بسم الله الرحمن الرحيم

بعد تصريح الكابتن سامي الجابر عن عدم الحاجه لإيمانا وأن ويلي لديه الكثير ليقدمه

وجدت في نفس الموضوع المثبت ردود تهاجم سامي والإداره وأصبح الموضوع أرض خصبه للمندسين الذين أتمنى من ادارة المنتدى متابعة ردودهم ومواضيعهم السابقه التي تندد بالإداره في كل فرصه تجدها وخصوصا إذا خسر الزعيم مباراه من أصل 60 مباراه

وأيضا هناك أخوه عاطفيين تهجمو على سامي وانا متأكد انه من حبهم للزعيم وعتابهم عتاب محب لا أقل ولا أكثر

أولا : كلنا نعرف المشاكل التي رافقت هذا التعاقد وسبق أن أَعلن عن كل جزئياتها في المنتدى , سواء تعاقد الفريق الفرنسي مع ويلي وجميع جزئيات هذا التعاقد والمشاكل التي رافقته ,, وأيضا تعاقد الزعيم مع اللاعب إيمانا وجيمع الجزئيات التي بذل الأخوه في المنتدى وعلى رأسهم ( كبير الهلاليين ) . و أحضرو لنا الأخبار أولا بأول
ومع علم الجميع بهذه المشاكل ,, إلا أننا نرى هجوم عنيف على الإداره وعلى سامي الجابر ,, وكأنهم يقولون الإداره خدعتنا أو ما شابه ,,,

يعني الإداره تبحث وتحلل وتدفع و تفااااوض وشد وجذب ومشاكل يواجهونها ويوم ما توفقو في الصفقه نجي إحنا نانهش فيهم؟؟
أجل وش مخلين للنقاد والصفراويين؟؟؟؟؟

ويلي هامسون كل أندية آسيا تتمناه ولكنهم ما يطولونه لأن سعره غالي ,,,
والإداره يوم قالو بيجي ايمانا على حساب ويلي مو معناها انو ويلي ماعاد يصلح ,,,
ويلي صانع لعب وهداف بأرقام قياسيه ما أدري ليه البعض يتجاهلها .. ولكن الإداره طمحت فيما هو أفضل ,,يعني ( ويلي زين ) و ( إيمانا إحتمال يكون أزين )

وفيه شي مهم ما أنتبهو له كثيرين وهو يتعلق بـ ( ايمانا ) اللاعب غير منظبط مع ناديه رغم انه هداف ورائع وبصراحه إحنا مو ناقصين خالد عزيز ثاني ,,,,


العتب مقبول والمندسين طلعو وفيه أسماء في بالي والله لو اني مشرف لأشوتها بدون ما أشاور ,,

لأنهم ما يطلعون إلا وقت المشاكل فقط للسب والشتم في الإداره وعلى قولهم ( الحل رحيل الإداره ) ,, على بالهم إنهم في منتدى صفراوي

اللي ماراح ينقد باسلوب مقنع .. أرجوووه لا يقلقنا ويسبب إنقسامات ويعكر الجو الهلالي الحميم

الخيره فيما اختاره الله وبالتوفيق للهلال

لُعْبَة كَبِيْر مِن أَبُو عَبْد الْلَّه
وَالْلَّه يَكْتُب الْلِي فِيْه الْخَيْر لِلَّزَّعِيْم

موضوعك جميل جدا
لكن المشكلة ماراح تشوفها الحين صدقني بتشوفها في نهاية الموسم
لو طلعوا ولي وجابوا ايمانا وماتوفق الهلال الموسم الجاي او بالاصح ماجبنا الاسيوية
بيطلعون وبيقولون وش هالادارة ؟كيف يطلعون افضل لاعب بالفريق؟
ولو ماجابوا ايمانا وكملوها على ولي وانتهى الموسم بدون اسيويه بيقولون نفس الشئ
ليش الادارة ماجابت صانع لعب حقيقي؟
يعني مااقول الا الله يعين الادارة على هالنوعية من الجمهور
يعطيك العافية على الطرح

إقتباس الرسالة الأصلية كتبت بواسطة ×عناد× موضوعك جميل جدا لكن المشكلة ماراح تشوفها الحين صدقني بتشوفها في نهاية الموسم لو طلعوا ولي وجابوا ايمانا وماتوفق الهلال الموسم الجاي او بالاصح ماجبنا الاسيوية بيطلعون وبيقولون وش هالادارة ؟كيف يطلعون افضل لاعب بالفريق؟ ولو ماجابوا ايمانا وكملوها على ولي وانتهى الموسم بدون اسيويه بيقولون نفس الشئ ليش الادارة ماجابت صانع لعب حقيقي؟ يعني مااقول الا الله يعين الادارة على هالنوعية من الجمهور يعطيك العافية على الطرح

معك في كل الي قلـته ،
يعطيك العافيـة مآقصـرت .

إقتباس المشكلة ماراح تشوفها الحين صدقني بتشوفها في نهاية الموسم لو طلعوا ولي وجابوا ايمانا وماتوفق الهلال الموسم الجاي او بالاصح ماجبنا الاسيوية بيطلعون وبيقولون وش هالادارة ؟كيف يطلعون افضل لاعب بالفريق؟ ولو ماجابوا ايمانا وكملوها على ولي وانتهى الموسم بدون اسيويه بيقولون نفس الشئ ليش الادارة ماجابت صانع لعب حقيقي؟ يعني مااقول الا الله يعين الادارة على هالنوعية من الجمهور يعطيك العافية على الطرح

أوافقك الرأي اخوي 100% .....

ولا أتمنى حدوث أيا من الحالتين

ويلي هامسون كل أندية آسيا تتمناه ولكنهم ما يطولونه لأن سعره غالي ,,,
هذا هو الكلام الصحيح وبصراحة اعتبر ان ويلي مكسب كبير للهلال اذا استمر الموسم الجاي واتمنى ان يكون كذلك

إقتباس الرسالة الأصلية كتبت بواسطة باريس0 ولي نهاية الموسم الماضي سيئ جدا جدا فنيا واخلاقيا اتمنى التخلص منه حتى لو ما جاء احد

مالك لوا ,, بعدين وش اللي التخلص منه؟ اللي يسمعك يقول انه ناشب في حلوقنا الحين

راح تعرف قدره اذا فقدته

35 هدف في الموسم ,, ياخي إتق الله كيف سيئ فنيا ؟
في كل مباراه يتعرض لمخاشنه متعمده ,, كيف تقول سيئ أخلاقيا؟


الأخ باريس ,, احد مواضيعك قبل موسمين كنت تقول

إقتباس إقتباس إقتباس رادوي لا يزيد مستواه عن الغنام او البرقان ، فهو محور عادي جداً ويلي كثير الحركة قليل البركة والأهداف نيفيز عادي جدا جدا حتى تسديداته ضعيفه وغير مركزة والمشكلة الكبرى عدم وجود صانع لعب يعوض التايب لا الشلهوب ولاالفريدي ولا تيفيز يعتبر صانع لعب

وهذا رابط موضوعك زي العام الماضي
هل باقي عند كلامك؟؟؟؟؟؟

ياجماهير الهلال لا تنسون وش قدم ولهاموسن للزعيم انتوا اول كنتوا تنتقدون تياقو نيفيز والحين تبون تياقو بأي طريقه

ايمانا لاعب ممتاز من الناحيه البدنيه والذهنيه ماشاء الله على ها للاعب انا من ناحيتي نبيه وليهامسون ونشتري ايمانا

الله يعطيك العافيه واعتقد عتب الجمهور امس كان بسبب العصبيه وما كانوا متخيلين هاذا الكلام من سامي

بس سامي ماقال هاذا الكلام من فراغ اكيد يقصد شي بس محد فهمه

موضوعك جميل جدا
لكن المشكلة ماراح تشوفها الحين صدقني بتشوفها في نهاية الموسم
لو طلعوا ولي وجابوا ايمانا وماتوفق الهلال الموسم الجاي او بالاصح ماجبنا الاسيوية
بيطلعون وبيقولون وش هالادارة ؟كيف يطلعون افضل لاعب بالفريق؟
ولو ماجابوا ايمانا وكملوها على ولي وانتهى الموسم بدون اسيويه بيقولون نفس الشئ
ليش الادارة ماجابت صانع لعب حقيقي؟
يعني مااقول الا الله يعين الادارة على هالنوعية من الجمهور
يعطيك العافية على الطرح

اللـه يكتب اللي فيه الخيـــر للهــلال..