نجل ونقدر للامير عبدالرحمن ماقدمه للهلال طوال المواسم السابقة ..

وقد قدم للهلال مالم يقدمه اي رئيس سابق بشهادة الجميع حتى وان لم يحالفنا الحظ بتحقيق بطولة اسيا ..

لكنه فعل كل ماليزم لتحقيق ما هو اصعب من بطولة اسيا ..


لكن الي يحدث خلال هالفترة اشوف ان فيه استغفال للجماهير الهلالية ..

ابتداءً من المدرب والي كان في البداية خارج حسابات النادي بتصريح من ابو فيصل نفسه ..

وبقدرة قادر اصبح المدرب الافضل بل شبهوه بقريتس بمجرد مقابلة بالتاكيد تبتعد عن الامور الفنية ..

ومحاولة في تلميعه من قبل الرئيس وسامي بشكل جعل اصغر المشجعين الهلاليين يعتقد انه مغلوب على امره بتواجد هذا المدرب ..


وجاءت الطامة في التفاوض مع ايمانا ..

كل المفاوضات قد تنجح وقد تفشل اي انها معرضة للفشل ..

ايمانا الكل يعلم بالمفاوضات الهلالية معه والرئيس يطلع ويقول انا لم اذكر اسم ايمانا سابقا ولم اقل اننا راح نتعاقد معه !!!

ابغى اعرف فايدة المشجع الهلالي من هالكلام ؟؟!!

ويجي سامي ويصرح نحن لا نحتاج ايمانا خلال هذه الفترة ..

اجل كل هالمبالغ المعروضة للتعاقد معه على اي اساس ؟؟!!

عموما تمنيت ان الرئيس بعد تصريحه بعد التعاقد مع العربي والكوري والي المح فيه الى امكانية التعاقد مع لاعب جديد خرج بعد فشل المفاوضات مع ايمانا واعترف ان المفاوضات لم تنجح وبالتاكيد سيعذره الجمهور الهلالي ..

اما مسالة بقاء ويلي من عدمها فهي ليست مجال للنقاش ..

ويلي لاعب مميز والكل يعلم مدى تاثيره على اداء الفريق الهلالي وبالتاكيد ليس كلاعب احتياطي في فريق المطابع الصومالي

لكن ان نتفاوض بهذه الطريقة ثم نحاول استغفال الجماهير الهلالية فهذا مالا نرضاه من ابو فيصل ..

ارتك لك التعليق ..

واعتذر عن الاطالة ..

ياخوان حنا لنا الحكم مع بداية الموسم فقط

وهذي سياسة النادي وفية اشياء تخفاء علينا

وفية مزايدات علي الهلال وتخريب صفقات

وعبدالرحمن بن مساعد وسامي احرص علي

الهلال من اي شخص اخر معنوي ومادي
وشكرا

لا أدري من أي ناحية استغفال ؟!

الرئيس لا يتعامل معك فقط ,,, بل يتعامل مع وكلاء ومدربين ولاعبين يفسرون تصريحاته ويعيدون تقييم أسعارهم بعد كل تصريح موفق ,,

وإذا كنت تريد أن تخبرنا بأنك توهقت بكلام الرئيس حينما قلل من قيمة المدرب دول قبل التعاقد معه , وأنك أيضاً تشعر بأن الهلال خرج من المفاوضات مع إيمانا وصرف النظر عنه

فإنك بذلك تخبرنا بنجاح تصريحات الرئيس وسامي ,,, لأنهم صرحوا بما صرحوا به لتصل هذه الرسالة لمن يقصدون ...

أنت كمشجع هلالي لا تنتظر من الرئيس إلا أن يقدم فريقاً قوياً ويحقق البطولات ويمتعك داخل الملعب ,,,,, أما أمور التصريحات ووهقنا وستغفلنا فما عليك منها

إقتباس الرسالة الأصلية كتبت بواسطة ~NjM~ ياخوك والله مدري شلون تفكرون .. الحين الرجال مضحي باجازته وقاعد يطارد ورى صفقات الهلال ويختار الافضل والانسب وتجي انت تقول يستغفل جمهور الهلال .. الامير عبدالرحمن ماستغفل أحد بالعكس .. حتى صفقة ايمانا ما نفاها او أكدها عشان تقول كذا ... وكان رده واضح بصفحته ع التويتر .. بعد اسبوع بيوضح كل شي . الله لايهينك يبو فيصل وبيض الله وجهك واحنا كجمهور لنادي الهلال نثق فيك ونثق انك سوف تختار الانسب والافضل لنادينا لذلك لانشغل انفسنا بكلام مو وقته او كلام عاري من الصحة

بيض اللة وجهك

وجزاء اللة الف خير

وشكرا علي المعلومة بعد اسبوع ايمانا بعد اسبوع نشوف تفاصيلها

إقتباس لكن الي يحدث خلال هالفترة اشوف ان فيه استغفال للجماهير الهلالية ..

ما اقدر اقول لك الا مع نفسك ^_^

ابو ليون الله يعطيك الف عافيه رد كافي للعقليات االمماثله

إقتباس ايمانا الكل يعلم بالمفاوضات الهلالية معه والرئيس يطلع ويقول انا لم اذكر اسم ايمانا سابقا ولم اقل اننا راح نتعاقد معه !!! ابغى اعرف فايدة المشجع الهلالي من هالكلام ؟؟!! ويجي سامي ويصرح نحن لا نحتاج ايمانا خلال هذه الفترة .. اجل كل هالمبالغ المعروضة للتعاقد معه على اي اساس ؟؟!!

ادارة الهلال لها الحق في ان تناور وتنفي وتؤكد حتى لايدخل احد على الصفقة ,, وربما محاولة للضغط على ريال بيتيس لتسهيل امور الصفقة .. يعني مثل هالامور طبيعية وضروري تصير .. وترا وكيل الاعب ومندوب ريال بيتيس يتابعون ردود افعال ادارة الهلال مثل ما ان ادارة الهلال تتابع كل صغيرة وكبيرة هناك

ياخي صدق الجماهير ماتقدر .. الرجال يشتغل بيديه ورجليه ويدفع دم قلبه وهناك من يتهم بإستغفاال الجماهير ..

ياخي في بعض المواقف ضروري ان تغض الطرف عن بعض الامور حتى تكتمل .. وليس نخرج ونستنكر ونقول استغفال ..

يعني نفرض ان الرئيس اخطأ .. هل نترك كل حسناته مع الهلال ونحاسبه على خطأ واحد !! هل نريد من الرجل ان لايخطيء .. اي عمل فيه خطأ .. وادارة الهلال تسعى جاهدة للعمل على تجهيز الهلال ..



فيه حكمة شهيرة تقول ( للعموم وليس لصاحب الموضوع )

من الأفضل ان تبقي فمك مقفلاً أحياناً ,,
حتى وان كنت تعرف الحقيقة حيث انه من الذكاء ان تكون غبياً في بعض المواقف

إقتباس الرسالة الأصلية كتبت بواسطة حمـ(الهلالي)ــد ادارة الهلال لها الحق في ان تناور وتنفي وتؤكد حتى لايدخل احد على الصفقة ,, وربما محاولة للضغط على ريال بيتيس لتسهيل امور الصفقة .. يعني مثل هالامور طبيعية وضروري تصير .. وترا وكيل الاعب ومندوب ريال بيتيس يتابعون ردود افعال ادارة الهلال مثل ما ان ادارة الهلال تتابع كل صغيرة وكبيرة هناك ياخي صدق الجماهير ماتقدر .. الرجال يشتغل بيديه ورجليه ويدفع دم قلبه وهناك من يتهم بإستغفاال الجماهير .. ياخي في بعض المواقف ضروري ان تغض الطرف عن بعض الامور حتى تكتمل .. وليس نخرج ونستنكر ونقول استغفال .. يعني نفرض ان الرئيس اخطأ .. هل نترك كل حسناته مع الهلال ونحاسبه على خطأ واحد !! هل نريد من الرجل ان لايخطيء .. اي عمل فيه خطأ .. وادارة الهلال تسعى جاهدة للعمل على تجهيز الهلال .. فيه حكمة شهيرة تقول ( للعموم وليس لصاحب الموضوع ) من الأفضل ان تبقي فمك مقفلاً أحياناً ,, حتى وان كنت تعرف الحقيقة حيث انه من الذكاء ان تكون غبياً في بعض المواقف

الله يعطيك العافيه رد كافي ووافي والله يعينك يابو فيصل علينا

من كثر ماحبيت ابو فيصل صرت استحي حتى اجيب طاريه
كثر الله خيرك يبو فيصل بصراحه هلالنا كل سنه يسعدنا ويمتعنا
أخوي عبود غيرنا يبكي دم يبي لو صانع لعب في فريقه
وحنا يالله لك الحمد أقوال وأفعال وبطولات وأفراح

:

انا مع صاحب الموضوع 100% .. حيث للاسف صاحب الموضوع يتكلم في وادي وكل الردود في واد آخر

نعم هناك ( استغفال ) للجمهور .. وعدم ( تقدير ) من قبل سامي والاداره ..
العالم بأسره ( يعلم ) ان الهلال يفاوض ايمانا ,, وبعدها يخرج لك واحد يقول ( ما نحتاجه ) والثاني يقول ( ما قلنا انا نفاوضه )
وفوق هذا يخرج من يقول بأنها ( مناوره ) ذكيه ، مع انها تعتبر ( تمهيد ) لإعلان الفشل

صدقوني نحن الذين أصبنا ( بخيبة أمل ) لم تكن تلك الخيبه ناتجة عن ( فشل التعاقد مع ايمانا ) فالهلال فاوض اكثر من لاعب منهم الذين تمكنا من التعاقد معهم ومنهم عكس ذلك ، وهذه هي المفاوضات فيوم لك ويوم عليك . ولا نقلل من جهد الاداره
خيبة الامل أصابتنا في ( الطريقه الباااارده ) لتبرير الفشل .. فلو قال ( تعرضنا لعقبات كبيره ولم نستطع اتمام التعاقد ) هل تتوقعون اننا سوف نغضب ونقول لا انتم فاشلون .؟!! بل سندافع عنهم وعن ما بذلوه من جهد خلال الايام الماضيه ..
اما ان يخرجون ويقلون ( لا نحتاج ايمانا ) والثاني يقول ( من قال انا فاوضناه ) هنا يأتي الاستهتااار بعقليه المشجع وعدم احترامه أبدا
اتمنى ان تكون فكرة الموضوع وصلت لكم

وكفايه عاد ( تفسير تفاصيل تفاصيل التفاصيل في تصاريح سامي والاداره عشان تطلعون منها بشي تدافعون عنهم به ) التصاريح واضحه
وعلى فكره : لكل المستميتين في الدفاع عن ( الاداره وسامي ) .. ترا سامي ماهو ( نبي معصوم ) حتى يكون كل كلامه ( وحي منزل ) لا يأتيه الباطل من بين يديه ولا من خلفه .
وتصاريح ( الاداره ) ليست ( الحكمة المهداه ) . والتي تحوي بين طياتها ما لا يستطيع احد فهمه الا ( المفسرون )

أهدوا شوي


:

الله يكتب اللي فيه الخير لهلالنا

.......................


مآقصرت و الله .. ربي يوفقك ..


مشكور ولآهنتت..

إقتباس الرسالة الأصلية كتبت بواسطة وجهات وأبعاد : انا مع صاحب الموضوع 100% .. حيث للاسف صاحب الموضوع يتكلم في وادي وكل الردود في واد آخر نعم هناك ( استغفال ) للجمهور .. وعدم ( تقدير ) من قبل سامي والاداره .. العالم بأسره ( يعلم ) ان الهلال يفاوض ايمانا ,, وبعدها يخرج لك واحد يقول ( ما نحتاجه ) والثاني يقول ( ما قلنا انا نفاوضه ) :

تدري وش مشكلتك ؟
إنك قرأت التصريحين بسطحية

رئيس الهلال حينما قال بأننا لم نصرح بمفاوضته ,, يقصد أنه لم يعد بشيء ولم ينشر خبر مفاوضاته حتى نحاسبه على عدم إتمام الصفقة رغم الإعلان عنها

هذي يفهمها أي واحد ينظر بعمق ولا يتلقى الكلام بسطحية

أما بالنسبة لسامي الجابر فأنت اجتززت بعض كلامه وتركت البعض لتصور كلامه على أنه استغفال ساذج ..

سامي قالها بوضوح أننا حينما أخبرنا المدرب بإمكانية مفاوضة اللاعب طالب به وأبدى رغبته الشديدة باللاعب ,,,
لكن في نفس الوقت فإن الحاجة للاعب ليست الآن باعتبار أن فترة الانتقالات التالية ستحل قبل مشاركتنا الآسيوية ,,, مما يعني أن التعاقد مع إيمانا للمنافسات المحلية فقط ليس بتلك الأهمية
وأن أهميته إن وجدت فهي في الآسيوية

يعني أبسط لك كلامه ,,, يقول نستطيع تحقيق البطولات المحلية بدون إيمانا ,, وأن حاجته فقط في الآسيوية ..

وعموماً التصريحين تكتيكيين لإيصال معلومة للطرف الآخر بأن الفريق ليس مجبراً على إتمام الصفقة ,,, لكي يخفف من أطماعه

لكن أنت وأمثالك لا يعنيكم تفاصيل التصريح ,,, وإنما تحكمون فقط على العناوين التي يركبها لكم بتال ..

اللي قاهرني إنك بآخر الموضوع تقول يا جماعة هدوا ؟!!
الحين من اللي محتج أنت ولا حنا ؟!

أكيد سامي ورئيس الهلال ليسوا أنبياء ,,,, وليست كل أفعالهم صحيحة ,,, لذلك وبما إنك فاهم هالشي لا تجلسلهم على الكلمة تدور أي زلة أو شبهة زلة علشان تألب الناس عليهم !

يا عمي استغفال ايه وايش الكلام الفاضي هذا
والله على قولة العضو ( روح ادمنتها الجروح ) انا فعلا كمان استحي انه اجيب طاري شبية الريح بأي انتقاد من الشئ اللي قدمه للجمهور الهلالي
انا ودي اسأل سؤال احنا يا يجي ايمانا يا ما يمشي الهلال خلاص حانسقط درجة اولى ؟
يا جماعة كبروا رؤسكم شوي الإدارة قاعدة تشتغل واحنا قاعدين نخرب عليهم بردودنا السلبية في المنتدى
انا بودي طلب بسيط من اعضاء منتدانا الكرام نترك الإدارة تعمل حتى نهاية فترة الإنتقالات واللي باقي لها حوالي 3 اسابيع وبعدها لكل حادث حديث
اللي عنده ثقة في ادارتنا الغالية يتحدث في الجوانب الإيجابية او يلتزم الصمت حاليا عشان لا نخرب على ادارتنا ما تريد ان تصبو اليه
واللي ما عنده ثقة عاد المجال مفتوح له في المنتدى .... لكن لا نجي نشتكي بعد ما نجي نخرب على ادارتنا .... لأنه بصراحة جميع الاطراف التي تتعامل مع ادراتنا الآن تتابع منتدانا وردودنا فيجب علينا الوقوف مع ادارتنا ودعمها معنويا لاتمام ما يريدونه وما نريده نحن ايضا
واخيرا ليكن شعارنا ( معاك يا شبية الريح معاك ... على الحلوة والمرة معاك )