04/08/2011, 03:27 PM
|
| موقوف | | تاريخ التسجيل: 03/09/2010
مشاركات: 371
| |
| مرحبا شباب انا قـــــــــبيلي
طبعا انا شفت الحلقة رووووووووووعة جدا وجابوها صح كل الممثلين خصوصا فايز
وانا اكره شئ اذا قالوا قبيلي مو قبيلي 110 و الا 220 ياشينها
المشكله ان الرسول واصفهم هالنوعية انهم من صفات الجاهلية
وبعض الناس يتباهى ويفتخر كانه صحابي او نبي او ملك
نحمد الله على نعمة الاسلام كلنا مسلمين و اخوان في الاسلام
انت ياللي تقول انها موجودة عند القصمان بكثرة مو صحيح
تصدقون مرة واحد من القصيم اسمه محمد عمره 30 سنه وظيفته معلم جاء طاري العوايل قال له واحد من الشباب وش هي القبيلة اللي ترجعون لها يامحمد طبعا احنا كلنا ندري انهم قبيليين بس تدري وش قال هذا محمد
قال والله مادري وش هي قبيلتنا بس بسأل ابوي واعلمكم بكرى جاء من بكرى قال محمد شفتوا سألت ابوي يقول اننا نرجع للعنزي قلنا له ماشاء الله عليك يامحمد ماتدري وش هي قبيلتكم قال وبعدين وش استفيد اذا عرفت طيب انتم يوم عرفتوا قبايلكم وش استفدتوا منها وانا يوم اني ماعرفت قبيلتي ما ضرني شئ
ياخوي للاسف انها في كل دول الخليج كلها كافة شف مثلا طارق العلي في جميع مسرحياته
لازم يتطرق للقبايل و اللي ماهم قبايل و الخوال وتشوفه من اول المسرحية الين آخرة وهو يعلق
على الممثلين اللي معه انت خال وانا قبيلي وغيرة
وفي مصر ايضا نشوفهم يفرقون بين الصعايده واهل القاهرة والاسكندرية
لا واللي اطم واكبر من هذا لبنان عندهم اهل بعــــــــلبك احسن شئ لا بعد مايزوجون اي احد
والا عاد العراق قمة في العنصرية والقبايل
والا عاد في الاردن اللهم ياكافي القبايل والتشدد لامور القبيلة اهم شئ عندهم
الزبدة ياإخوان انه للاسف الداء منتشر في كل بلاد العرب والرسول قال دعوها انها منته وانها من صفات الجاهلية
لكنه قال ايضا في حديث اخر فيما معناه انه ستقوم القيامة
ولازال الناس يتفاخرون بالانساب و يتطاولون في البنيان و ينوحون على الميت
تحياتي شباب لكم فردا فردا
ان اصبت فهو من الله وان اخطات فمن نفسي والشيطان
.
اخر تعديل كان بواسطة » ...علومي الزرقاء... في يوم » 04/08/2011 عند الساعة » 03:42 PM |
الوضع الشجري
