موبايلي وسياسة تطفيش اصحاب باقة الموج الأزرق ساعة ودقيقه وثلاث ثواني انتظر واحد يرد مون موظفي موبايلي مافيه امل والسبب يبغون يطفشون عملاء باقة الموج الأزرق لأن العدد وصل الى 370 الف تقريبا واذا وصل الى 400 الف راح يدفعون عشرة مليون ريال او20 مليون حسب العقد بينهم وبين الزعيم اتمنى اللي عنده ايميل التواصل مع سمو رئيس النادي ينقل له الخبر انت جرب واتصل من شريحة الموج الأزرق وفي نفس الوقت جرب تتصل من أي باقة موبايلي ثانيه بس تكون مفوتره عشان مانظلمهم نفس سيسة الاتصالات السعوديه من امن العقوبة اساء الأدب |
يعطيك الف عافيه على الموضوع والله ماجربت الموج الازرق انا مفتوره وبصراحه الايام هاذي معاناة علشان يردون كل شوي ازور اقرب فرع لهم لاني لو بنتظر بالجوال يبي لي ربع ساعه او اكتر اروح اقرب فرع افضل واسرع لاخلا ولاعدم |
نعم انا معي باقة الموج الازرق وطفشوني ما يردون عليه أبدا وملغين طلب الصفر من عندي وأضغط مربع أو نجمة يقفل الحط معي وادق عليهم من جوال أخر على طول يرد واشرح له الوضع يقول بحدثه لك وكلها تصريف |
الكل إذا احتاج شئ راح لأقرب فرع وش المشكلة s13s |
صح نفس ماقال ابو ممماجد عوووافي |
صارت سيئة كل الباقات لا يردون موبايل |
بدأت موبايلي تنهب من الزعيم والله يستر عندي لخبطة وسرقه عيني عينك في فاتورة الموج الازرق مع انني اكلم دائما من الموج للموج |
ياخوي مو كلن يقدر يروح للفروع موبايلي من أسوا لأسوا |
لمن يواجه اي مشكله من موبايلي او غيرها من شركات الاتصالات تستطيع تقديم شكوى لهيئة الاتصالات عبر الانترنت |
الشكله التي حصلت معي مشكلة معقده اناموج ازرق وغيرت التلفون وغيرت الشريحه وقامت موبايلي بتغيير الباقه على كيفهم وبدون وعند المراجعة لاعادة الموج بهذلوني بالمواعيد واقتراح الحلول مثل اختر خمس ارقام الباقه الجديده افضل كله عشان نقاطي تراهم مايعطونك ومن ذا الكلام واخر شيء واعدوني بعد العيد الى الله المشتكى والمفروض ان الهلال يشترط ويعين موظفين للباقة في كل فرع لحل مشاكل الباقه ولكم تحياتي |
موبايلي زي ما قلت سياسة تطفيش .. من اسوء الى الاسوء |
الله يعين كنت افكر احول لبااقة الموج الازرق اناا فاااتوره واخاااف تجين الفااتوره دبل والمشكل مرسلين رسااله لقد تم اشتراك بخدمة البث المباشر وانا ماا طلبت الخدمه من اسااسهاا الله يعين الاتصاالات اكلوونا بالفواتير وموبايلي شكلهاا تتبع نفس السيااسه |
مثل ما قلت من امن العقوبة سآء الأدب انا كمملت سآعاه و انا انتظره يردد عادو لي عروضهم مية مررهـ |
انا مع باقة الموج الازرق من خمس اسنين والله أول مافي احسن منهم أما الحين رايحين فيها الحين يطولون عشان يردون ومهبليبنا ومن شهرين تقريبأً كل شوي يغيرون الباقة واذا كلمتهم يقولون لا الباقة نفسها وبعدين موبايلي ماسعدها الا الهلال ولا هم رايحين فيها |
الوقت المعتمد في المنتدى بتوقيت جرينتش +3.
الوقت الان » 04:25 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd