس يلعب ،،،!! :cry:

آخرا وليس اخيرا « اخلص بس :ap:

الله يوفق الزعيم ،، بشكل عآم متفآئل خير في هالموسم وبوجود ايمآنا اذا جآ مع ان ماظنتي بس نقول ان شاء الله يبزيد حلا زعيمنآ حلآ وموسم استثنآئي بمعنى الكلمـــه ،،! :smilie47:

اذا المشرف تكرم ونزل موضوعي لاتنسون تتحفوني بآرائكم ... :wub:

نجتمع على حب الزعيـــم ،، :smilie47::rose: